فوتو: تۇرار قازانعاپوۆ, Tengrinews.kz
الماتى قالالىق بٸلٸم باسقارماسىنىڭ باسشىسى لەززات جىلقىباەۆا الماتى مەكتەپتەرٸندەگٸ وقۋشىلاردىڭ فورماسى تۋرالى ايتتى, - دەپ حابارلايدى Tengrinews.kz اگەنتتٸگٸ.
الماتىنىڭ كەيبٸر مەكتەپتەرٸندە وقۋشىلارعا كروسسوۆكا كييۋگە رۇقسات بەرٸلمەيدٸ.
الايدا الماتى قالالىق بٸلٸم باسقارماسىنىڭ باسشىسى لەززات جىلقىباەۆانىڭ ايتۋىنشا, مەكتەپ وقۋشىلارىنا كروسسوۆكا مەن موكاسين كييۋگە تىيىم سالىنبايدى.
"مەكتەپ فورماسى ستاندارتتارىندا اياقكيٸم كٶرسەتٸلمەگەن. بالانىڭ اتا-اناسىنىڭ تاڭداۋىنا بايلانىستى: ەگەر كروسسوۆكا ىڭعايلى بولسا, كلاسسيكالىق ستيلدە, موكاسين, كروسسوۆكا نەمەسە تۋفلي - مۇنى اتا-انانىڭ ٶزٸ انىقتايدى. اياقكيٸمگە مۇنداي ناقتى تالاپ جوق", - دەيدٸ الماتى قالالىق بٸلٸم باسقارماسىنىڭ باسشىسى لەززات جىلقىباەۆا.
جىلقىباەۆانىڭ ايتۋىنشا, وقۋشىلاردىڭ مەكتەپ فورماسى قويۋ كٶك تٷستٸ بولۋى كەرەك.
"بٸرىڭعاي مەكتەپ فورماسىنا قويىلاتىن تالاپ 2016 جىلى بٸلٸم مينيسترٸنٸڭ بۇيرىعى بويىنشا بەكٸتٸلدٸ, مەكتەپ فورماسىنا قاتىستى ۇسىنىستار پاندەميياعا دەيٸن دە بولعان. يە, پاندەمييانىڭ ەكٸ جىلىندا ەركٸن فورماعا رۇقسات بەردٸك, بٸراق بيىلدان باستاپ وقۋ پروتسەسٸ تولىعىمەن وففلاين رەجيمدە, مەكتەپ فورماسىنا قويىلاتىن تالاپتار ورىندالادى. الماتى قالاسىندا مەكتەپ فورماسىنىڭ تٷسٸ - قويۋ كٶك", - دەپ تٷسٸندٸردٸ باسقارما باسشىسى.
سونداي-اق, ول مەكتەپ باسشىلىعى اتا-انالاردى بەلگٸلٸ بٸر ٶندٸرۋشٸلەر مەن جەتكٸزۋشٸلەردەن مەكتەپ فورماسىن ساتىپ الۋعا مەجبٷرلەۋگە قۇقىعى جوق ەكەنٸن ايتتى.
"ياعني, ەگەر مەكتەپ فورماسى ۇسىنىلعان بٸرىڭعاي ستاندارت پەن تٷسكە سەيكەس كەلسە, اتا-انانىڭ ونى كەز كەلگەن جەردەن ساتىپ الۋعا قۇقىعى بار. مەكتەپتٸڭ ناقتى ٶندٸرۋشٸنٸ نەمەسە وقۋشى كيٸمٸن جەتكٸزۋشٸنٸ انىقتاۋعا قۇقىعى جوق", - دەدٸ لەززات جىلقىباەۆا.
