الماتىدا ٶتكەن ونلاين بريفينگ بارىسىندا 20-21 ماۋسىمداعى شەكتەۋ شارالارىن قاي جاعدايدا ودان ەرٸ جالعاساتىنى ايتىلدى, دەپ حابارلايدى قازاقپارات.
«بٸز بۇل احۋالدى جٸتٸ باقىلاپ وتىرمىز. ەگەر اۋرۋ كٶرسەتكٸشٸ تەۋلٸگٸنە 7 %–تەن اساتىن بولسا, كارانتين شارالارى ودان ەرٸ جالعاساتىن بولادى», - دەدٸ قالانىڭ باس سانيتارلىق دەرٸگەرٸ جانداربەك بەكشين.
ونىڭ ايتۋىنشا, قازٸر قالادا سوڭعى 10 كٷندە اۋرۋ كٶرسەتكٸشٸ 5% بولىپ تۇر. قالا بيلٸگٸ وسى كٶرسەتكٸشتٸ 1%-كە دەيٸن تٶمەندەتۋدٸ ماقسات تۇتىپ وتىر.
«الايدا بارلىق قاۋٸپ - سيمپتومسىز ناۋقاستاردىڭ ٶسۋٸندە. سونىمەن قاتار, قالاداعى تٶسەك ورىنداردىڭ 95 پايىزى تولىپ وتىر. ياعني كٶبەيگەن جاعدايدا اۋرۋحانادا ورىندار جەتٸسپەۋٸ مٷمكٸن», - دەدٸ ج.بەكشين.
الماتى قالاسىنىڭ باس سانيتارلىق دەرٸگەرٸ قالاعا وبلىستان كٸرەتٸندەرگە جەنە شىعاتىندارعا شەكتەۋ بولمايتىنىن ايتتى.
ونلاين بريفينگ بارىسىندا جۋرناليستەر قالادا بلوكپوستار قويىلا ما دەگەن ساۋال قويعان بولاتىن.
«جوق. قالا سىرتىندا بلوكپوستار قويىلمايدى. تۇرعىندار قالاعا, وبلىسقا ەمٸن ەركٸن كٸرٸپ شىعا الادى», - دەدٸ ج.بەكشين.
ايتا كەتۋ كەرەك, بٷگٸن قر پرەمەر-مينيسترٸ اسقار ماميننٸڭ تٶراعالىعىمەن قر اۋماعىندا كوروناۆيرۋس ينفەكتسيياسىنىڭ تارالۋىنا جول بەرمەۋ جٶنٸندەگٸ ۆەدومستۆوارالىق كوميسسييانىڭ (ۆاك) سەلەكتورلىق وتىرىسى ٶتكەنٸن جازعان ەدٸك. وندا قر پرەزيدەنتٸ قاسىم-جومارت توقاەۆتىڭ تاپسىرماسىنا سەيكەس قازاقستانداعى ەپيدەميولوگييالىق جاعدايدى تۇراقتاندىرۋ بويىنشا قوسىمشا شارالار قارالدى.
