كٶكتەم ايىنىڭ العاشقى مەرەكەسٸ 8 ناۋرىز دا ەسٸك قاعىپ تۇر. وسىناۋ مەرەكەگە وراي انا تۋرالى ٶلەڭدەر توپتاماسىن ۇسىنامىز. قابىل الىڭىزدار!
ماما
مەن سەنٸ تەڭٸردەن سۇرادىم, ماما,
وسى ارۋدىڭ قۇرساعىنا بٸتەمٸن دەپ.
مەن سەن ٷشٸن تالاي جىلادىم, ماما,
اقىننىڭ اناسى بوپ ٶتەدٸ دەپ.
مەن سەنٸ جۇباتا المايمىن, ماما,
ارايلى بٸر تاڭىڭ اتادى دەپ.
مەن بۇل ٶمٸردٸ ۇناتا المايمىن, ماما,
قابىرعاما بار مۇڭى باتادى كەپ.
مەن ٶمٸردٸ سوندا دا سٷيٸپپٸن, ماما,
سىزدايدى تەك ٸشتە, جارام عانا.
مەن بار مۇڭنان بيٸكپٸن, ماما,
مەن ٷشٸن الاڭداما!
بۇل ٶمٸردە قاي اقىن جارىعان, ماما?
جٷرگەن سوڭ تاعدىردىڭ ٶتٸندە كٶپ.
بار بولمىسىم ٶزٸڭنەن دارىعان, ماما,
سەن عارىشتى تۋعانىڭا ٶكٸنبە تەك.
سەن مەنٸ قازاققا سىيلادىڭ, ماما,
عاجاپتاردان قاعىلساڭ دا.
مەن سەنٸ ازاپقا قيمادىم, ماما,
قانشا جىل ساعىنسام دا.
ەيتپەسە, بٸلسەڭ عوي, جانىم, ماما,
ٸشٸم مەنٸڭ – شەكسٸز ەلەم.
بۇل مەنٸڭ سورىم ەرٸ باعىم, ماما,
جانارىمداعى ٶكسٸك ٶلەڭ.
ٸشٸم مەنٸڭ گٷلدەرگە تولى عوي, ماما,
نۇرعا دا تولى جٷرەگٸم اق.
بٸزدٸڭ تاعدىر – ازاپ جولى عوي, ماما,
ەيتەۋٸر تٸلەگٸم اق.
ەكەم – تەڭٸر, ٶزٸڭ – ۇمايسىڭ, ماما,
ال, مەن – قۇدايدىڭ بالاسىمىن.
سەن بەرٸبٸر ماعان ۇنايسىڭ, ماما,
كٶزٸمدەگٸ قاراشىعىم..!
اقبەرەن ەلگەزەك
انا جايلى ەڭ جاقسى سٶز...
"Əكە, əكە, سەن ايتاتىن جاقسى سٶزدەر كٶپ ەدٸ,
ايتشى ەندٸ, انا جايلى ەڭ جاقسى سٶز نە?" دەدٸ,
انا جايلى...
انا جايلى پايعامبارلار سəلەمٸ,
انا جايلى اقىنداردىڭ ٶلەڭٸ.
انا جايلى - قارا جەردٸڭ تٶزگەنٸ,
انا جايلى - ۋاقىتتىڭ بەزبەنٸ,
انا جايلى ايتىلماعان بٸر سٶز بولسا əلەمدە,
ول دا انانىڭ ايتا الماعان سٶزدەرٸ.
انا جايلى جاقسى سٶزدٸ ەستۋ ٷشٸن تىڭدا, ۇلىم,
تىنىشتىقتى,
تاۋدى,
كٶلدٸ,
اي سəۋلەسٸن,
كٷن نۇرىن,
انا جايلى سەنٸڭ تəتتٸ قييالدارىڭ, ارمانىڭ,
انا جايلى مەنٸڭ بارلىق شىندىعىم.
مەن ايتاتىن جاقسى سٶزدەر كٶپ ەدٸ,
مەن دە انامدى جاقسى كٶرەم, سەبەبٸ!
بٸلەسٸڭ بە, بۇل əلەمگە ادامدار,
انا جايلى ايتۋ ٷشٸن كەلەدٸ!
ادامزاتتىڭ ەڭ بٸر اسقاق بار əنٸ,
جىر ەتكەمەن, پٸر ەتكەنمەن انانى,
بۇل ٶمٸردٸ قالاي سٷرٸپ ٶتكەنٸ -
انا جايلى ايتقان سٶزٸ بولادى.
انا جايلى - كەڭ دٷنيە - بەسٸگٸڭ,
انا جايلى امانات پەن كەشٸرٸم,
اناڭ ٷشٸن ەڭ جاقسى سٶز دٷنيەدە -
ۇلىم, سەنٸڭ ەسٸمٸڭ!..
ەرلان جٷنٸس
***
اسىل انا! تٷسٸمدە كٶرەم سەنٸ,
بۇرىنعىداي ەمەسسٸڭ نەگە ەڭسەلٸ?
مەن بٸلسەم, ساعان دەگەن ساعىنىشتىڭ,
وسىناۋ جۇمىر جەردە جوق ٶلشەمٸ.
تەربەپ سول ساعىنىشتىڭ كٷشتٸ ىرعاعى,
ەلجٸرەپ ەلەسٸڭدٸ قۇشتىم تاعى.
حات بايلاپ قاناتىنا جٸبەرەر ەم,
بارمايدى-اۋ, بٸزدٸڭ جاققا قۇستىڭ بەرٸ.
نە تاپتىم, بەلدەن كەتٸپ بەتەگەلٸ?!
قالاعا قاڭعىباس وي جەتەلەدٸ.
جاقۇتتاپ جازۋ ٷشٸن وسى ٶلەڭدٸ,
ون جىلدىق بٸلٸمٸم دە جەتەر ەدٸ.
دٷنيە شىر اينالىپ شارايناداي,
جولىما قالا بەردٸڭ قاراي-قاراي.
قايىرىمسىز قالاعا, مەيٸرٸمدٸ,
قالدىرىپ كەتە بەرگەم قالاي عانا-اي?!
ال, بٷگٸن اقىن بولدى اقىلدى ۇلىڭ,
جانىمدى جەگٸدەي جەپ جاتىر مۇڭىم.
ارداقتاپ ارناماسام ساعان ٶلەڭ,
ادىرا قالاتىنداي اقىندىعىم.
بٸلمەيمٸن, بۇل قالادان باق تابام با?
جابىعىپ جٷرگەندەيمٸن جات عالامدا.
...تارىلعان كٶشەلەرٸ تاس قالادان,
تارىداي بٸر مەيٸرٸم تاپپاعاندا,
سەنٸ ساعىنىپ كەتەم, اناشىم!
قالقامان سارين
انا
اقىلمىن. ارمىن. جٷرەكپٸن. ويمىن.
وسىنىڭ بەرٸن سەزٸنۋ عوي – مۇڭ.
داۋىلداتسا دا, قۇيىنداتسا دا,
مەن جەرگە مٷلدەم رەنجۋدٸ قويدىم.
ٶيتكەنٸ, وندا سەن بارسىڭ, انا!
قاتٸگەزدٸكتەن قايمىققان ٶرلٸك,
بالبال تاستاردان ويدى ۇققام سەندٸك.
و, سەنٸ جىلاپ تۇرىپ تا سٷيەم
سورى كٶپ بٸزدٸڭ بويلىق پەن ەندٸك.
ٶيتكەنٸ, وندا سەن بارسىڭ, انا!
ايدىنىم. تاۋىم. ورمانىم. تاسىم.
بەرٸ دە –اسىل, بەرٸ دە – اسىل.
ورنايدى تٷبٸ بۇل مەكەنگە باق
سولاردىڭ جاسى قۇرعاتىلعاسىن.
ٶيتكەنٸ, وندا سەن بارسىڭ, انا!
قاپتاسا-داعى جەر بەتٸن قاۋٸپ,
كەتسە دە بارلىق ادامدىق اۋىپ.
سوندا دا مىنا عاسىردى تاستاپ
ەشقايدا مەنٸڭ كەتپەسٸم انىق
ٶيتكەنٸ, مۇندا سەن بارسىڭ, انا!
ماقپال جۇماباي
اپامنىڭ مونولوگٸ
قۇلىنىم-اۋ,
تٸرٸسٸڭبە كەلشٸ ٷيگە.
ۇلان-اسىر توي بوپ جاتىر كٶرشٸ ٷيدە.
يٸر-قيىر جولدار جاتىر جوعالىپ,
قاسٸرتتەي قارا تاۋ تۇر مەلشيگەن.
سۇراي-سۇراي مەن ولاردان جالىققام,
قۇستىڭ ٷنٸ قۋانتپايدى تالىققان.
كٶكتەم سايىن كٶككە قاراپ جٷرۋشٸ ەم,
«شاعانعولعا» شاشىلعاندا مامىق تاڭ.
قۇستىڭ ٷنٸ قۋانتپايدى اققۋلار,
جىلى جاققا جىلجىپ كەتكەن اق قىزدار.
قىز مٸنەزدٸ قىستىڭ سايقال تٶسٸندە,
التاي جايلى اڭىز ايتىپ جاتتىڭ با?
قۇلىنىم-اۋ,
ساعىندىم عوي,كەلشٸ ٷيگە,
ۇلان-اسىر توي بوپ جاتىر كٶرشٸ ٷيدە,
تٶمەن قاراپ ٶتتٸ ەلسٸز جىميىپ,
بەلكٸم سول قىز سەن سٷيگەن.
ول دا اڭسايدى-اۋ,كٶرگٸسٸ كەپ كٶپ ويلاپ,
مەن سيياقتى مەڭدەپ جٷرگەن و,بەيباق.
كٷلدٸر-كٷلدٸر كٸسٸنەيسٸڭ تٷسٸمدە,
بۇلدىر-بۇلدىر ٷنٸڭ جەتەر جەل ايداپ.
سەن تٷسٸمدە جانارىڭا جاس تولىپ,
جٷرەسٸڭ عوي بٸر اقىلسىز باسقا ەرٸپ.
قاسيەتتٸ جەردەن كٶرەم قايتەيٸن,
تۇرسىڭ ۋداي ماس بولىپ.
قۇلىنىم-اۋ,
سەن ٶمٸرگە كەلگەندە,
ەبٸلحايات انا سٷتٸن ەمگەندە,
بويىڭداعى بيلەپ جٷرگەن جىنداردان
ال باسقاسىن بەرگەم مەن.
قۇلىنىم-اۋ,
قۇلىنىم-اۋ,قۇلىنىم,
جاقسىلىقتىڭ جاساپ جٷرمٸن ىرىمىن.
ەرتەڭ تاعى قاراپ تۇرام جولدارعا,
كٶزٸن سىعىپ كٷمٸلجيدٸ بٷگٸنٸم.
ىرىسبەك دەبەي
