Ult.kz پورتالى اياۋلى انالارىمىزدىڭ مەرەكەسٸنە وراي ٶلەڭدەر توپتاماسىن ەزٸرلەگەن بولاتىن. انا تۋرالى ٷزدٸك ٶلەڭدەردٸ وقىرمان نازارىنا ۇسىنامىز.
انا
بەسٸكتە – انا, بەسٸكتە – بٶبەك:
بٸرٸ تەربەلەدٸ, بٸرٸ تەربەتەدٸ.
بال-بٶبەك بىلدىر, ٶسٸپ تە كەلەدٸ,
اناعا جالعىز, سول جەتەدٸ.
انا, انا, قايران, انا!
تەربەيدٸ انا ەلەمدەگٸ كٷلكٸنٸ,
نۇر سەبەدٸ انالاردىڭ كٸرپٸگٸ ٶلٸگە دە وياۋعا,
انا دايىن بٸرەۋ ٷشٸن جىلاۋعا, بٸرەۋ ٷشٸن اياۋعا.
تەربەيدٸ انا قۋانىشتى, باقىتتى, تەربەيدٸ
انا – تەبٸرەنەدٸ جانى شىن.
تەربەيدٸ انا ۋاقىتتى; بارلىق ەلەم – بٸر-اق بەسٸك انا ٷشٸن.
تەربەيدٸ انا بٶبەگٸن,
سول ارقىلى تەربەتەدٸ ٶز ەلٸن,
قۇمىن, تاۋىن, ٶزەنٸن.
تەربەيدٸ انا كٶلەڭكەنٸ, شۋاقتى –
پلانەتانىڭ الاقانى سيياقتى...
جۇمەكەن نەجٸمەدەنوۆ
انا
ارمانىڭدى اقتارمىن با جٷرەگٸمدە تەربەسەم?
ايعا سٸڭٸلٸ, قارىنداسسىڭ قاسيەتتٸ جەرگە سەن.
مەن ٶزٸڭدٸ تەڭدەسٸ جوق قۇدٸرەت دەپ تٷسٸنەم,
سەندٸك قۋات مىڭ ەسە ارتىق جەردٸڭ تارتۋ كٷشٸنەن.
سۇلۋ ەلەم, ەلەم سۇلۋ سەن جاراتقان اداممەن,
كٶك جولىنىڭ قارسىلىعىن قاعىپ تاستاپ بارام مەن.
سەندٸك قۋات بولار, بەلكٸم, باسىن يدٸ كٶك ماعان,
ەركەز سەنەن تۋعانىمدى ەسٸمە السام, توقتامان.
ال ۇمىتسام, ۇمىت بولىپ قالارىمدى بٸلەمٸن,
ۇمىت قالماۋ ٷشٸن مەنٸڭ شارق ۇرادى جٷرەگٸم.
شات جٷرٸپ-اق قاس قاققانشا بولامىن مەن شەرمەندە,
جەتٸم ەمەس كەي انانىڭ جەتٸمدٸگٸن كٶرگەندە,
كٶز الدىمدا جاس دٶڭگەلەپ بۋلىعام دا ىزادان,
ماعان تٸپتٸ سٶز كەلمەيتٸن ۇياتتاردان قىزارام.
بۇل دٷنيەگە ونسىز-داعى كەتكەن جوق پا كٶپ ەسەڭ,
و, انالار, كەي پاسىقتى جاراتاسىڭ نەگە سەن?!
تاسباۋىرلار دٷنيەگە كەلسٸن دە, تەز كەتسٸن دە,
ەلدە ٶزگەلەر وندايلاردان جيٸركەنسٸن دەيسٸڭ بە?
قاي كەۋدەنٸ جىلىتادى لاپىلداعان وتپەنەن,
ٶز كەۋدەسٸن جىلىتۋعا قۇدٸرەتٸ جەتپەگەن.
اناڭ ساعان كەرەك بولسا, بالاڭا دا سەن كەرەك,
كەزەكپەنەن اۋىساتىن عۇمىر عوي بۇل دٶڭگەلەك.
انا كەرەك, و, ادامدار, انا كەرەك ادامعا,
اناسىزدار اڭ سيياقتى كٷن كەشٸپ جٷر عالامدا.
پٸكٸرٸمدٸ ۇناتپاعان تاپتىق تا دەر دانانى,
دانالىقتىڭ قاجەتٸ جوق سىيلاۋ ٷشٸن انانى!
تٶلەگەن ايبەرگەنوۆ
***
بەرٸ دە, انا,
بٸر ٶزٸڭنەن باستالدى.
سەن دەپ جازدىم العاش ٶلەڭ داستاندى.
قۋاندىم با,
ٶزٸڭ بار دەپ قۋاندىم.
جىلادىم با,
ٶزٸڭ جوق دەپ جاس تامدى.
بەرٸ دە, انا,
بٸر ٶزٸڭنەن باستالدى.
جانارىڭنان كٶردٸم العاش اسپاندى.
ەركەلەسەم, بٸر ٶزٸڭە ەركەلەپ,
جاسقاندىم با,
تەك ٶزٸڭنەن جاسقاندىم.
العاشقى دەم, ول دا سەندٸك سٷت ەدٸ,
اق سٷت بەرگەن قاشاندا ٷمٸت كٷتەدٸ,
وتانىمنىڭ ٶزٸ سەنەن باستالىپ.
جاۋلارىما جەتكەن جەردەن بٸتەدٸ
قادىر مىرزا ەلي
***
شەشە,
سەن باقىتتىسىڭ,
جىلاماعىن!
جاي تٷسٸپ جاتقاندا دا قۇلامادىڭ.
تەڭٸرٸڭنەن مەن ەدٸم عوي سۇراعانىڭ
سوندىقتان جىلاماعىن, جىلاماعىن!
بارمىن عوي
تٸرٸمٸن عوي,
قاسىڭدامىن.
ٶلمەيمٸن, مەن ٶزٸڭدەي اسىلدانمىن.
تاۋسىلىپ, ٶز-ٶزٸڭنەن شاشىلماعىن,
بايىرعى بەرەكەڭدٸ قاشىرماعىن.
مەن سەنٸڭ قانىقپىن عوي كٶز جاسىڭا
ٶزٸم كەپٸل توت باسىپ, توزباسىما.
ەكٸ جىر جازسام ساعان بٸرٸن ارناپ
«شەشە» دەپ جازدىم ىلعي سٶز باسىنا.
(تەڭٸرٸم كەشە كٶرسٸن كەسٸرٸمدٸ)
اسپانعا جازسام سەنٸڭ ەسٸمٸڭدٸ!!!
شەشە,
سەن باقىتتىسىڭ, تەربەتە بەر
قۇبا تالدان يٸلگەن بەسٸگٸمدٸ…
مۇقاعالي ماقاتاەۆ
انا
قۇلايىن دەپ بارا جاتام قۇلدىراپ,
كٶڭٸلٸم جٷدەپ, كٶزٸم الدى بۇلدىراپ,
سول كەزدە بٸر ەن ەستيمٸن جاقىننان,
اققان بۇلاق سەكٸلدەنگەن سىلدىراپ.
ەسٸم جيىپ, ٶز بويىمدى تٸك ۇستاپ,
تٸرشٸلٸكتٸڭ ەۋەنٸمەن تىنىستاپ,
سەرگيمٸن دە, سەزٸم گٷلٸن قۇلپىرتام,
كەل دەگەندەي بولادى بٸر كٷمٸس باق..
سٶندٸم-اۋ دەپ, ٶلدٸم-اۋ دەپ ىشقىنىپ,
قالعان كەزدە بويىمداعى كٷش بۇعىپ,
سٶنبەيسٸڭ دەپ داۋىستايدى اناشىم,
مەن ورنىمنان جىعىلامىن ٷش تۇرىپ.
ويناپ شىعام سودان كەيٸن قۇراقتاي,
جارقىلدايمىن جٷرەگٸمدٸ جىلاتپاي,
مٷمكٸن,مٷمكٸن انا ماحابباتى شىعار بۇل,
مەنٸ سٷيەپ كەلە جاتقان قۇلاتپاي.
تۇمانباي مولداعاليەۆ
اپاما
ەر كٷنٸڭە تاڭ بولىپ كٷلە كٸرەم,
گٷلٸڭ بولام, باعىڭا مىڭ ەگٸلەم.
ساعان القا سىيلار ەم, قالتام تەسٸك,
مٶپ-مٶلدٸر عىپ موينىڭا جٷرەك ٸلەم.
تىنىشتىعىن جانىمنىڭ تٷنگە ۇرلاتىپ,
جىر جازامىن, بۇل – ازاپ, بۇل بٸر باقىت!
قييالىمنىڭ شەتٸنەن قيىپ الىپ,
سىرعا تاعىپ بەرەمٸن سىڭعىرلاتىپ.
ولقى سوعار بٸر ساعان بۇ دا, سٸرە,
(سىيلىق كٷتپەس ۇلىنان كٸم اسىعا).
جٷزٸڭدەگٸ جىلداردىڭ داعىن اناۋ,
جۋىپ بەرەم ويىمنىڭ تۇماسىنا.
شىرقاسام دەپ حالقىمنىڭ اياۋلى ەنٸن,
ساعات سايىن, سەت سايىن وياۋ جانىم.
سامايىڭنىڭ اعىنا بەرەم جاعىپ,
قارا تٷننٸڭ تۇپ-تۇنىق بوياۋلارىن.
سىرقاتىڭنىڭ جاراسا بٸر ەمٸنە,
سٶزٸم مەنٸڭ, باسقاشا تٸلەگٸم نە.
نۇرى تايعان كٶزٸڭە سەۋلە بەرٸپ,
ماقتانىشپەن قاراتام جىر ەلٸنە.
ودان ٶزگە قولدان جوق تٷك كەلەرٸ,
(بايتاعىنان بايلىقتىڭ كٷتپە مەنٸ!)
قازٸرشە مەن ەل كەزگەن ديۋانامىن,
اداستىرعان ٶلەڭنٸڭ نٷكتەلەرٸ...
تارقاماعان بويىنان دالام شەرٸ,
جۇماق كٷنگە جەتەلەپ بارام سونى!
قارتايسام دا, قايرىلا, بٸر ەركەلەپ,
الۋ ٷشٸن, جان اپا, تابام سەنٸ!
مۇرات شايماران
