Almatyda 7-qabattan qulaǵaly turǵan 2 jasar bala qutqaryldy, dep habarlaidy Ulysmedia.kz.
Qalalyq Tótenshe jaǵdailar deparatmentiniń habarlaýynsha, 67 jastaǵy Ermekbai Tamabaev "Altynbulaq" kópqabatty turǵyn úi kesheniniń 7-qabatynan qulaiyn dep turǵan balanyń aman qalǵanyna kýáger bolǵan.
Keshe tústen keiin Ermekbai Tamabaev bir jasar nemeresin kóterip, úiiniń aýlasynda serýendep júrgen. Kenetten ol balanyń jylaǵan daýsyn estidi. 7-qabattan podezdegi balkonnyń qorshaýynda kishkentai balanyń salbyrap turǵanyn baiqaǵan.
“Basy temir torlarǵa tirelip, denesi men qoldary syrtta salbyrap turdy, ol qulap ketedi me dep esim shyqty", – dedi aqsaqal.
Qolyndaǵy bir jasar balany tastap kete almaǵan qart kireberiste turǵan jastardy kómekke shaqyra bastapty, alaida eshkim oǵan nazar aýdarmaǵan.
"Eger bala qulap ketse, eń bolmasa úige kireberistiń shatyryna kóterilýdi ótindim. Meniń ótinishime dereý kómekke jas jigit júgirip bardy. Tordyń arasynda ilinip turǵan balany sońǵy minýttarda qutqaryp úlgerdi, ári qarai úreiden ne isterin bilmei turǵan anasyna tabystady", – dedi aqsaqal.
Sábidi qutqarǵan Erasyl Arhatuly Abai atyndaǵy pedagogikalyq ýniversitetiniń Dene shynyqtyrý fakýltetiniń stýdenti eken.
