Almatyda koronavirýsqa qarsy salynyp jatqan jańa gospitaldiń qurylysyna 5,5mlrd teńge bólinbek. Bul aqparatty jańa nysan týraly uiymdastyrylǵan press-týr barysynda BI Group Almaty kompaniiasynyń direktory Aidos Muqataev aitty, dep habarlaidy QazAqparat.
«Almatydaǵy qurylys jobasynyń quny 5,5 mlrd teńge shamasynda. Biz Openbook júiesimen jumys jasaimyz. Onda barlyq shyǵyndar kórsetiletin bolady. Qazir álemdik aýditorlyq kompaniialardyń Big Four tórttiginen qai seriktestikpen jumys jasaitynymyzdy anyqtap, kelisimshart júrgizip jatyrmyz. Bul jobanyń ózindik qunynyń aýditi men operatsiialyq baqylaý qamtamasyz etiledi degendi bildiredi. Bizdiń usynysymyzdy Deloitte, PricewaterhouseCoopers qabyldady», - dedi Aidos Muqataev.
Qazir Almatydaǵy gospitaldiń qurylysyna 298 adam, 44 tehnika jumyldyrylǵan. Qurylys qyzǵan kezde jumysshylar sany 500 adamnan asatyn bolady.
«Qurylysshylarǵa 600-700 orynǵa arnaiy hostel jaldadyq. Tamaqtandyrý úshin 10 shatyr daiyndaldy. Táýligine 24 saǵat jumys istep jatyrmyz», - dedi joba jetekshisi Arman Qabylhasov.
Qurylys jumystaryn 25 sáýirde aiaqtaý josparlanǵan.
Aita ketken jón, jańa gospital Alataý aýdanynda boi kóteredi. Sondai-aq, qalalyq Qoǵamdyq densaýlyq saqtaý basqarmasynyń basshysy Tileýhan Ábildaevqa osy jobany qolǵa alǵan kompaniia ókilderimen birlesip gospitalǵa asa qajetti qural-jabdyqtar máselesin de pysyqtaý tapsyryldy. Qala ákimi merdiger kompaniia ókilderine qolǵa alǵan barlyq jumysty sapaly ári ýaqytynda bitirýdi júktegen edi.
Gospital salý týraly sheshimdi koronavirýs infektsiiasyna qarsy kúres maqsatynda qurylǵan QR Prezidenti janyndaǵy tótenshe jaǵdai rejimin qamtamasyz etý týraly Memlekettik komissiia qabyldaǵan bolatyn.
Epidemiologiialyq ahýaldy turaqtandyrý úshin mundai nysandar Almaty, Shymkent, Nur-Sultan qalalarynda salynady.
