الماتىدا اعاشتاردىڭ جاپپاي كەسٸلۋ وقيعاسىنا قاتىستى پوليتسييا قىزمەتكەرلەرٸ دە جاۋاپقا تارتىلۋى مٷمكٸن. بۇل تۋرالى الماتى قالاسى پروكۋرورىنىڭ بٸرٸنشٸ ورىنباسارى بەرٸك اداموۆ ونلاين بريفينگ بارىسىندا مەلٸم ەتتٸ, دەپ حابارلايدى "ۇلت اقپارات".
ونىڭ ايتۋىنشا, زاڭسىز اعاش كەسۋ ورىن العان جەردٸ كٷزەتٸپ جٷرگەن پوليتسييا قىزمەتكەرلەرٸنٸڭ ەرەكەتتەرٸنٸڭ زاڭعا سەيكەستٸگٸ تەكسەرٸلەدٸ.
«بٸز قالا تۇرعىندارىنىڭ ەلەۋمەتتٸك جەلٸلەردەگٸ شاعىمىن زەردەلەپ, تەكسەرٸس جٷرگٸزۋدەمٸز. ونى المالى اۋدانىنىڭ پروكۋراتۋراسى جٷرگٸزٸپ جاتىر. پوليتسييا قىزمەتكەرلەرٸنٸڭ ٸس-ەرەكەتٸنە زاڭدى باعا بەرٸلەدٸ. تەكسەرۋ نەتيجەلەرٸ بويىنشا پوليتسييا بٶلٸمٸنە بۇيرىق جٸبەرٸلەدٸ», — دەدٸ بەرٸك اداموۆ.
بۇعان دەيٸن, الماتىدا تٶلە بي كٶشەسٸندەگٸ ساۋدا ٷيٸنٸڭ الدىنداعى سيرەك كەزدەسەتٸن اعاشتاردى كەسٸپ تاستاعان كٷدٸكتٸ انىقتالعانى تۋرالى جازعان بولاتىنبىز.
ەسكە سالا كەتسەك, 23 قاراشاعا قاراعان تٷنٸ الماتىدا ساۋدا ٷيٸنٸڭ جانىندا (ەۋەزوۆ-تٶلە بي كٶشەلەرٸنٸڭ قيىلىسى) جايقالعان ەمەن مەن قاراعاش وتالدى. بۇعان قاتىستى تۇرعىندار ەلەۋمەتتٸك جەلٸدە نارازىلىق بٸلدٸردٸ.
كەيٸن الماتى قالالىق جاسىل ەكونوميكا باسقارماسى ساۋدا ٷيٸنٸڭ الدىنداعى اعاشتاردىڭ جاپپاي كەسٸلۋٸنٸڭ مەن-جايىن انىقتادى.
بۇل جاعدايعا پرەزيدەنت قاسىم-جومارت توقاەۆ نازار اۋدارىپ, الماتى ەكٸمٸ باقىتجان ساعىنتاەۆقا قىزمەتتٸك تەكسەرۋ جٷرگٸزۋدٸ, كٸنەلٸلەردٸ جاۋاپكەرشٸلٸككە تارتۋدى تاپسىردى.
24 قاراشا كٷنٸ ب.ساعىنتاەۆ مەسەلەنٸ ٶز باقىلاۋىنا العانىن مەلٸم ەتتٸ.
