ەن بولىپ ٶتكەن عۇمىرى

قازاقتىڭ كلاسسيكالىق ەن ٶنەرٸندە ٶزٸندٸك ٷنٸ مەن سارا جولى بار, حالىقتىڭ وسىناۋ بەكزات ٶنەرٸنە ەرەكشە ادالدىعىمەن, دارالىعىمەن تانىلعان اسىل ٶنەرپاز رىمتاي اعا ارامىزدا جٷرگەندە بيىل 60 جاسقا تولار ەدٸ.

رىمتاي بٶدەسوۆ 1957 جىلى 4 ناۋرىزدا قاراعاندى وبلىسى قارقارالى اۋدانىنداعى  قاسىم امانجولوۆ  (بۇرىنعى فرۋنزە كەڭشارىنا قاراستى  اقتايلاق اۋىل سوۆەتٸ, 4-شٸ بٶلٸمشە), اققورا بٶلٸمشەسٸندە مۇزدىباي مۇعالٸمنٸڭ وتباسىندا دٷنيەگە كەلگەن.

قىرقىننان شىققان كٸشكەنتاي شاقالاقتى اتاسى مەن ەجەسٸ قولتىقتارىنا قىسىپ, كەنجە ۇلدارى نەسٸپبايمەن بٸرگە تۇراتىن «كٶك بەت» قىستاعىنا الىپ كەتەدٸ. ەجە مەن اتاسىنىڭ التىنعا بەرگٸسٸز تەربيەسٸن عانا ەمەس, بٸرجولاتا «اتاسىنىڭۇلى» دەگەن قۇجاتتى ٶمٸرٸنٸڭ سوڭىنا دەيٸن اسقان ماقتانىشپەن الىپ جٷردٸ.

1964 جىلى اققوراداعى سوۆەت سەگٸز جىلدىق مەكتەبٸنٸڭ بٸرٸنشٸ سىنىبىنا باردى. ال, توعىزىنشى سىنىپتان باستاپ, قارقارالىداعى مەكتەپ-ينتەرناتتا وقىدى.

العاشقى ەڭبەك جولىن ٶزٸ تۋىپ ٶسكەن اققورا بٶلٸمشەسٸندە اتاسىنا كٶمەكشٸ شوپان بولىپ باستاعان رىمتاي, ەن سالىپ تۇرعان دالا داۋىسىمەن وسىندا تابىستى. كٶكٸرەگٸ ارمان-ٷمٸتكە تولى بالاڭ جٸگٸت بٸردە «جونىپ الدى»,  بٸردە «قارقارالى...», «اق ەركە», «اق سەۋلە» سەكٸلدٸ ەندەردٸ شىرقادى, وسى ەندەر ونى ٶزگە ەۋەندەرگە ىنتىقتىردى.

 1976 جىلى كەڭەس وداعىنىڭ ارميياسىنا شاقىرىلىپ, ەكٸ جىلعى ەسكەري بورىشىن ٶتەپ كەلگەن سوڭ, ٷش جىلداي تاعى دا اۋىلدا كٶمەكشٸ شوپان دەگەن كەسٸبٸن جالعاستىردى. توي-تومالاق بولسىن, اۋىلدىڭ بٸر-بٸرٸنە جالعاسىپ جاتاتىن دۋماندى كەشتەرٸندە رىمتايدىڭ ەندەرٸن ۇيىپ تىڭدايتىن كٶپشٸلٸك ٷنەمٸ «سەنٸڭ ٷلكەن مۇراتىڭ ٶنەردە, سەن ەنشٸسٸڭ» دەيتٸن. ال, ونىڭ ەن دٷنيەسٸنە ەنۋٸنە ەرەكشە ىقپال ەتكەن بٸر جان-ناعاشىسى مۇحامەتجان تٷسٸپباەۆ, اۋىل مەحانيگٸ سەۋلەش  مەلٸكەنوۆ ەدٸ.  ال, مالشى اۋىلعا جيٸ ساپارلايتىن اۋداندىق مەدەنيەت بٶلٸمٸنٸڭ  ٶنەرپازدارى, «قازاقستاننىڭ ەڭبەك سٸڭٸرگەن ەرتٸسٸ» جاڭىل قارتاباەۆا, جٷسەكەڭنٸڭ تٸكەلەي شەكٸرتٸ, عاجايىپ ەنشٸ-بايمۇقاش قالاباەۆ, بايانمەن قوسىلا شىرقاعاندا دٷيٸم جۇرت سٸلتٸدەي تىنا تىڭدايتىن ەدٸ. مۇحامەتجان ناعاشىسى, ٶزٸ شىعارعان ەندەرٸنٸڭ كٶبٸن العاش رىمتايعا ٷيرەتٸپ, جۇرت الدىندا ونىڭ ورىنداعانىن قۇپتاپ وتىراتىن. ەسٸرەسە, اقيىق اقىن مۇقاعاليدىڭ سٶزٸنە جازىلعان «شٸركٸن-اي, مەنەن ماحاببات اۋىپ كەتكەن بە?»,  «ٶمٸر-اي, دەيمٸن» سەكٸلدٸ بٸرشاما ەندەرٸن رىمتايدىڭ ورىنداعانىن قالايتىن.

ول 1979 جىلى الماتىداعى جٷسٸپبەك ەلەبەكوۆ اتىنداعى ەسترادا جەنە تسيرك ستۋديياسىنا ەيگٸلٸ ەنشٸ جەنٸبەك كەرمەنوۆتىڭ كلاسىنا وقۋعا تٷستٸ. ج.كەرمەنوۆ رىمتايدى العاش تىڭداعاندا - اق, ونىڭ  ەدەمٸ قوڭىر داۋسىنان, سٶيلەۋ مەنەرٸنە ساي كەلگەن سىرت تۇلعاسىنان, قازاقتىڭ اۋىز ەدەبيەتٸ مەن تاريحىن بٸر كٸسٸدەي بٸلەتٸن عاجاپ تالانتىنا قوسا, ونىڭ بويىنداعى بەكزاتتىعىنان تەك  ەنشٸلٸك قابٸلەتٸنٸڭ جوعارىلىعىن عانا ەمەس, تالاي قاسيەتتٸ بايقايدى. كٶرەگەن جان كٶپ ويلانباستان – اق, ونى ٶز سىنىبىنا بٸردەن قابىلداۋدى جٶن كٶرەدٸ. تالانتتىڭ العاشقى قادامىنان باستاپ, از ۋاقىتتىڭ ٸشٸندە بٸرشاما ٶزٸ ٷيرەتكەن ەندەردٸ عانا ەمەس, ٸزدەنٸپ جٷرٸپ, حالىقتىڭ اراسىندا كٶپ ايتىلا بەرمەيتٸن شىعارمالاردى ٶز رەپەرتۋارىنا ەنگٸزٸپ, ساۋاتتى ورىنداي بٸلەگەن شەكٸرتٸنەن كٶپ ٷمٸت كٷتەتٸن. الايدا, سۇم اجال جەنٸبەكتەي حالقىمىزدىڭ ەن ٶنەرٸنٸڭ بٸر بيٸك تۇلعاسىن ارامىزدان الىپ كەتكەندە, رىمتاي الىس شەتەلدە, «قازاقكونتسەرت» بٸرلەستٸگٸنٸڭ قۇرامىندا تٷركييادا گاسترولدٸك ساپاردا جٷرگەن بولاتىن. الايدا, رىمتاي جەنٸبەك ۇستازىنىڭ ٷكٸلٸ ٷمٸتٸن كٶزٸ تٸرٸسٸندە اقتاي بٸلگەن جاننىڭ بٸرٸ.

1981 جىلى ستۋدييانى بٸتٸرٸپ شىققان تٷلەكتەرمەن قوسا, رىمتاي دا سولتٷستٸك قازاقستان وبلىسىنا جولدامامەن اتتاندى. ٶرٸمدەي 11 قىز-جٸگٸت وبلىستىق فيلارمونييانىڭ قاسىنان  «قوس القا» ەسترادالىق-جاستار انسامبلٸن قۇرىپ, رىمتاي سونىڭ بەلسەندٸ مٷشەلەرٸنٸڭ بٸرٸ بولدى. روزا احمەتوۆا, كەميلا ەلٸباەۆا, تەمٸرجان قادىروۆ, قىزاي بەيسەنوۆتەر وسى جاستار انسامبلٸنٸڭ العاشقى سوليستەرٸ رەتٸندە ەكٸ جىلدان اسا قىزىلجاردا قىزمەت ەتتٸ.

انسامبلدە جٷرگەن  جىلدارى رىمتاي شىعارماشىلىق ٶسۋ جولىندا كٶپ ٸزدەنٸستە بولادى. دالاداعى ەڭبەك ەتٸپ جٷرگەن ديقاندارعا, جالپى قاراپايىم جۇمىسشىلارعا ارناپ  ەن  ايتۋدى تالاپ ەتەتٸن كەڭەس دەۋٸرٸنٸڭ سول كەزەڭدەرٸندە «اق بيداي», «بٸزدە دەرٸگەر بٸر قىز بار», «ساۋىنشى جەڭگەي» سەكٸلدٸ ەلگە كٶپ تاراعان ەندەردٸ سول جىلدارى ٶز رەپەرتۋارىنا ەنگٸزگەن. وسىنداي ەندەرٸمەن ول الىس-جاقىن جەرلەردٸ ارالاپ, تٸپتٸ ومبى قالاسىنا دەيٸن بارىپ, كونتسەرت قويىپ كەلەدٸ. رىمتايدىڭ سالعان ەنٸنە ورىس بولسىن, قازاق بولسىن, قىسقاسى, بارلىق ۇلتتىڭ ٶكٸلٸ ونىڭ الىسقا شىرقاي كٶرەرٸلگەن بيٸك تە تازا قوڭىر ٷنٸن سٷيٸپ تىڭدايتىن بولعان. رىمتايدىڭ سول سالعان ەندەرٸنٸڭ ٸشٸندە ا.ۆ. لۋناچارسكيي: «قازاق دالاسىنىڭ بۇلبۇلى...», -دەپ اتاپ كەتكەن ەمٸرە قاشاۋباەۆتىڭ 1925 جىلى پاريج قالاسىندا سالعان «اعاش اياق» ەنٸ دە بولعان. بۇل ەندٸ دە رىمتاي ٶزٸنٸڭ جان دٷنيەسٸنەن شىققان ەندەي, سٷيسٸنٸپ, اسقاقتاتا شىرقاعان.

1983 جىلدىڭ 5 قاڭتارىندا, ٶزٸ ٷلكەن ٶنەر ساحناسىن ارمانداپ كەلگەن الماتىداعى «قازاقكونتسەرتكە» ەنشٸ-ۆوكاليست بولىپ ورالدى.

90-شى جىلدارداعى ەل ەكونوميكاسىنداعى داعدارىس, ٶنەر يەلەرٸن دە اينالىپ ٶتپەدٸ. سونىڭ بٸرٸ, ەسٸرەسە, كيەلٸ ساحنادا عانا ٶز جولىن تاڭداعان دەستٷرلٸ ەن – كٷي ورىنداۋشىلارعا سوققى بولىپ تيدٸ. حالىقتىڭ جٷرەگٸنەن ورىن العان ايتۋلى ٶنەر يەلەرٸ ەزيدوللا ەسقاليەۆ, قاجىبەك بەكبوسىنوۆ, راحىم تەجٸباەۆتارمەن بٸرگە رىمتاي دا 1996 جىلدىڭ 11 قاڭتارىندا قۇرمانعازى اتىنداعى اكادەمييالىق وركەسترگە اۋىستىرىلدى. اتى مەن اتاعى جەر جارارلىق ٷلكەن ۇجىمنىڭ دا بۇل كەزدەگٸ مٷشكٸل جاعدايى, ەلدٸڭ ەركەسٸ مەن ٶنەر سەركەلەرٸنٸڭ جٸگەرٸن جاسىتىپ, «بالاپان-باسىمەن, تۇرىمتاي-تۇسىمەن» جاعدايعا تٸرەدٸ. بۇل-جٷرەگٸ جۇمساق, بالا مٸنەزدٸ ساحنا ٷشٸن جارالعان جانداردىڭ جانارىن جاسىتتى, جانىن جەگٸدەي جەدٸ. ايىقپاس دەرت بوپ جابىسىپ, ٶمٸرٸنٸڭ ٶتەرٸن بٸلدٸ مە, رەكەڭ  «ارقادان استاناعا ٶنەر ٸزدەپ كەلدٸم, تەك ساحنا ٷشٸن جارالعام, ونداعى ٶمٸر بٸتكەندە اققوراما, قاسىم تۋعان توپىراق, جۇماشىم مەن مٸرەسٸم, تاۋقانىم بۇزاۋ ايداپ اپاراتىن بۇقاتىشقاننىڭ قوينىنا اپارارسىڭ» دەپ, اسىل جارىنا جيٸ ايتا بەرەدٸ ەكەن.

«ارقاعا سال-سەرٸلٸك دەستٷردٸ قايتا جاڭعىرتام» دەپ, قولىنا قارا دومبىراسىن الىپ, جٷيرٸك ات ۇستاپ, قىران قۇس پەن قۇماي تازىنى تٷگەندەي باستاعان 2000-شى جىلدىڭ ناۋرىز ايىندا استاناعا بٸرجولا قونىس اۋدارۋدى, جۇمىس بابىن دا شەشٸپ قويىپ ەدٸ.

«ە, جاڭا عاسىرعا دا امان جەتتٸم-اۋ» دەپ,  تٶبەسٸ كٶككە جەتكەندەي قۋاندى! تاعدىر وعان جەتكٸزبەدٸ. رىمتاي تۋرا 43 جاسىندا, 2000 جىلدىڭ 29-شى اقپانىندا  الماتىداعى 7-شٸ قالالىق اۋرۋحانادا اياق استىنان باۋىرعا جاسالعان وتادان ويانباي كەتتٸ.

ٶزٸ تٸرٸسٸندە اماناتتاعان اققوراسىنا, سٷيٸكتٸ اتاسى مەن ەجەسٸنٸڭ, ٶمٸردەن ەرتە كەتكەن ەكەسٸنٸڭ قاسىنا, مەڭگٸلٸك مەكەنٸنە ورىن تەپتٸ.

14  جاستا ارتىندا قالعان ۇلى – ديدار بٷگٸندە 32 جاستا, جوعارى بٸلٸمدٸ, تۋريزم ماماندىعىنىڭ يەسٸ, كينو سالاسىندا جەكە كەسٸبٸ بار. ونىڭ  بۇلبۇل اتتى قىزى-4-تە, باتىر اتتى ەر بالاسى 1 جاستان استى. جۇبايى-نارگيز دە قارقارالىنىڭ تۋماسى, دەرٸگەر.

اسىل ارمانىن ارقالاپ, الىستاعى اۋىلدان اڭساپ جەتكەن استانا, اسىل جار, التىن اسىقتاي ۇرپاعى, ۇلتىنىڭ بابادان-بالاعا جالعاسقان  ۇلى مۋزىكاسى جەتٸمسٸرەپ قالدى. قارا دومبىراسىمەن ۇلى دالانىڭ ٷزٸلمەس ٷنٸن جەتكٸزگەن ٶنەرپاز ۇلى-رىمتايدى «سارىارقا» كٷيٸنٸڭ ساپ تيىلعان بٸر سەتتٸك تىنىشتىعىنداي, قىستىڭ اق قار, كٶك مۇز, قاقاعان سۋىعى سايابىرسىپ,  الماتى  جىلى قاباقپەن قيماي شىعارىپ سالسا,  سارىارقا دا جابىرقاۋدى بٸلمەيتٸن جايساڭ مٸنەزدٸ پەرزەنتٸن توڭدىرماي, جىلى قۇشاعىنا الدى... سول كٷنٸ بٸر ٷيدە, بٸر پودەزدە تۇراتىن كٶرشٸسٸ, جوعارعى وقۋ ورىنىنىڭ وقىتۋشىسى - قىدىرباي ساپارباەۆ دەگەن كٸسٸ مىناداي جىر شۋماقتارىن ارناپتى:

«اينالايىن, اسىل ٸنٸم-رىمتاي,

كٸم سۇرايدى, سەن سەكٸلدٸ, ەركەلەپ كەپ بۇيىمتاي.

نەگە اسىقتىڭ, ەرتەلەتٸپ ول جاققا,

كٶپ ەدٸ عوي, اسقار تاۋداي, اسىل ارمان – بۇل جاقتا.

جالتىلداعان جانارىڭنان, جاز كٶرۋشٸ ەك, ەر ۋاقىتتا,

تابيعاتتى جان –تەنٸڭمەن, سٷيۋشٸ ەدٸڭ, شۋاقتاي.

قۇسبەگٸمەن, اتبەگٸمەن, سىرلاس بولىپ جٷرۋشٸ ەڭ,

ەۋەنٸڭمەن, جان تەبٸرەنتەر, جايدارى,

بارشا جۇرتتى بٸر ٶزٸڭە, تابىندىرا بٸلۋشٸ ەڭ,

تاريحتىڭ دا تارماقتارىن تالداساڭ,

اكادەميك اعالاردان ارتىعىراق سٷرۋشٸ ەڭ,

قوس قولىڭدى جان-جاعىڭا سەرمەلەپ,

ەر تاڭىڭدى الاتاۋمەن قارسى الىپ بٸر جٷرۋشٸ ەڭ.

زالالىڭ جوق, ەشبٸر پەندە, ەش جانعا,

جاي وتىنداي, جارقىلداپ سەن كٷلۋشٸ ەڭ.

تالاي تويدى تاماشامەن تەمامداپ,

ٶزٸڭە-ٶزٸڭ ريزا بولىپ جٷرۋشٸ ەڭ.

قوش بول, ەندٸ, ورنىڭ تولماس باۋىرىم,

كٶتەرەرمٸز, بۇل ٶمٸردٸڭ,

سەن كٶرمەگەن, جٷكتٸڭ جەڭٸل, اۋىرىن.

جان جارىڭ مەن اسىل ۇلدى قالدىرىپ,

تٸرشٸلٸكتٸڭ تاستاپ كەتتٸڭ  اۋىلىن.

كٶزدٸڭ جاسىن كٶلدەتٸپ, بٸر سٶزٸڭە زار قىلىپ.

كەتٸپ قالدىڭ نەگە ەرتە?

تاعدىر جٸبٸ  بايلاندى ما سەل كەلتە!

جاتقان جەرٸڭ جارىق بولسىن, رىمتاي,

سەن سٷيەتٸن الماتىڭنىڭ توپىراعى بٸر ۋىس,

قالدى-اۋ, ٸنٸم,  قالاي ساعان بۇيىرماي!?

ول جيٸ ايتاتىن: «جەنٸبەك ۇستازىمنىڭ ادۋىندى اسقاق دياپوزونى  مەن قايرات اعانىڭ كەڭ تىنىستى, قوڭىر ٷنٸ, مەنٸ ٷنەمٸ رۋحاني لەززات سەزٸمٸنە بٶلەيدٸ» دەپ.

بەلگٸلٸ ٶنەر يەسٸ, كومپوزيتور ٸلييا جاقانوۆ سەكسەنٸنشٸ جىلداردىڭ ورتا شەنٸندە «لەنينشٸل جاس» گازەتٸندە  رىمتاي تۋرالى  جازعان «ٶمٸردٸڭ ٶزٸ ەن ەكەن» دەگەن ماقالاسىندا ونىڭ تۆورچەستۆولىق جولى تۋرالى جان-جاقتى بايانداي كەلٸپ:  «...ەنشٸگە جاراتىلىس داۋىس... ٷن بەرەدٸ, تٷيسٸگٸ  مول سەزٸم, سىرشىل جٷرەك بەرەدٸ. بۇل قاسيەتتەرگە قوسا, زەردە مەن اقىل تاعى بار جەنە  ەن قۇدٸرەتٸن ۇعارلىق ٶمٸردەن تٷيگەن ۇلاعاتتى سىرلار بولادى. ...دٷنيە ەسٸگٸن ەنمەن اشىپ, ەڭبەكپەن ەسەيگەن رىمتاي بٶدەسوۆتٸڭ ٶمٸرٸندەگٸ بٸر قىزىقتى, يگٸلٸكتٸ جىلدارى  الماتىداعى  ەسترادا ستۋديياسىندا ٶتتٸ.

ول ستۋدييادا وقىعان كەزٸندە ەر كومپوزيتوردىڭ ٶزٸندٸك ستيل ەرەكشەلٸگٸن, وي تولعاۋىن.., ەندەرٸنٸڭ  اۋقىمىن  جەنە ورىندالۋ  مەنەرٸن تانۋعا كٶڭٸل قويدى. ٶزٸ ۇستاز تۇتقان ەكٸ بەلگٸلٸ ەنشٸ- جەنٸبەك كەرمەنوۆ پەن قايرات بايبوسىنوۆتىڭ  شەبەرلٸگٸن بويعا دارىتۋعا ٶتە ىقىلاستى بولدى. ولاردى كٶپ تىڭدادى, ولاردان كٶپ ٷيرەندٸ. بٸراق, ەر ەنشٸنٸڭ ٶز بەتٸ, ٶز ەنٸ بولۋعا تيٸس. رىمتاي ٶز ەنٸن ٸزدەدٸ, تاپتى. ونىڭ جٷرەگٸ شۋاقتى تولعانىسقا تولى. ونىڭ ەر ەنٸندە البىرت جاستىقتىڭ, باتىل ٸزدەنٸستٸڭ لەبٸ بار. ال, ول وڭاي ەڭبەك ەمەس!»-, دەپتٸ.

ەكٸ جىل سولتٷستٸك قازاقستان وبلىستىق فيلارمونيياسىندا,  ون بەس جىلعا جۋىق «قازاقكونتسەرت» بٸرلەستٸگٸندە, ٶمٸرٸنٸڭ سوڭعى ەكٸ جىلىندا  قۇرمانعازى اتىنداعى اكادەمييالىق وركەسترٸندەگٸ قىزمەتتەرٸ, ٶنەر جولىنداعى تولاسسىز تٸرلٸگٸ, سونىڭ ايقىن دەلەلٸ.

جىلدىڭ تٶرت مەزگٸلٸندە ەگٸنشٸنٸڭ قوسىندا, مالشىنىڭ قاسىندا, ودان قالا بەردٸ وداقتاس رەسپۋبليكالاردىڭ ٶنەر ساحنالارىندا حالىققا ٶنەر كٶرسەتتٸ. تٷركييا, قىتاي ەلدەرٸندە بٸرنەشە رەت گاسترولدٸك ساپارلارمەن تٷرلٸ مەدەني شارالارعا قاتىسىپ, قازاقتىڭ ەۋەزدٸ ەن ٶنەرٸمەن شەتەلدٸكتەردٸ تانىستىرىپ, تامسانتىپ قايتتى. قازاقتىڭ بۇلبۇل داۋىستى ەنشٸ قىزى روزا باعلانوۆا ٶلە-ٶلگەنشە رىمتايدى «قارا دومالاعىم» دەپ, قاناتىنىڭ استىنا الىپ, قورعاشتاپ جٷرسە, رەبيعا ەسٸمجانوۆا اپامىز «قارا تومپاعىم» دەپ ەركەلەتٸپ, باۋىرىنا باسىپ, بٸرجان سالدىڭ «جالعىز ارشا», «قاناتتالدى», «بٸر كەلٸنشەك» سەكٸلدٸ بٸرشاما حالىق ەندەرٸن ٶزٸ ٷيرەتٸپ, شەكٸرتٸ رەتٸندە تەربيەلەگەن.

رىمتاي تەك ورىنداۋشى عانا ەمەس, كٶڭٸلٸنە ۇناعان اقىنداردىڭ ٶلەڭدەرٸنە ەن شىعارۋمەن دە اينالىسقان. ون بەس شاقتى ەنٸنٸڭ ٸشٸندە,  ٶنەر زەرتتەۋشٸ, عالىم, كٷيشٸ بازارالى مٷپتەكەەۆ مارقۇم ون ەنٸنٸڭ نوتاسىن قاعازعا تٷسٸرٸپ قويعان, جاستار ٷيرەنٸپ ايتىپ جٷر.

2001 جىلى رەسپۋبليكالىق «جاڭا عاسىرعا-جاڭا ەن» اتتى بايقاۋدا قايرات بايبوسىنوۆتىڭ ورىنداۋىنداعى قاسىم امانجولوۆتىڭ سٶزٸنە جازىلعان رىمتايدىڭ «سارىارقا» ەنٸ جٷلدەگەر اتاندى.

قازاق تەلەديدارىندا «جاياۋ مۇسانىڭ» ەندەرٸنەن جازىلعان كونتسەرتٸ, قازاق راديوسىنىڭ التىن قورىندا ٶزٸ ورىنداعان وتىزداي ەنٸ, رىمتاي تۋرالى جارتى ساعاتتىق حابار بار. قاراعاندىنىڭ وبلىستىق تەلەۆيدەنيەسٸ دە 45 مينۋتتىق حابار دايىنداپ, بٸرنەشە رەت قايتالاپ بەردٸ. 

وسى جىلدىڭ ناۋرىز ايىندا ىقىلاس دٷكەنۇلى اتىنداعى حالىق مۋزىكالىق اسپاپتار مۇراجايىندا ەنشٸ-سازگەر رىمتاي بٶدەسۇلىنىڭ 60 جاسقا تولۋىنا وراي «ەسٸڭدە مە...» اتتى ەسكە الۋ كەشٸ ٶتكەن بولاتىن.

ەندٸ تۋعان جەرٸ قاراقارالىدا ماۋسىمنىڭ 29 جۇلدىزىندا قازاقتىڭ كلاسسيكالىق ەن ٶنەرٸنٸڭ دٷلدٸل ەنشٸلەرٸنٸڭ قاتىسۋىمەن ەن كەشٸ ٶتەدٸ. حالقى قاشاندا اسىل پەرزەنتتەرٸن ۇمىتپاق ەمەس.

 ارداق بەركٸمباي

ۇلت پورتالى