الماتىدا دەرٸگەرلەر جەتٸسۋ اۋدانىندا بولعان گاز بەن اۋا قوسپاسىنىڭ جارىلىسىنان زارداپ شەككەن ادامداردىڭ جاعدايى تۋرالى ايتتى, دەپ حابارلايدى "ۇلت اقپارات".
زارداپ شەككەن ٷش ادامنىڭ بٸرٸ - 23 جاستاعى ەر ادام اۋرۋحانادان شىعۋعا دايىندالىپ جاتىر.
«پاتسيەنت دەنەسٸنٸڭ 22% كٷيٸك شالعان. قازٸرگٸ جاعدايى قاناعاتتانارلىق. اۋرۋحانادان شىعۋعا دايىندالىپ جاتىر», - دەدٸ قالالىق قوعامدىق دەنساۋلىقتى ساقتاۋ باسقارماسىنان.
ال 19 جاستاعى بويجەتكەننٸڭ جاعدايى اسا اۋىر.
«2000 جىلى تۋعان قىز ەلٸ دە جانساقتاۋ بٶلٸمٸندە. جاعدايى ٶتە اۋىر. جاساندى تىنىس الۋ اپپاراتىنا قوسىلعان. دەنەسٸنٸڭ 85%-ى كٷيگەن. قازٸر ٶتكٸر كٷيٸك توكسەميياسى كەزەڭٸن باسىنان كەشٸرٸپ جاتىر», - دەدٸ باسقارما.
ەسكە سالساق, قايعىلى جاعداي پەرۆومايكا اۋىلىنداعى پوستىشەۆ, 64 «ۆ» مەكەنجايىندا باراك تيپتەس 3 قاباتتى ٷيدە بولعان ەدٸ.
سالدارىنان 3 ادام جاراقات الىپ اۋرۋحاناعا تٷسكەن بولاتىن. دەنەسٸنٸڭ 100 %-ىن كٷيٸك شالعان 36 جاستاعى ەر ادام 2 كٷننەن سوڭ كٶز جۇمدى.
