انا ۇعىمى قاسيەتتٸ مە?

فوتو: Pinterest

 Ult.kz-تە جيھانكەز جۋرناليست دينارا بولاتتىڭ ٶزگە پايىمى.

قوعامدا بالا سٷيۋ — باقىت, ال انا بولۋ — قاسيەت دەپ ەسەپتەلەدٸ. ەرينە بۇل ويدىڭ تٷبٸندە عاسىرلار بويى قالىپتاسقان ۇلتتىق, دٸني سەنٸمدەر جاتىر. قازاق «جۇماق انانىڭ تابانىنىڭ استىندا», «اناڭنىڭ ەڭبەگٸن ونى مەككەگە ارقالاپ اپارساڭ دا ٶتەي المايسىڭ» دەيدٸ. بۇل سٶز ادامزات ٶمٸرٸندە انا رولٸنٸڭ ورنى ەرەكشە ەكەنٸن كٶرسەتەدٸ. بٸراق وسى كٶزقاراس شىنايى ٶمٸرمەن قانشالىقتى ٷيلەسەدٸ?

كٶپ جاعدايدا «انا – قاسيەتتٸ» دەگەن ۇعىم ونى قوعامنىڭ جەنە وتباسىنىڭ الدىندا ٶز ارمان-قالاۋىنان باس تارتۋعا ەكەلەدٸ. «بالا ٷشٸن بەرٸنە شىداۋ كەرەك», «انالىق پارىز» دەپ, ٶزٸن قۇربان ەتٸپ جٷرگەن انالار بارشىلىق. بۇل ٶز كەزەگٸندە انانىڭ تۇلعا رەتٸندە ٶزٸن جوعالتۋىنا ەكەلەدٸ. ارتى ٶكٸنٸش, ەسەيگەن بالادان كٷتۋ, قۇربان ەتكەن جىلداردىڭ ٶتەمٸن بالادان تالاپ ەتۋ.

«قاسيەتتٸ» دەگەن ۇعىم بٸردەن ەش قاتەلەسپەيتٸن مٸنسٸز بەينەنٸ ەلەستەتەدٸ. ال بٸز بٸلسەك بەرٸمٸز پەندەمٸز عوي, پەرٸشتە كٶكتە عانا. انا دەگەن كٸم? ول دا – ەت پەن سٷيەكتەن جاراتىلعان, سەزٸمٸ بار, كٷيزەلٸسكە تٷسەتٸن, قاتەلەسەتٸن ادام. ونىڭ دا بالالىق شاعى, ٶز جاراقاتى بولعان, مٷمكٸن ەلٸ دە بار. ول دا ٶمٸر بويى ٷيرەنٸپ كەلەدٸ. ەسٸرەسە العاشقى بالاسىن دٷنيەگە ەكەلگەندە, ٶزٸ دە جاڭا ٶمٸرگە ەندٸ قادام باسقانداي كٷي كەشەدٸ. جٷكتٸلٸك, ۋايىم, كٷتٸنۋ, بوسانۋ, ۇيقىسىز تٷندەر, دەنساۋلىق مەسەلەلەرٸ, جٷكتٸلٸكتەن كەيٸنگٸ دەپرەسسييا, بالا اسىراۋ, تەربيەلەۋ مۇنىڭ بەرٸ انا بولۋ جولىنىڭ كٷردەلٸ كەزەڭدەرٸ. ول جولدىڭ تۇتاس مٸنسٸز بولۋى ەكٸتالاي.

انانى تەك ۇلى, مەيٸرٸمدٸ, ەرقاشان تٶزٸمدٸ ەتٸپ كٶرسەتۋ ونىڭ جەكە تۇلعا رەتٸندەگٸ بولمىسىن ەلەمەۋ دەگەن سٶز. انا كەيدە اشۋلانادى, جىلايدى, شارشايدى, كەيدە بالاعا داۋىس, قول كٶتەرۋٸ دە مٷمكٸن. ەر انا بۇل رولدٸ قولىنان كەلگەنشە الىپ شىعادى. بۇل سٶگۋ, سىناۋ ەمەس, بۇل انا رولٸن تٷسٸنۋ, قالاي بار سولاي قابىلداۋ.

پايىم

انا ۇعىمىن قاسيەتتٸ دەپ ٶلەڭ, سٶزبەن ەسٸرەلەۋ ارتىق. بالالى بولۋ – وڭاي, انا بولۋ – قيىن. ەر انا بۇل رولدٸ قولىنان كەلگەنشە الىپ شىعادى. يە, انا جولى – ٷلكەن ەڭبەك, تۇتاس عۇمىر. سول سەبەپتٸ «قاسيەتتٸ» دەپ انالارعا جان-جاقتى جٷك ارتىپ قويماي, ولارعا ەر ازاماتىنان, اتا-انا, اتا-ەنەسٸنەن, قوعامنان جان-جاقتى قولداۋ قاجەت. سەبەبٸ قازٸرگٸ زاماندا ول تەك انا رولٸمەن شەكتەلمەيتٸن ەمبەباپ جان. اناعا دەمالۋ قۇقىعى, قاتەلەسۋ قۇقىعى, ٶزٸمەن ٶزٸ بولۋ ەركٸندٸگٸ اۋاداي قاجەت.

دينارا بولات