الماتى ەكٸمدٸگٸ عيماراتىن ٶرتتەن كەيٸنگٸ تازارتۋ جۇمىستارى جالعاسىپ جاتىر. بٷگٸن كٶمەككە قالانىڭ ۆولونتەرلەرٸ كەلدٸ, دەپ حابارلايدى قازاقپارات.
HAQ قوعامدىق قوزعالىسىنىڭ جەتەكشٸسٸ توعجان قوجاليەۆانىڭ ايتۋىنشا, سەنبٸلٸككە تٷرلٸ ۇيىمداردان 150-دەن استام ەرٸكتٸ جۇمىلدىرىلدى.
«اتاپ ايتار بولسام, «قىزىل كرەست», «جانسايا ەبدٸمەلٸك شاحمات اكادەميياسى», Lider.kz, HAQ قوعامدىق قوزعالىسى, «Narkostop», «Jas Otan» جاستار قاناتىنىڭ مٷشەلەرٸ, سونداي-اق كاسكادەرلار مەن الماتى قالاسىنىڭ قامقور ازاماتتارى جۇمىلدىرىلدى. ولاردىڭ بارلىعى الدىن الا جازىلدى, بٸزدە تٸزٸم بار. ولار ٶز ەركٸمەن كەلدٸ, قالانى قالپىنا كەلتٸرۋگە ٷلەس قوسقىسى كەلەدٸ. كٶبٸنەسە جاستار. بۇل ٶتە قۋانتادى. بٸز ەكٸمدٸك عيماراتىنىڭ ٷشٸنشٸ قاباتىن تازالاپ جاتىرمىز», - دەيدٸ توعجان قوجاليەۆا.
سپيكەردٸڭ سٶزٸنشە, باستى ماقسات – كٷشٸمٸز بٸرلٸكتە ەكەنٸن كٶرسەتۋ.
«بٸز ەلٸمٸزگە, سٷيٸكتٸ قالامىزعا كٶمەكتەسكٸمٸز كەلەدٸ», - دەپ قوستى ول.
ايتا كەتەيٸك, 13 قاڭتاردا ٶرتتەن كەيٸن ەكٸمدٸك عيماراتىن تازارتۋ جۇمىستارى باستالدى. وعان شامامەن 660 ادام جۇمىلدىرىلدى. قيراعان جيھاز, كەڭسە تەحنيكاسى, قوقىس جينالىپ, كەدەگە جاراتۋ ٷشٸن پوليگوندارعا شىعارىلادى.
بۇعان دەيٸن قازاقپارات تٸلشٸلەرٸ ٶرتەنگەن قالا ەكٸمدٸگٸنٸڭ عيماراتىندا بولىپ, نىساننىڭ سىرتى مەن ٸشٸن كٶرسەتكەن بولاتىن.
جايلى قالالىق ورتا باسقارماسىنىڭ باسشىسى ساپار نۇراشەۆ ٶرتتەن زارداپ شەككەن قالالىق ەكٸمدٸك عيماراتى قاشان قالىپقا كەلتٸرٸلەتٸنٸن ايتتى.
ونىڭ ايتۋىنشا, قازٸرگٸ ۋاقىتتا عيمارات ٸشٸندە ٶرت سالدارىنان تازارتۋ جۇمىستارى جٷرگٸزٸلٸپ جاتىر. بۇعان شامامەن ەكٸ-ٷش كٷن كەتەدٸ. جۇمىس كٶلەمٸ ٶتە ٷلكەن. الداعى ۋاقىتتا ونى 100 پايىز قايتا قالپىنا كەلتٸرەمٸز. تەحنيكالىق تەكسەرۋ جٷرگٸزٸلەدٸ. وعان تاعى 10 كٷن كەتەدٸ. وسىدان كەيٸن ماماندار عيماراتتى قالپىنا كەلتٸرۋ بويىنشا جوبالاۋ-سمەتا قۇجاتتاماسىن ەزٸرلەيدٸ.
قالپىنا كەلتٸرۋ جۇمىستارى شامامەن 5-6 ايعا سوزىلادى. بيۋدجەت ەلٸ انىقتالعان جوق
