18 قاڭتارعا قاراعان تٷنٸ حالىقارالىق Amnesty International ۇيىمى الەكسەي ناۆالنىيدى ار-ۇجدان تۇتقىنى دەپ اتاپ, مەسكەۋدەن ونى دەرەۋ بوساتۋدى تالاپ ەتتٸ, دەپ جازادى ازاتتىق.
"رەسەي بيلٸگٸ ناۆالنىيعا قارسى جويقىن ناۋقان جٷرگٸزٸپ وتىر. ولار بەرليننەن مەسكەۋدٸڭ "شەرەمەتەۆو" ەۋەجايىنا كەلٸپ, ساناۋلى مينۋتتان سوڭ ۇستالعان تانىمال كرەمل سىنشىسى الەكسەي ناۆالنىيدى تەز ارادا بوساتۋى قاجەت" دەپ جازدى ۇيىم Twitter-پاراقشاسىندا.
رەسەيدٸڭ وپپوزيتسييالىق ساياساتكەرٸ ٶتكەن جىلدىڭ تامىزىندا تومسكٸدەن مەسكەۋگە جول تارتقان ۇشاقتا حەلٸ كٷرت ناشارلاپ, ەسٸنەن تانعان. ۇشاق ەكيپاجى شۇعىل تٷردە ومبى قالاسىنا قونىپ, سول جەردەن ونى جەدەل جەردەم قىزمەتٸ جەرگٸلٸكتٸ اۋرۋحانعا الىپ كەتكەن. ەكٸ كٷننەن سوڭ ول ەس-تٷسسٸز كٷيٸ گەرمانيياعا جەتكٸزٸلگەن. قىركٷيەكتٸڭ باسىندا گەرمانييا ٷكٸمەتٸ ناۆالنىيدىڭ دەنەنسٸنەن "نوۆيچوك" ۋىنىڭ ٸزٸن انىقتاعان. كەيٸنٸرەك تەۋەلسٸز زەرتحانالار ساياساتكەردەن الىنعان ٷلگٸدە ۋدىڭ بارىن راستاعان.
17 قاڭتار كٷنٸ ناۆالنىي جارى يۋلييامەن, باسپاسٶز حاتشىسى كيرا يارمىش, زاڭگەرٸ ولگا ميحايلوۆا جەنە كٶپتەگەن جۋرناليستپەن بٸرگە بەرليننەن مەسكەۋگە ۇشقان. ەۋەلٸ "ۆنۋكوۆو" ەۋەجايىنا قونۋى كەرەك بولعان ۇشاق قونۋعا جاقىن قالعاندا كەنەت "شەرەمەتەۆو" ەۋەجايىنا جول تارتقان. ەۋەجايدىڭ كەدەن قىزمەتٸنەن ٶتەر سەتتە ونى پوليتسييا ۇستاپ ەكەتتٸ. قۇقىق قورعاۋ ورگاندارى زاڭگەرٸنٸڭ قارسىلىعىنا قاراماستان ناۆالنىيدىڭ بٸر ٶزٸن عانا الىپ كەتتٸ.
"الەكسەي ناۆالنىيدى ۇستاعانى رەسەي بيلٸگٸ ونىڭ اۋزىن جاپقىسى كەلەتٸنٸن ودان ەرٸ دەلەلدەپ وتىر" دەيدٸ Amnesty International ۇيىمى مەسكەۋ ٶكٸلدٸگٸنٸڭ ديرەكتورى ناتاليا زۆياگينا ۇيىمنىڭ باسپاسٶز حابارلاماسىندا.
ناۆالنىيدىڭ قامالۋى فسب اگەنتتەرٸ جوعارىدان تٷسكەن بۇيرىق نەگٸزٸندە ۋلادى دەگەندٸ تەرگەۋ قاجەتتٸلٸگٸن نىقتاي تٷستٸ دەيدٸ زۆياگينا.
زۆياگينانىڭ سٶزٸنشە, سونداي-اق جازانى ورىنداۋ جٶنٸندەگٸ فەدەرالدىق قىزمەتتٸڭ گەرمانييادا ەمدەلٸپ جاتقان ناۆالنىيدان دەرەۋ ورالۋىن تالاپ ەتٸپ, بولماسا تٷرمەگە قامالاتىنىن ايتىپ ۋلتيماتۋم قويۋى بيلٸكتٸڭ ساياساتكەرگە قارسى جويقىن ناۋقان جٷرگٸزٸپ وتىرعانىن كٶرسەتەدٸ.
"بيلٸك الەكسەي ناۆالنىيدىڭ كەلۋٸن قاۋٸپسٸزدٸكتٸ قامتاماسىز ەتۋ جٶنٸندەگٸ تولىققاندى وپەراتسيياسى رەتٸندە قاراپ, "ۆنۋكوۆو" ەۋەجايىنا جٷزدەگەن پوليتسەي تارتىلدى. اۋا تەمپەراتۋراسى – 20 گرادۋس كەزٸندە ناۆالنىي جاقتاستارى ىسىرىلىپ, قاماۋعا الىنىپ جاتتى. ونىمەن قويماي, رەيستٸڭ ٶزگە ەۋەجايعا – "شەرەمەتەۆوعا" بۇردى" دەيدٸ ول.
"الەكسەي ناۆالنىي ساياسي بەلسەندٸلٸككە دەگەن قۇقىعىنان جەنە سٶز ەركٸندٸگٸ قۇقىعىنان ايىرىلدى. Amnesty International ونى ار-ۇجدان تۇتقىنى دەپ قاراستىرادى جەنە ونى ەشقانداي شارتسىز دەرەۋ بوساتۋدى تالاپ ەتەدٸ" دەلٸنگەن ۇيىمنىڭ باسپاسٶز حابارلاماسىندا.
