№4 قالالىق اۋرۋحانا دەرٸگەرلەرٸ الماتىلىق بويجەتكەننٸڭ ٸشٸنەن 1 كەلٸ شاش الىپ شىقتى, دەپ حابارلايدى "ۇلت اقپارات".
17 جاستاعى بويجەتكەن اسقازانىنىڭ ەپيگاستريي ايماعى اۋىرىپ تٷسكەن. وعان فيبروگاسترودۋودەنوسكوپييا (فگدس), كومپيۋتەرلٸك توموگرافييا جاسالعان. نەتيجەسٸندە ونىڭ اسقازانىندا شاشتىڭ جۇمارلانعان تٷينەگٸ (تريحوبەزوار) بار ەكەنٸ انىقتالدى.
بەزوار كٶبٸنەسە كٷيسەيتٸن جانۋارلاردا جيٸ كەزدەسەدٸ. ادامدار اراسىندا ونداي جاعداي ٶتە سيرەك بولادى.
پاتسيەنت اسقازانىندا شاش بارىنان بەيحابار بولعان.
«بٷگٸن جوسپارلى وتا جاسالدى. لاپاروتومييا, گاستروتومييا, وتاسى كەزٸندە اسقازان پٸشٸنٸن قايتالاپ تۇرعان تريحوبەزوار انىقتالدى. بۇل تٷينەك اسقازاننىڭ 70 پايىز اۋدانىن الىپ تۇرعان. بويجەتكەننٸڭ ٶزٸ شاش جەگەنٸن مويىنداماي تۇر. الايدا بۇل بٸرنەشە جىلدار بويى قالىپتاسقان تٷينەك. ونىڭ سالماعى 1 كەلٸگە جەتٸپ قالعان سوڭ اسقازاننىڭ پٸشٸنٸ سوزىلعان», - دەدٸ اۋرۋحانا حيرۋرگى ابىلاي بايماحانوۆ.
تەجٸريبەدە تريحوبەزوار ٶتە سيرەك كەزدەسەدٸ. ودان كەلەتٸن قاۋٸپ جوعارى.
كونكرەمەنت اسقازان-ٸشەك جولىمەن قوزعالۋ كەزٸندە اسقازاننىڭ بٸتەلۋٸنە نەمەسە اسقازاننىڭ تەسٸلۋٸنە الىپ كەلۋٸ مٷمكٸن بولدى. دەرٸگەرلەردٸڭ ايتۋىنشا, بۇل جاعدايدا ناۋقاس مەديتسينالىق كٶمەككە ۋاقىتىندا جٷگٸنگەن.
«تىرناق تٸستەۋ نەمەسە شاش شايناپ جۇتۋ – بۇل پسيحولوگييالىق ەدەت. بالالاردىڭ ەدەتتەرٸنە ەرتە جاستان نازار اۋدارۋ كەرەك. سونداي - اق, شاش اعزاعا تاماقپەن بٸرگە كەتٸپ, جىلدار بويى ماسساعا جينالۋى مٷمكٸن», - دەپ تولىقتىردى حيرۋرگ-دەرٸگەر, اسسيستەنت دەۋرەن جۋماتاەۆ.
كٶبٸنەسە بۇل دەرت 30 جاسقا دەيٸنگٸ قىز بالالاردا كەزدەسەدٸ.
اۋرۋدىڭ باستالۋى ەدەتتە سيمپتومسىز بولادى. بەزوار ٶسٸپ كەلە جاتقاندا, ٸش اۋىرىپ, اۋىرلىق سەزٸمٸ پايدا بولادى, جٷرەك اينۋ, قۇسۋ, تەبەتتٸڭ تٶمەندەۋٸ, تەمٸر تاپشىلىعىنىڭ انەميياسى داميدى. بەزواردىڭ اسقىنۋى - ەروزييا جەنە قان كەتەتٸن اسقازان جارالارى, پەريتونيتتٸڭ دامۋى, اش ٸشەكتٸڭ وبتۋراتسيياسى بولىپ تابىلادى.
