الجير پرەزيدەنتٸ ەبدەلازيز بۋتەفليكا بەسٸنشٸ رەت پرەزيدەنت سايلاۋىنا تٷسپەيتٸنٸن مەلٸمدەدٸ. ول 18 سەۋٸرگە جوسپارلانعان پرەزيدەنت سايلاۋىن كەيٸنگە شەگەردٸ. 82 جاستاعى بۋتەفليكانىڭ حاتىن 11 ناۋرىزدا الجيرلٸك APS اقپارات اگەنتتٸگٸ جارييالادى.
بۋتەفليكا جىل سوڭىنا دەيٸن ەلدە رەفەرەندۋم ارقىلى جاڭا كونستيتۋتسييا قابىلداناتىنىن, سايلاۋ ودان كەيٸن ٶتەتٸنٸن مەلٸمدەدٸ.
APS اقپارات اگەنتتٸگٸنٸڭ حابارلاۋىنشا, ەل پرەمەر-مينيسترٸ احمەد ۋياحييا باستاعان ٷكٸمەت وتستاۆكاعا كەتكەن. ونىڭ ورنىنا وسىعان دەيٸن ٸشكٸ ٸستەر مينيسترٸ بولعان نۋرەددين بەدۋي تاعايىندالدى.
10 اقپاندا الجير پرەزيدەنتٸ ەبدەلازيز بۋتەفليكا سەۋٸردە ٶتەتٸن سايلاۋعا قاتىساتىنىن جارييالاعان. ونىڭ جازباشا مەلٸمدەمەسٸن مەملەكەتتٸك تەلەارنالاردىڭ بٸرٸ تاراتقان ەدٸ. وسىدان كەيٸن ەلدە جاستار جاپپاي نارازىلىققا شىعىپ, بۋتەفليكانىڭ بيلٸكتەن كەتۋٸن تالاپ ەتٸپ جاتىر. 2 ناۋرىزدا مىڭداعان ادامنىڭ نارازىلىعىن پوليتسييا كٷشپەن باسۋعا تىرىسقان. پوليتسييامەن قاقتىعىستا 180-گە جۋىق ادام زارداپ شەككەن.
بۋتەفليكا بۇعان دەيٸن تٶرت رەت سايلاۋعا تٷسٸپ, جەڭٸسكە جەتكەن. 2013 جىلى ينسۋلت الىپ, سودان بەرٸ جۇرت الدىنا شىقپادى. مەلٸمدەمەلەرٸن ەلدەگٸ تەلەارناداعى تەلەجٷرگٸزۋشٸلەر نەمەسە ماڭايىنداعى كٶمەكشٸلەرٸ وقىپ جٷر. حالىقارالىق اقپارات اگەنتتٸكتەرٸ بۋتەفليكانىڭ قازٸر شۆەيتسارييادا ەمدەلٸپ جاتقانىن حابارلاعان. ول 11 ناۋرىزدا شۆەيتسارييادان ەلگە ورالعان. ەلەمدٸك اقپارات قۇرالدارىنىڭ جازۋىنشا, التى جىل بۇرىن ينسۋلت العان بۋتەفليكانىڭ جٷرٸپ-تۇرۋى قيىن.
1991 جىلى الجيردە يسلاميستٸك توپتار مەن بيلٸك اراسىندا ازاماتتىق سوعىس باستالدى. بۋتەفليكا بيلٸككە ەلدەگٸ ازاماتتىق سوعىس كەزٸندە - 1999 جىلى كەلدٸ. ول الجيردەگٸ ازاماتتىق سوعىستى توقتاتىپ, ەلدە بەيبٸتشٸلٸك ورناتتى. قازٸر نارازىلىققا شىققانداردىڭ اراسىندا "پرەزيدەنتكە قارسى ەمەسپٸز, ول الجير ٷشٸن كٶپ ٸس تىندىردى. بٸراق قازٸر پرەزيدەنت بولۋعا دەنساۋلىعى كەلمەيدٸ" دەيتٸندەر دە بار.
