Foto: Turar Qazanǵapov, Tengrinews.kz
Almaty qalalyq Bilim basqarmasynyń basshysy Lázzat Jylqybaeva Almaty mektepterindegi oqýshylardyń formasy týraly aitty, - dep habarlaidy Tengrinews.kz agenttigi.
Almatynyń keibir mektepterinde oqýshylarǵa krossovka kiiýge ruqsat berilmeidi.
Alaida Almaty qalalyq Bilim basqarmasynyń basshysy Lázzat Jylqybaevanyń aitýynsha, mektep oqýshylaryna krossovka men mokasin kiiýge tyiym salynbaidy.
"Mektep formasy standarttarynda aiaqkiim kórsetilmegen. Balanyń ata-anasynyń tańdaýyna bailanysty: eger krossovka yńǵaily bolsa, klassikalyq stilde, mokasin, krossovka nemese týfli - muny ata-ananyń ózi anyqtaidy. Aiaqkiimge mundai naqty talap joq", - deidi Almaty qalalyq bilim basqarmasynyń basshysy Lázzat Jylqybaeva.
Jylqybaevanyń aitýynsha, oqýshylardyń mektep formasy qoiý kók tústi bolýy kerek.
"Biryńǵai mektep formasyna qoiylatyn talap 2016 jyly bilim ministriniń buiryǵy boiynsha bekitildi, mektep formasyna qatysty usynystar pandemiiaǵa deiin de bolǵan. Iá, pandemiianyń eki jylynda erkin formaǵa ruqsat berdik, biraq biyldan bastap oqý protsesi tolyǵymen offlain rejimde, mektep formasyna qoiylatyn talaptar oryndalady. Almaty qalasynda mektep formasynyń túsi - qoiý kók", - dep túsindirdi basqarma basshysy.
Sondai-aq, ol mektep basshylyǵy ata-analardy belgili bir óndirýshiler men jetkizýshilerden mektep formasyn satyp alýǵa májbúrleýge quqyǵy joq ekenin aitty.
"Iaǵni, eger mektep formasy usynylǵan biryńǵai standart pen túske sáikes kelse, ata-ananyń ony kez kelgen jerden satyp alýǵa quqyǵy bar. Mekteptiń naqty óndirýshini nemese oqýshy kiimin jetkizýshini anyqtaýǵa quqyǵy joq", - dedi Lázzat Jylqybaeva.
