Nur-Sultan qalasynyń politseileri «Ýchaske» jedel-aldyn alý sharasynyń aiasynda ishki ister bóliminde esepte turǵan, otbasylyq-turmystyq qatynas salasynda quqyq buzýshylyq jasap júrgen, spirttik ishimdikke áýes tulǵalardy turǵylyqty mekenjaiy boiynsha tekserip jatyr, dep habarlaidy QazAqparat Nur-Sultan qalasy politsiia departamentiniń baspasóz qyzmetine silteme jasap.
Tekseris kezinde ýchaskelik inspektorǵa egde jastaǵy áiel shaǵymdanyp, 34 jastaǵy balasynyń úiinde janjal shyǵaryp, aqshasyn tartyp alatynyn aitty.
Er adam buryn talai ret jaýapkershilikke tartylǵan.
Mamandandyrylǵan aýdanaralyq ákimshilik sotynyń sheshimimen er adamǵa 20 táýlik merzimge qamaýǵa alý túrindegi ákimshilik jaza taǵaiyndalǵan.
Eske sala keteiik, elorda politseileri 1 qyrkúiekten bastap 1 jeltoqsanǵa deiin Nur-Sultan qalasynyń aýmaǵynda «Ýchaske» jedel-aldyn alý sharasyn ótkizip jatyr.
Shara bastalǵaly ýchaskelik inspektorlar 120 myńnan astam páter men 19 myńǵa jýyq jekemenshik túrǵyn úige bardy. IIB-da esepte turǵan 8 myńǵa jýyq adam tekserilgen.
Shara barysynda jalǵa beriletin bir myńǵa jýyq páter anyqtaldy, ol týraly aqparat Nur-Sultan qalasy memlekettik kirister departamentine jiberildi.
Jalpy alǵanda, jedel-aldyn alý sharasy bastalǵaly ákimshilik jaýapkershilikke 16 myńnan astam adam tartylǵan.
