بٷگٸن «ۇلت تاعدىرى» قوعامدىق بٸرلەستٸگٸنٸڭ اتىنان پرەزيدەنتتٸككە كانديدات ەمٸرجان قوسانوۆ سولتٷستٸك قازاقستان وبلىسى, ماعجان جۇماباەۆ اۋدانى بۋلاەۆو قالاسىنىڭ ورتالىق كٸتاپحاناسىندا سايلاۋشىلارمەن كەزدەستٸ.
شتاب ٶكٸلدەرٸ باتىر بايان مەن ماعجان جۇماباەۆتىڭ ەسكەرتكٸشٸنە باردى. تۇرعىندارمەن كەزدەسۋدە كانديدات ٶزٸنٸڭ سايلاۋالدى تۇعىرناماسىنىڭ باسىم باعىتتارىمەن تانىستىردى. سونداي-اق ول سولتٷستٸك ٶڭٸر تۇرعىندارىنىڭ ساۋالدارىنا جاۋاپ بەردٸ.
كەزدەسۋ تۋرالى كانديدات ەمٸرجان قوسانوۆ: «سايلاۋ ناۋقانى العاشقى كٷنٸنٸڭ العاشقى كەزدەسۋٸن ۇلى اقىن ماعجان جۇماباۆتىڭ تۋعان جەرٸندە ٶتكٸزدٸم. مەنٸڭ باعدارلامامدا الاش وردا يدەياسىن مەملەكەتتٸك يدەيانىڭ ۇستىنى ەتۋ تۋرالى باپ بار. ماعجان اقىن الاش وردا ٷكٸمەتٸنٸڭ كٶسەمدەرٸنٸڭ بٸرٸ بولعان. باستى سيمۆوليزم سوندا! ونىڭ ٷستٸنە ساياساتكەرلەر كٶبٸنەسە ورتالىقتاعى قالالارمەن شەكتەلٸپ جاتادى. اۋىلعا دا بارىپ تۇرۋ كەرەك! ەر كەزدەسۋدٸڭ ٶز ورنى بار. مىنا كەزدەسۋ رەسەيمەن جاقىن ورنالاسقان, باسقا ۇلت ٶكٸلدەرٸ بارشىلىق قالادا ٶتتٸ. سوندىقتان ورىس تٸلٸنە دە جٷگٸنٸپ وتىرۋعا تۋرا كەلدٸ. ەر كەزدەسۋدەن ۆيدەو جٸبەرٸپ وتىرۋ پارىز ەمەس شىعار. ٶيتكەنٸ باعدارلاما تۋرالى ەڭگٸمە قايتالانىپ وتىرۋى مٷمكٸن. سوندىقتان وسى مەسسەدجٸمدٸ بارشا قازاقستانعا, ونىڭ ٷلكەندٸ-كٸشٸلٸ قالالارى مەن شالعايداعى اۋىلىنا ارنالعان حابار دەپ بٸلەرسٸزدەر», دەپ جازدى جەلٸدەگٸ ٶز پاراقشاسىندا.
ايتا كەتسەك, ٷمٸتكەردٸڭ سقو ٶڭٸرٸندەگٸ تاعى بٸر كەزدەسۋٸ ەرتەڭ, ياعني 13 مامىر كٷنٸ ساعات 10-30-دا قىزىلجار اۋدانى بەيتەرەك اۋىلىندا ٶتەدٸ دەپ جوسپارلانعان.
