بٷگٸن «AMANAT» تٶراعاسى ەرلان قوشانوۆ مەملەكەت باسشىسى قاسىم-جومارت توقاەۆتىڭ «ەدٸلەتتٸ مەملەكەت. بٸرتۇتاس ۇلت. بەرەكەلٸ قوعام» اتتى قازاقستان حالقىنا جولداۋىن تالقىلاۋ ٷشٸن پارتييا اكتيۆٸمەن جيىن ٶتكٸزدٸ.
وعان پارلامەنت دەپۋتاتتارى, قوعام قايراتكەرلەرٸ, ورتالىق اپپاراتتىڭ قىزمەتكەرلەرٸ قاتىستى. سونداي-اق, بەينەكونفەرەنتسييا بايلانىسى ارقىلى پارتييانىڭ بارلىق ايماقتىق فيليالدارى قوسىلدى.
ەرلان قوشانوۆ جيىنعا قاتىسۋشىلاردىڭ نازارىن جولداۋ – جاڭا ەدٸلەتتٸ قازاقستان قۇرۋ جولىنداعى تاعى بٸر ٷلكەن قادام ەكەنٸنە اۋداردى.
«جولداۋدا پرەزيدەنت ەدەتتەگٸدەي, قازاقستاندىقتاردىڭ ەڭ ٶزەكتٸ ساۋالدارىنا ناقتى جاۋابىن بەردٸ. بۇل باستاۋ العان ساياسي ٶزگەرٸستەردٸڭ جالعاسى. پرەزيدەنتتٸڭ سٶزٸ مەن ٸسٸ بٸر جەردەن شىعاتىنىنىڭ تاعى بٸر دەلەلٸ – وسى. الداعى سايلاۋ ناۋقاندارىنىڭ كەستەسٸ جارييالاندى. مەملەكەت باسشىسى پرەزيدەنت مانداتىن قىسقارتۋ جەنە ۇزاقتىعى 7 جىلدىق بٸر مەرزٸممەن شەكتەۋ جٶنٸندە باستاما كٶتەردٸ. مۇنىڭ بەرٸ رەفورمالار باعىتىنىڭ دەيەكتٸلٸگٸن جەنە ونىڭ ەلدەگٸ دەموكراتييانى نىعايتۋعا باعىتتالعانىن كٶرسەتەدٸ», – دەدٸ ول.
سونىمەن قاتار, پارتييا تٶراعاسى قازٸرگٸ سىن-قاتەرلەرگە قاراماستان, پرەزيدەنت مەملەكەتتٸك ەلەۋمەتتٸك ساياساتتى كٷشەيتٸپ جاتقانىن اتاپ ٶتتٸ: بٸلٸم بەرۋ مەن دەنساۋلىق ساقتاۋدى دامىتۋعا, جاستار مەن اۋىل شارۋاشىلىعىن قولداۋعا ٷلكەن قاراجات بٶلٸنۋدە, بارلىق ەلەۋمەتتٸك تٶلەمدەر يندەكستەلۋدە, زەينەتاقى قايتا قارالۋدا, «ۇلتتىق قور – بالالارعا» جوباسى ٸسكە قوسىلۋدا.
«AMANAT» پارتيياسى ەلٸمٸزدٸڭ جەتەكشٸ ساياسي كٷشٸ رەتٸندە مەملەكەت باسشىسىنىڭ ساياسي جەنە ەلەۋمەتتٸك-ەكونوميكالىق باستامالارىن تولىق قولدايدى. پرەزيدەنتتٸڭ جولداۋدا ۇسىنعان بارلىق رەفورمالارى – بۇل ەلدٸڭ جاڭا جاعدايدا دامۋىنا تىڭ سەرپٸن بەرەتٸن پروگرەسسيۆتٸ ەرٸ ۋاقتىلى شارالار», – دەپ اتاپ ٶتتٸ ەرلان قوشانوۆ.
سونداي-اق ٸس-شارا بارىسىندا پارتييانىڭ ساياسي كەڭەسٸ بيۋروسىنىڭ مٷشەسٸ, «Egemen Qazaqstan» رەسپۋبليكالىق گازەتٸنٸڭ باس ديرەكتورى دارحان قىدىرەلٸ سٶز سٶيلەدٸ. ونىڭ ايتۋىنشا, جولداۋ ەل دامۋىنىڭ الداعى باعىتىن ايقىندايدى.
«مەملەكەت باسشىسى ٶز جولداۋىندا حالىقتى تولعاندىراتىن بارلىق ٶزەكتٸ مەسەلەنٸ قامتىدى. بۇل سۋ رەسۋرستارىنىڭ جەتٸسپەۋشٸلٸگٸ, جول جٶندەۋ, اۋىلداعى مەديتسينانى دامىتۋ, يگەرٸلمەگەن جەرلەردٸ قايتارۋ جەنە تاعى باسقالار. سوندىقتان بٸز پرەزيدەنتتٸڭ باعىتىن تولىق قولدايمىز», – دەدٸ دارحان قىدىرەلٸ.
ٶز كەزەگٸندە «AMANAT» پارتيياسى الماتى قالالىق فيليالىنىڭ اتقارۋشى حاتشىسى مەيٸرجان وتىنشيەۆ الماتىنىڭ جاستار مەن ستۋدەنتتەر قالاسى ەكەنٸن اتاپ ٶتتٸ.
«بۇل رەتتە, 100 مىڭ جاس ازاماتتى جۇمىسقا ورنالاستىرۋ, جاس كەسٸپكەرلەرگە جەڭٸلدٸكپەن نەسيە بەرۋ, ستۋدەنتتەر جاتاقحاناسىنىڭ مەسەلەسٸن شەشۋ بويىنشا ناقتى شارالار قامتىلعان جولداۋ – بولاشاق ۇرپاقتىڭ مەسەلەلەرٸ پرەزيدەنتتٸڭ نازارىندا ەكەنٸن ايقىنداپ وتىر», – دەدٸ مەيٸرجان وتىنشيەۆ.
پارتييانىڭ سولتٷستٸك قازاقستان وبلىستىق فيليالىنىڭ اتقارۋشى حاتشىسى ەسەم راحمەتوۆا بارلىق مٸندەت قوعامنىڭ, مەملەكەتتٸك اپپاراتتىڭ جەنە «AMANAT» پارتيياسىنىڭ ورتاق كٷش-جٸگەرٸمەن ٸسكە اسادى دەگەن پٸكٸر بٸلدٸردٸ.
«بٷگٸنگٸ جۇمىسىمىزدا قوعامدىق ديالوگ, اشىقتىق, تۇرعىنداردىڭ مۇڭ-مۇقتاجىنا جەدەل دەن قويۋ مەسەلەسٸ باسىم باعىت بولۋى تيٸس. سول ارقىلى ويعا العان دٷنيەنٸڭ بارلىعىن ٸسكە اسىرا الامىز», – دەدٸ ول.
جيىن قورىتىندىسى بويىنشا «AMANAT» تٶراعاسى ەرلان قوشانوۆ پارتييانىڭ ورتالىق اپپاراتى مەن ٶڭٸرلٸك فيليالدارىنىڭ الدىنا جولداۋدى حالىق اراسىندا ٸلگەرٸلەتۋ جەنە وندا ايتىلعان مەملەكەت باسشىسىنىڭ رەفورمالارىن ٸسكە اسىرۋ ٷشٸن بارلىق پارتييالىق رەسۋرستاردى جۇمىلدىرۋ جٶنٸندە بٸرقاتار ناقتى مٸندەتتەر قويدى.
