الماتىدا 7-قاباتتان قۇلاعالى تۇرعان 2 جاسار بالا قۇتقارىلدى, دەپ حابارلايدى Ulysmedia.kz.
قالالىق تٶتەنشە جاعدايلار دەپاراتمەنتٸنٸڭ حابارلاۋىنشا, 67 جاستاعى ەرمەكباي تاماباەۆ "التىنبۇلاق" كٶپقاباتتى تۇرعىن ٷي كەشەنٸنٸڭ 7-قاباتىنان قۇلايىن دەپ تۇرعان بالانىڭ امان قالعانىنا كۋەگەر بولعان.
كەشە تٷستەن كەيٸن ەرمەكباي تاماباەۆ بٸر جاسار نەمەرەسٸن كٶتەرٸپ, ٷيٸنٸڭ اۋلاسىندا سەرۋەندەپ جٷرگەن. كەنەتتەن ول بالانىڭ جىلاعان داۋسىن ەستيدٸ. 7-قاباتتان پودەزدەگٸ بالكوننىڭ قورشاۋىندا كٸشكەنتاي بالانىڭ سالبىراپ تۇرعانىن بايقاعان.
“باسى تەمٸر تورلارعا تٸرەلٸپ, دەنەسٸ مەن قولدارى سىرتتا سالبىراپ تۇردى, ول قۇلاپ كەتەدٸ مە دەپ ەسٸم شىقتى", – دەدٸ اقساقال.
قولىنداعى بٸر جاسار بالانى تاستاپ كەتە الماعان قارت كٸرەبەرٸستە تۇرعان جاستاردى كٶمەككە شاقىرا باستاپتى, الايدا ەشكٸم وعان نازار اۋدارماعان.
"ەگەر بالا قۇلاپ كەتسە, ەڭ بولماسا ٷيگە كٸرەبەرٸستٸڭ شاتىرىنا كٶتەرٸلۋدٸ ٶتٸندٸم. مەنٸڭ ٶتٸنٸشٸمە دەرەۋ كٶمەككە جاس جٸگٸت جٷگٸرٸپ باردى. توردىڭ اراسىندا ٸلٸنٸپ تۇرعان بالانى سوڭعى مينۋتتاردا قۇتقارىپ ٷلگەردٸ, ەرٸ قاراي ٷرەيدەن نە ٸستەرٸن بٸلمەي تۇرعان اناسىنا تابىستادى", – دەدٸ اقساقال.
سەبيدٸ قۇتقارعان ەراسىل ارحاتۇلى اباي اتىنداعى پەداگوگيكالىق ۋنيۆەرسيتەتٸنٸڭ دەنە شىنىقتىرۋ فاكۋلتەتٸنٸڭ ستۋدەنتٸ ەكەن.
