اقش-تىڭ فەدەرالدى جەنە ەسكەري نىساندارىندا مەملەكەتتٸك تۋ تٶمەن تٷسٸرٸلەتٸن بولادى. كوروناۆيرۋستان قايتىس بولعاندارعا قۇرمەت بٸلدٸرۋ ماقساتىن تۇتقان شارا 5 كٷنگە جالعاسادى. مۇنداي تاپسىرمانى ەل پرەزيدەنتٸ دجو بايدەن بەردٸ, دەپ حابارلايدى «امەريكا داۋىسى» اگەنتتٸگٸ.
22 اقپان كٷنٸ كەشكە دجو بايدەن كوروناۆيرۋس ٸندەتٸنەن كٶز جۇمعان امەريكانىڭ 500 مىڭ حالقىن 1 مينۋت ٷنسٸزدٸكپەن ەسكە الىپ, وتانداستارىن ەلدەبٸر تٷسٸنٸسپەۋشٸلٸكتەردٸ كەيٸنگە قالدىرىپ, پاندەمييامەن بٸرلەسٸپ كٷرەسۋگە شاقىردى.
«بٷگٸن بٸزدە ٶتە قارالى, جانعا باتارلىق كەزەڭ – 500 071 ادام قايتىس بولدى. پاندەمييانىڭ بٸر جىلىندا اجال قۇشقان امەريكالىقتار سانى بٸرٸنشٸ دٷنيەجٷزٸلٸك سوعىستى, ەكٸنشٸ دٷنيەجٷزٸلٸك سوعىستى جەنە ۆەتنام سوعىسىن قوسا العانداعى سانعا قاراعاندا – كٶپ», - دەدٸ ول.
پرەزيدەنت سٶز سٶيلەگەننەن كەيٸن ۆيتسە-پرەزيدەنت كامالا حاريس, بٸرٸنشٸ حانىم دجيلل بايدەن جەنە ەكٸنشٸ دجەنتلمەن داگ ەمحوفف اقٷيدە بٸر مينۋت ٷنسٸزدٸكتە بولدى. اقٷيدٸڭ باسپاسٶز حاتشىسى دجەن پساكيدٸڭ مەلٸمەتٸنشە, اقش باسشىسى الداعى 5 كٷندە فەدەرالدى جەنە ەسكەري نىسانداردا مەملەكەتتٸك تۋ تٷسٸرٸلگەن كٷيٸ تۇرۋىن تاپسىردى. دجو بايدەن امەريكالىقتاردى پاندەمييامەن كٷرەستە قىراعى بولۋعا, ماسكا تاعۋعا, ەلەۋمەتتٸك قاشىقتىقتى ساقتاۋعا جەنە ٶزٸنٸڭ كەزەگٸ جەتكەندە ۆاكتسينا سالدىرۋعا ٷندەدٸ.
ايتا كەتەيٸك, ەلەمدە كوروناۆيرۋستان بولعان ٶلٸم-جٸتٸم سانىنىڭ 19 پايىزعا جۋىعى امەريكا قۇراما شتاتتارىنا تيەسٸلٸ.
