الماتىدا كٶپبالالى جەنە از قامتىلعان وتباسىلارعا 2000 تۇرعىن ٷي سەرتيفيكاتى بەرٸلەدٸ. بۇل تۋرالى حالىققا ەسەپ بەرۋ جيىنىندا باقىتجان ساعىنتاەۆ مەلٸم ەتتٸ, دەپ حابارلايدى قازاقپارات.
قالا باسشىسى يپوتەكا بويىنشا باستاپقى جارنانىڭ بٸر بٶلٸگٸن جابۋ ٷشٸن جەنە باستاپقى تۇرعىن ٷيدٸ ساتىپ الۋ كەزٸندە «تۇرعىن ٷي سەرتيفيكاتتارىنا» جەرگٸلٸكتٸ بيۋدجەتتەن قارجىلاندىرۋ مەسەلەسٸ قارالىپ جاتقانىن اتاپ ٶتتٸ.
«بۇل مەسەلە بٸزدٸڭ باقىلاۋىمىزدا. بٸز قازٸردٸڭ ٶزٸندە قانشا ٷي بەرٸلەتٸنٸن بٸلەمٸز, ەربٸر الماتىلىق ٶز كەزەگٸن ەلەكتروندى تٷردە باقىلاپ, كٸمگە ٷي بەرٸلەتٸنٸن كٶرە الادى. ەشقانداي قۇپييا جوق. كەزەكتٸ جەدەلدەتۋ جٶنٸندەگٸ جۇمىسىمىز ونى بيىلعى جىلدىڭ بيۋدجەتٸنە ەنگٸزدٸ, بٸز كٶپبالالى انالارعا تۇرعىن ٷي سەرتيفيكاتىن بەرەتٸن بولامىز. ەگەر ولار تۇرعىن ٷيدٸ «وتباسىلىق بانك» ارقىلى ساتىپ الاتىن بولسا, وندا باستاپقى جارناعا 2 ملر تەڭگە بٶلدٸك. 2000 وتباسى كٶمەك الا الادى», - دەدٸ باقىتجان ساعىنتاەۆ.
بۇل تٶلەم كەلەسٸ ساناتتار ٷشٸن قاراستىرىلعان:
- كٶپبالالى وتباسىلار, مٷگەدەك بالالارى بار نەمەسە مٷگەدەك بالالاردى تەربيەلەپ وتىرعان وتباسىلار;
- جەتٸم بالالار, 1-2 ساناتتاعى مٷگەدەكتەر.
ايتا كەتەيٸك, سوڭعى 3 جىلدا 10 مىڭنان استام الماتىلىق وتباسى پەتەر الدى. ونىڭ 1,3 مىڭنان استامى قالالىق تۇرعىن ٷي قورىنان بٶلٸنگەن جەنە 8 مىڭنان استامى جەڭٸلدەتٸلگەن يپوتەكا بويىنشا بٶلٸنگەن.
تۇرعىن ٷي العانداردىڭ 40%-عا جۋىعى ەلەۋمەتتٸك جاعىنان وسال توپتار: 2,3 مىڭنان استامى – كٶپ بالالى جەنە تولىق ەمەس وتباسىلار, 600-گە جۋىعى-مٷمكٸندٸگٸ شەكتەۋلٸ ادامدار, 300-دەن استامى-جەتٸم بالالار.
سونىمەن قاتار, «باقىتتى وتباسى» باعدارلاماسى اياسىندا تۇرعىن ٷيگە جىلدىق 2%-بەن جەڭٸلدٸكپەن نەسيە بەرۋ قاراستىرىلعان. بۇل رەتتە تۇرعىن ٷي قۇرىلىس وتباسى بانكٸندەگٸ تٶلەم قابٸلەتتٸلٸگٸن باعالاۋ جەڭٸلدەتٸلگەن تەرتٸپپەن جٷرگٸزٸلۋدە. باعدارلاماعا قاتىسۋشى قارىز بويىنشا اي سايىنعى تٶلەمدٸ تٶلەۋ ٷشٸن كٸرٸستەردٸ جەنە بٸر ەرەسەك ادامعا 5 اەك مٶلشەرٸندە تۇرۋ ٷشٸن ەڭ تٶمەنگٸ سومانى راستاۋى قاجەت. تٶلەم قابٸلەتتٸلٸگٸن باعالاۋ كەزٸندە بالالارعا ارنالعان شىعىستار ەسكەرٸلمەيدٸ.
