الماتى ورتالىق مەشٸتٸنٸڭ باس يمامى ەركٸنبەك شوقاەۆ مەنينگوكوكك ۆيرۋسىنا بايلانىستى مەلٸمدەمە جاسادى, - دەپ حابارلايدى "ۇلت اقپارات".
باس يمام ادامنىڭ تٷرلٸ جاعدايلارى مەن كٷيٸن ەسكەرە وتىرىپ قاجەتتٸلٸك تۋىنداعان كەزدەردە ورازاسىن ٷزٸپ, كەيٸنٸرەك قايتا ٶتەۋٸنە قۇراندا رۇقسات بەرٸلگەنٸن ايتا كەتتٸ.
"رامازان – ەربٸر مٷمٸننٸڭ اسىعا كٷتەتٸن بەرەكە مەن مەيٸرٸمگە تولى اي. بۇل ايدىڭ ەربٸر سەتتەرٸندە كٷللٸ ەلەمگە اللا تاعالانىڭ راقىمى ٷزدٸكسٸز تٶگٸلٸپ تۇراتىنى اقيقات. سول بەرەكەلٸ سەتتەردەن قۇرالاقان قالماۋىمىز ٷشٸن شامامىز كەلگەنشە اللانىڭ پارىزىن ورىنداپ, ورازا ۇستايتىنىمىز بەلگٸلٸ. الايدا, اللا تاعالا ادام بالاسىنا تەك قانا جەڭٸلدٸك قالايتىنىن, اۋىرلىق قالامايتىنىن ەستەن شىعارماۋىمىز قاجەت. سول ٷشٸن اللا تاعالا ادامنىڭ تٷرلٸ جاعدايلارى مەن كٷيٸن ەسكەرە وتىرىپ قاجەتتٸلٸك تۋىنداعان كەزدەردە ورازاسىن ٷزٸپ, كەيٸنٸرەك قايتا ٶتەۋٸنە قۇراندا رۇقسات بەردٸ. سەبەبٸ, بٸزدٸڭ دٸنٸمٸز ەشبٸر ۋاقىتتا, ەشكٸمگە اۋىرلىقتى جٷكتەمەيدٸ. كەرٸسٸنشە قوعامنىڭ ٶسٸپ-ٶركەندەۋٸنە قولايلى جاعداي جاساپ, ادامزاتتىڭ ٶمٸرٸن جەڭٸلدەتەتٸن دٸن", - دەلٸنگەن حابارلامادا.
بٷگٸنگٸ تاڭدا قالامىزداعى مەنينگوكوكك ۆيرۋسىنىڭ تٸركەلۋ وقيعالارى جيٸلەۋٸن جەنە بٸرنەشە ادامنىڭ وسى اۋرۋدان قازا بولعانىن ەسكەرە وتىرىپ, ەگەر بويىمىزدا مەنيگيتتٸڭ بەلگٸلەرٸ بايقالعان بولسا, ۋاقىت وزدىرماي دەرەۋ دەرٸگەرلەرگە قارالىپ, قاجەت بولسا ورازانى اشۋعا شاريعات رۇقسات ەتەدٸ.
"رامازان ايىندا ناقتى اۋىرعان كٸسٸنٸڭ ورازا ۇستاۋى اۋرۋدىڭ اسقىنۋىنا, ەمنٸڭ كەشٸگۋٸنە كەدەرگٸ بولعان جاعدايدا وعان ورازاسىن اشۋعا بولادى. ورازانىڭ اۋرۋ كٸسٸگە زيياندى ەكەنٸ نە ٶزٸنٸڭ بۇرىنعى تەجٸريبەسٸنەن, نە بٸلٸكتٸ دەرٸگەردٸڭ نۇسقاۋىمەن انىقتالۋى قاجەت. ۇستاماعان كٷندەرٸنٸڭ قازاسىن سوڭىنان باسقا ايلاردا ساۋىققاندا ٶتەيدٸ. قاتتى ناۋقاس كٸسٸنٸڭ: "اۋىرسام دا ۇستاي بەرەمٸن", - دەپ شەشٸم جاساۋى دۇرىس ەمەس. سەبەبٸ, دەنساۋلىق اللا تاعالانىڭ ادام بالاسىنا بەرگەن اماناتى, وعان قييانات جاساۋعا بولمايدى. بٸز قالا تۇرعىندارىن ٶز دەنساۋلىقتارىن ساقتاۋعا, اماناتقا قييانات ەتپەۋگە شاقىرامىز", - دەلٸنگەن باس يمامنىڭ ٷندەۋٸندە.
