الماتىدا دەنەسٸ ٶرتەنگەن كٷيدە تابىلعان پوليتسييا قىزمەتكەرٸنٸڭ ٶلٸمٸنە قاتىستى تەرگەۋدە جاڭا دەرەكتەر پايدا بولدى. بۇعان دەيٸن بۇل ٸس بويىنشا مارقۇمنىڭ جۇبايى مەن بٸر ۇلى كٷدٸككە ٸلٸنگەنٸ حابارلانعان بولسا, ەندٸ بەيرەسمي مەلٸمەتتەرگە سەيكەس, ەكٸنشٸ ۇلى دا كٷدٸكتٸلەر قاتارىندا, دەپ حابارلايدى ult.kz.
تەرگەۋ نۇسقاسى بويىنشا, قايعىلى وقيعا بولعان كٷنٸ پوليتسييا قىزمەتكەرٸ ٷيٸنە كەش ورالعان. وسىدان كەيٸن وتباسىندا جانجال تۋىنداعان.
تime.kz سايتىنىڭ جازۋىنشا, مارقۇمنىڭ جۇبايى بۇرىن پوليتسييا قىزمەتٸندە بولعان, الايدا بيىل اقپان ايىندا جۇمىستان كەتكەن. سونداي-اق جاقىندارىنىڭ ايتۋىنشا, ەر ادام وتباسىندا جيٸ جانجال شىعارىپ, ەيەلٸنە كٷش كٶرسەتكەن بولۋى مٷمكٸن. الايدا بۇل اقپاراتقا قاتىستى رەسمي راستاۋ جوق.
الدىن الا مەلٸمەت بويىنشا, جانجال كەزٸندە ٷيدە ەرلٸ-زايىپتىلاردىڭ 15 جاستاعى ەكٸ ۇلى (ولاردىڭ بٸرٸ اسىراپ الىنعان بولۋى مٷمكٸن) جەنە 14 جاستاعى دوسى بولعان. تەرگەۋ بولجامىنا سەيكەس, جاسٶسپٸرٸمدەردٸڭ بٸرٸ مارقۇمنىڭ باسىنان قاتتى زاتپەن سوققى جاساعان.
بەيرەسمي اقپاراتقا سەيكەس, مارقۇمنىڭ جۇبايى, ەكٸ ۇلى جەنە 14 جاستاعى جاسٶسپٸرٸم الماتى وبلىسى تالعار اۋداندىق پوليتسيياسىنىڭ ۋاقىتشا ۇستاۋ يزولياتورىنا قامالعان. كەيبٸر مەلٸمەتتەردە ولاردىڭ كٷدٸكتٸ مويىنداعانى ايتىلعانىمەن, بۇل اقپاراتتى قۇقىق قورعاۋ ورگاندارى رەسمي تٷردە راستاعان جوق.
ٸستٸ تەرگەۋ ٷشٸن ارنايى جەدەل-تەرگەۋ توبى قۇرىلۋى مٷمكٸن. سەبەبٸ وقيعا الماتى قالاسىندا بولعانىمەن, مەيٸت الماتى وبلىسىنىڭ اۋماعىنان تابىلعان.
ايتا كەتەيٸك, بۇل قىلمىستىق ٸس قوعامدا ٷلكەن رەزونانس تۋدىردى. تەرگەۋ جالعاسىپ جاتىر, ال ٸستٸڭ تٷپكٸلٸكتٸ مەن-جايى مەن كٷدٸكتٸلەردٸڭ كٸنەسٸ سوت شەشٸمٸمەن عانا انىقتالادى.
