الماتىداعى مەدەۋ اۋدانىنىڭ پوليتسەيلەرٸ اقش ازاماتشاسىنا اقشاسىن قايتارىپ الۋعا كٶمەكتەستٸ, - دەپ حابارلايدى "ۇلت اقپارات" قالالىق ٸٸد باسپاسٶز قىزمەتٸنە سٸلتەمە جاساپ.
پوليتسەيلەرگە بەلگٸسٸز جەكەمەنشٸك تاكسي جٷرگٸزۋشٸسٸنٸڭ شەتەلدٸكتٸ الماتى حالىقارالىق ەۋەجايىنان "قازاقستان" قوناقٷيٸنە دەيٸن 40 مىڭ تەڭگەگە جەتكٸزگەنٸ جايلى حابار كەلٸپ تٷسكەن.
"بۇل تۋرالى بٸرٸنشٸ بولىپ قوناقٷي قىزمەتكەرلەرٸ حابارلادى. ولار 102 پۋلتٸنە حابارلاستى. جەكەمەنشٸك جٷرگٸزۋشٸنٸڭ اتى-جٶنٸ بٸردەن انىقتالدى. ەر ادام شەتەلدٸك ازاماتشانىڭ قالانى بٸلمەيتٸنٸن پايدالانىپ, باعانى كٶتەرگەن. نەتيجەسٸندە جٷرگٸزۋشٸ 53 جاستاعى ەيەلگە اقشاسىن قايتاردى. ەيەل, ٶز كەزەگٸندە, قازاقستاندىقتارعا كٶرسەتكەن كٶمەكتەرٸ ٷشٸن العىس بٸلدٸردٸ", - دەپ حابارلادى مەدەۋ اۋداندىق ٸٸب باسشىسى بولات توتىباەۆ.
ەسكە سالا كەتەيٸك, بيىل جازدا استانادا دا وسىنداي جاعداي بولعان ەدٸ. ەكسپو كٶرمەسٸنە كەلگەن ۆەنگرييا ازاماتىن ەۋەجايدان قالاعا جەتكٸزگەن استانالىق تاكسي جٷرگٸزۋشٸسٸ الداپ كەتكەن بولاتىن.
