الماتىدا كوروناۆيرۋسقا قارسى سالىنىپ جاتقان جاڭا گوسپيتالدٸڭ قۇرىلىسىنا 5,5ملرد تەڭگە بٶلٸنبەك. بۇل اقپاراتتى جاڭا نىسان تۋرالى ۇيىمداستىرىلعان پرەسس-تۋر بارىسىندا BI Group Almaty كومپانيياسىنىڭ ديرەكتورى ايدوس مۇقاتاەۆ ايتتى, دەپ حابارلايدى قازاقپارات.
«الماتىداعى قۇرىلىس جوباسىنىڭ قۇنى 5,5 ملرد تەڭگە شاماسىندا. بٸز Openbook جٷيەسٸمەن جۇمىس جاسايمىز. وندا بارلىق شىعىندار كٶرسەتٸلەتٸن بولادى. قازٸر ەلەمدٸك اۋديتورلىق كومپانييالاردىڭ Big Four تٶرتتٸگٸنەن قاي سەرٸكتەستٸكپەن جۇمىس جاسايتىنىمىزدى انىقتاپ, كەلٸسٸمشارت جٷرگٸزٸپ جاتىرمىز. بۇل جوبانىڭ ٶزٸندٸك قۇنىنىڭ اۋديتٸ مەن وپەراتسييالىق باقىلاۋ قامتاماسىز ەتٸلەدٸ دەگەندٸ بٸلدٸرەدٸ. بٸزدٸڭ ۇسىنىسىمىزدى Deloitte, PricewaterhouseCoopers قابىلدادى», - دەدٸ ايدوس مۇقاتاەۆ.
قازٸر الماتىداعى گوسپيتالدٸڭ قۇرىلىسىنا 298 ادام, 44 تەحنيكا جۇمىلدىرىلعان. قۇرىلىس قىزعان كەزدە جۇمىسشىلار سانى 500 ادامنان اساتىن بولادى.
«قۇرىلىسشىلارعا 600-700 ورىنعا ارنايى حوستەل جالدادىق. تاماقتاندىرۋ ٷشٸن 10 شاتىر دايىندالدى. تەۋلٸگٸنە 24 ساعات جۇمىس ٸستەپ جاتىرمىز», - دەدٸ جوبا جەتەكشٸسٸ ارمان قابىلحاسوۆ.
قۇرىلىس جۇمىستارىن 25 سەۋٸردە اياقتاۋ جوسپارلانعان.
ايتا كەتكەن جٶن, جاڭا گوسپيتال الاتاۋ اۋدانىندا بوي كٶتەرەدٸ. سونداي-اق, قالالىق قوعامدىق دەنساۋلىق ساقتاۋ باسقارماسىنىڭ باسشىسى تٸلەۋحان ەبٸلداەۆقا وسى جوبانى قولعا العان كومپانييا ٶكٸلدەرٸمەن بٸرلەسٸپ گوسپيتالعا اسا قاجەتتٸ قۇرال-جابدىقتار مەسەلەسٸن دە پىسىقتاۋ تاپسىرىلدى. قالا ەكٸمٸ مەردٸگەر كومپانييا ٶكٸلدەرٸنە قولعا العان بارلىق جۇمىستى ساپالى ەرٸ ۋاقىتىندا بٸتٸرۋدٸ جٷكتەگەن ەدٸ.
گوسپيتال سالۋ تۋرالى شەشٸمدٸ كوروناۆيرۋس ينفەكتسيياسىنا قارسى كٷرەس ماقساتىندا قۇرىلعان قر پرەزيدەنتٸ جانىنداعى تٶتەنشە جاعداي رەجٸمٸن قامتاماسىز ەتۋ تۋرالى مەملەكەتتٸك كوميسسييا قابىلداعان بولاتىن.
ەپيدەميولوگييالىق احۋالدى تۇراقتاندىرۋ ٷشٸن مۇنداي نىساندار الماتى, شىمكەنت, نۇر-سۇلتان قالالارىندا سالىنادى.
