الماتىدا وقۋشىلار تٶبەلەسٸپ, ەكەۋٸ پىشاق جاراقاتىن الدى. ولار اۋرۋحانادا جاتىر. بٸرەۋٸنٸڭ جاعدايى اۋىر, دەپ حابارلايدى قازاقپارات.
الماتى قالالىق قوعامدىق دەنساۋلىق ساقتاۋ باسقارماسىنىڭ مەلٸمەتٸنشە, وقۋشىلار پىشاق جاراقاتىمەن №2 قالالىق بالالار اۋرۋحاناسىنا 27 قازان كٷنٸ تٷستٸ.
«كەشە پىشاق جاراقاتىمەن كەمەلەت جاسقا تولماعان ەكٸ جاسٶسپٸرٸم №2 قالالىق بالالار اۋرۋحاناسىنا تٷستٸ. جاقىن تۋىستارىنىڭ ايتۋىنشا, بالالار قاتارلاستارىمەن بولعان تٶبەلەس كەزٸندە جاراقات الدى. بٸرٸنشٸسٸنٸڭ جاعدايى اۋىر, تۇراقسىز, ٸشتٸڭ الدىڭعى بٷيٸر قابىرعاسى مەن سول جاق بٷيرەگٸ زارداپ شەككەن, ەكٸنشٸ ناۋقاستىڭ ٸش قۇرىلىسىنا زاقىم كەلگەن, جاعدايى بٸرقالىپتى, بٶلٸمشەگە اۋىستىرىلدى», - دەپ حابارلادى باسقارمادان.
بۇعان دەيٸن الماتى قالالىق پوليتسييا دەپارتامەنتٸ وقيعاعا قاتىستى تٷسٸنٸكتەمە بەردٸ. «قر قىلمىستىق كودەكسٸنٸڭ 106-بابى بويىنشا سوتقا دەيٸنگٸ تەرگەپ-تەكسەرۋدٸڭ بٸرىڭعاي تٸزٸلٸمٸنە تٸركەلدٸ. انىقتالعانداي, جاسٶسپٸرٸمدەر اراسىندا جانجال شىعىپ, سالدارىنان ەكەۋٸ پىشاق جاراقاتىن الدى. كٷدٸكتٸ انىقتالىپ, قاماۋعا الىندى. ساراپتاما تاعايىندالدى. تەرگەۋ جالعاسۋدا», -دەپ حابارلادى الماتى قالالىق پد باسپاسٶز قىزمەتٸ. وقيعا الاتاۋ اۋدانىنا قاراستى «اقكەنت» شاعىناۋدانىندا بولدى.
