الماتىداعى ەل-فارابي داڭعىلىندا بولعان رەزونانستىق جول-كٶلٸك وقيعاسى بويىنشا سوت پروتسەسٸ جالعاسۋدا, دەپ حابارلايدى ult.kz HALYQSTAN تەلەگرام ارناسىنا سٸلتەمە جاساپ.
قازا تاپقانداردىڭ تۋىستارى ايىپتالۋشى الەكساندر پاكتى كەشٸرەتٸندەرٸن مەلٸمدەپ, وعان باس بوستاندىعىنان ايىرۋمەن بايلانىستى ەمەس جازا تاعايىنداۋدى سۇرادى. سونداي-اق ولار بۇعان دەيٸن ايتىلعان 100 ميلليون تەڭگە كٶلەمٸندەگٸ ٶتەماقى تالابىنان باس تارتتى.
مامانداندىرىلعان اۋدانارالىق قىلمىستىق سوتتا ٶتٸپ جاتقان كەزەكتٸ وتىرىسقا الەكساندر پاك دەنساۋلىعىنا بايلانىستى ونلاين فورماتتا قاتىستى. ونىڭ اياعىنداعى اۋىرسىنۋ مەن تاسىمالداۋ كەزٸندەگٸ قيىندىقتارعا بايلانىستى سوت زالىنا جەتكٸزٸلمەگەنٸ بەلگٸلٸ بولدى. مارقۇمداردىڭ تۋىستارى دا پروتسەسكە قاشىقتان قوسىلدى.
سوت بارىسىندا قازا بولعان قىزداردىڭ بٸرٸ – قۇماردىڭ اناسى باقىتگٷل جولداسوۆا قىزىنىڭ قازاسى تۋرالى اۋىر ەستەلٸكتەرٸمەن بٶلٸستٸ.
ونىڭ ايتۋىنشا, قىزى تاكسي جٷرگٸزٸپ, نەسيە تٶلەمدەرٸن ٶتەۋمەن اينالىسقان. قايعىلى وقيعا بولعان كٷنٸ ول نەسيە بويىنشا 260 مىڭ تەڭگە تٶلەۋٸ كەرەك بولعان. قاجەتتٸ سومانىڭ جەتٸسپەۋٸنە بايلانىستى قوسىمشا تابىس تابۋ ٷشٸن جۇمىسقا شىققان.
– ساعات 23:30 شاماسىندا قىزىمنىڭ ٷيگە كەلمەگەنٸنە الاڭداپ, وعان بەينەقوڭىراۋ شالدىم. كٶلٸكتە جولاۋشىلار وتىرعان ەدٸ. بۇل بٸزدٸڭ سوڭعى سٶيلەسۋٸمٸز بولدى. ول مەنٸ ۋايىمداماۋعا شاقىردى. الايدا كەلەسٸ كٷنٸ تاڭەرتەڭ ونىڭ قايتىس بولعانى تۋرالى حابار الدىق, – دەدٸ مارقۇمنىڭ اناسى اۋدارماشى ارقىلى.
باقىتگٷل جولداسوۆا سوتتا الەكساندر پاكقا قاتىستى ەشقانداي تالابى جوق ەكەنٸن ايتتى. ونىڭ سٶزٸنشە, ايىپتالۋشى كٸنەسٸن تولىق مويىنداپ, ٶكٸنٸش بٸلدٸرگەن جەنە ماتەريالدىق ەرٸ مورالدىق شىعىنداردى ٶتەگەن.
– بٸز ونى كەشٸردٸك. بولاشاقتا دا ەشقانداي تالاپ قويمايمىز. تاتۋلاسۋ ٶز ەركٸمٸزبەن جٷزەگە استى. سوتتان وعان باس بوستاندىعىنان ايىرۋعا بايلانىستى ەمەس جازا تاعايىنداۋدى سۇرايمىز, – دەگەن مەلٸمدەمەنٸ اۋدارماشى وقىپ بەردٸ.
مارقۇم ەلاماننىڭ تۋىستارىنىڭ مٷددەسٸن قورعاۋشى ادۆوكات ولەگ چەرنوۆ مۇنداي شەشٸم قابىلداۋ جەبٸرلەنۋشٸلەردٸڭ زاڭدى قۇقىعى ەكەنٸن اتاپ ٶتتٸ.
سونىمەن بٸرگە ول ايىپتالۋشىنىڭ جازادان تولىق قۇتىلىپ كەتۋٸ ەكٸتالاي ەكەنٸن جەتكٸزدٸ.
– قىلمىستىق كودەكستٸڭ 345-1-بابىندا ماس كٷيٸندە كٶلٸك جٷرگٸزٸپ, ابايسىزدا ەكٸ نەمەسە ودان دا كٶپ ادامنىڭ ٶلٸمٸنە سەبەپ بولعان تۇلعالارعا 7 جىلدان 10 جىلعا دەيٸن باس بوستاندىعىنان ايىرۋ جازاسى قاراستىرىلعان. بۇل باپتا بالاما جازا كٶزدەلمەگەن. ەرەكشە جاعدايلاردا عانا سوت ٶزگە شەشٸم قابىلداۋى مٷمكٸن, بٸراق مۇنداي مٷمكٸندٸك ٶتە تٶمەن دەپ ەسەپتەيمٸن, – دەدٸ ادۆوكات.
سوت وتىرىسىنا قاتىسۋى تيٸس تاعى بٸر جەبٸرلەنۋشٸ بۇل جولى بايلانىسقا شىقپاعان. ونىڭ جاۋابى 4 ماۋسىم كٷنٸ ساعات 10:00-گە جوسپارلانعان كەلەسٸ وتىرىستا تىڭدالادى.
