فوتو: قر مەدەنيەت جەنە اقپارات مينيسترلٸگٸنٸڭ باسپاسٶز قىزمەتٸ
قىرعىزستان پرەزيدەنتٸ سادىر جاپاروۆتىڭ قازاقستانعا رەسمي ساپارى اياسىندا قازاقستاننىڭ مەدەنيەت قايراتكەرلەرٸنە مەملەكەتتٸك ناگرادالار تابىستالدى, دەپ حابارلايدى «ۇلت اقپارات» مەدەنيەت جەنە اقپارات مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
قىرعىزستان مەن قازاقستان اراسىنداعى دوستىق پەن ىنتىماقتاستىقتى نىعايتۋعا قوسقان ەلەۋلٸ ٷلەسٸ ٷشٸن قىرعىزستان پرەزيدەنتٸنٸڭ جارلىعىمەن مەدەنيەتتانۋشى مۇرات ەۋەزوۆ پەن اقىن مۇحتار شاحانوۆ "داناكەر" وردەنٸمەن ماراپاتتالدى.
ال "دوستۋك" وردەنٸ پۋبليتسيست, ەدەبيەتتانۋشى, جۋرناليست, كينوسىنشى, مەجٸلٸستٸڭ بۇرىنعى دەپۋتاتى ساۋىتبەك ەبدٸراحمانوۆقا, مەملەكەت جەنە قوعام قايراتكەرٸ, تٷركٸتانۋشى عالىم مىرزاتاي جولداسبەكوۆكە جەنە ەل-فارابي اتىنداعى قازاق ۇلتتىق ۋنيۆەرسيتەتٸنٸڭ باسقارما تٶراعاسى, رەكتور جانسەيت تٷيمەباەۆقا تابىستالدى.
"داڭك" وردەنٸن حالىقارالىق تٷركٸ مەدەنيەتٸ مەن مۇراسى قورىنىڭ پرەزيدەنتٸ اقتوتى رايىمقۇلوۆا يەلەندٸ.
سونداي-اق "قىرعىز رەسپۋبليكاسىنىڭ حالىق ەرتٸسٸ" قۇرمەتتٸ اتاعى قازاقستاندىق بەلگٸلٸ كومپوزيتور التىنبەك قورازباەۆقا جەنە تانىمال ەسترادا ەنشٸسٸ روزا رىمباەۆاعا بەرٸلدٸ.
روزا رىمباەۆا مەدەنيەتتٸڭ شەكاراسى جوق ەكەنٸن اتاپ ٶتتٸ.
"1996 جىلى ماعان قىرعىزستاننىڭ ەڭبەك سٸڭٸرگەن مەدەنيەت قايراتكەرٸ اتاعى بەرٸلدٸ. 28 جىلدان كەيٸن "قىرعىز رەسپۋبليكاسىنىڭ حالىق ەرتٸسٸ" قۇرمەتتٸ اتاعىن الىپ وتىرمىن. بۇل مەن ٷشٸن ٷلكەن جەتٸستٸك", - دەدٸ ەنشٸ.
بۇدان بٶلەك "تاڭ-شولپان" كٶركەم-ەدەبي جۋرنالىنىڭ رەداكتورلار كەڭەسٸنٸڭ تٶراعاسى, باس ديرەكتورى ديدار قۇلكەنوۆ "داڭك" مەدالٸمەن ماراپاتتالدى.
