Biryńǵai elektrondy saýda alańy – tyiym salynǵan múlik satylatyn memlekettik aqparattyq júie. Tirkeýden ótken kez kelgen azamat aýktsionǵa qatysyp, tyiym salynǵan múlikti satyp ala alady.
Jeke sot oryndaýshylarynyń respýblikalyq palatasynyń baspasóz qyzmetiniń habarlaýynsha, tek jyljymaityn múlikke ǵana emes, turmystyq tehnikaǵa da tyiym salynady, dep jazady Sputnik Qazaqstan.
"Tyiym salynǵannan keiin jeke sot oryndaýshysy taraptarǵa múlikti baǵalaýǵa jáne boryshker úshin tiimdi baǵamen óz betinshe satýǵa múmkindik beredi. Taraptar baǵalaý júrgizýden bas tartqan jaǵdaida baǵalaýshynyń kómegine ózi júginedi. Ol boryshkerdi baǵalaý nátijesimen tanystyrady jáne shaǵymdanýǵa 10 kún beredi. Keiin ony elektrondy saýda-sattyqta júzege asyrýǵa ótinim jiberedi", - delingen habarlamada.
Eger ótinim maquldansa, jeke sot oryndaýshysy aýktsion ótkiziletin kún týraly habarlama alady. Bul jaǵdaida sot oryndaýshysynyń fýnktsiiasy ýaqytsha toqtatylady, iaǵni ol saýda-sattyq rásimine qatyspaidy. Aýktsion barysyn, qatysýshylar sany men derekterin kórmeidi.
Osylaisha, ol saýda-sattyqtyń nátijesine áser ete almaidy. Tek nátijesi boiynsha ǵana elektrondy saýda-sattyq hattamasyn alady, onyń negizinde múlikti satyp alýshymen satyp alý-satý shartyn jasasady.
Elektrondy saýda-sattyqqa osy is boiynsha sheshim shyǵarǵan sot oryndaýshysy men sýdiany, tyiym salynǵan múlikti baǵalaǵan baǵalaýshyny, sondai-aq olardyń jaqyn týystaryn, jubaiyn qospaǵanda, elektrondyq tsifrly qoltańbasy bar kez kelgen azamat nemese zańdy tulǵa qatysa alady.
Osydan bir apta buryn, 20 qyrkúiekte Almaty turǵyny ózin úiden shyǵarýǵa kelgenderge oq atty. Eki politsiia qyzmetkeri, sot oryndaýshysy, úidiń jańa iesi jáne onyń tanysy qaitys boldy.
