بٸرىڭعاي ەلەكتروندى ساۋدا الاڭى – تىيىم سالىنعان مٷلٸك ساتىلاتىن مەملەكەتتٸك اقپاراتتىق جٷيە. تٸركەۋدەن ٶتكەن كەز كەلگەن ازامات اۋكتسيونعا قاتىسىپ, تىيىم سالىنعان مٷلٸكتٸ ساتىپ الا الادى.
جەكە سوت ورىنداۋشىلارىنىڭ رەسپۋبليكالىق پالاتاسىنىڭ باسپاسٶز قىزمەتٸنٸڭ حابارلاۋىنشا, تەك جىلجىمايتىن مٷلٸككە عانا ەمەس, تۇرمىستىق تەحنيكاعا دا تىيىم سالىنادى, دەپ جازادى Sputnik قازاقستان.
"تىيىم سالىنعاننان كەيٸن جەكە سوت ورىنداۋشىسى تاراپتارعا مٷلٸكتٸ باعالاۋعا جەنە بورىشكەر ٷشٸن تيٸمدٸ باعامەن ٶز بەتٸنشە ساتۋعا مٷمكٸندٸك بەرەدٸ. تاراپتار باعالاۋ جٷرگٸزۋدەن باس تارتقان جاعدايدا باعالاۋشىنىڭ كٶمەگٸنە ٶزٸ جٷگٸنەدٸ. ول بورىشكەردٸ باعالاۋ نەتيجەسٸمەن تانىستىرادى جەنە شاعىمدانۋعا 10 كٷن بەرەدٸ. كەيٸن ونى ەلەكتروندى ساۋدا-ساتتىقتا جٷزەگە اسىرۋعا ٶتٸنٸم جٸبەرەدٸ", - دەلٸنگەن حابارلامادا.
ەگەر ٶتٸنٸم ماقۇلدانسا, جەكە سوت ورىنداۋشىسى اۋكتسيون ٶتكٸزٸلەتٸن كٷن تۋرالى حابارلاما الادى. بۇل جاعدايدا سوت ورىنداۋشىسىنىڭ فۋنكتسيياسى ۋاقىتشا توقتاتىلادى, ياعني ول ساۋدا-ساتتىق رەسٸمٸنە قاتىسپايدى. اۋكتسيون بارىسىن, قاتىسۋشىلار سانى مەن دەرەكتەرٸن كٶرمەيدٸ.
وسىلايشا, ول ساۋدا-ساتتىقتىڭ نەتيجەسٸنە ەسەر ەتە المايدى. تەك نەتيجەسٸ بويىنشا عانا ەلەكتروندى ساۋدا-ساتتىق حاتتاماسىن الادى, ونىڭ نەگٸزٸندە مٷلٸكتٸ ساتىپ الۋشىمەن ساتىپ الۋ-ساتۋ شارتىن جاساسادى.
ەلەكتروندى ساۋدا-ساتتىققا وسى ٸس بويىنشا شەشٸم شىعارعان سوت ورىنداۋشىسى مەن سۋديانى, تىيىم سالىنعان مٷلٸكتٸ باعالاعان باعالاۋشىنى, سونداي-اق ولاردىڭ جاقىن تۋىستارىن, جۇبايىن قوسپاعاندا, ەلەكتروندىق تسيفرلى قولتاڭباسى بار كەز كەلگەن ازامات نەمەسە زاڭدى تۇلعا قاتىسا الادى.
وسىدان بٸر اپتا بۇرىن, 20 قىركٷيەكتە الماتى تۇرعىنى ٶزٸن ٷيدەن شىعارۋعا كەلگەندەرگە وق اتتى. ەكٸ پوليتسييا قىزمەتكەرٸ, سوت ورىنداۋشىسى, ٷيدٸڭ جاڭا يەسٸ جەنە ونىڭ تانىسى قايتىس بولدى.
