الماتىدا بٷگٸنەن باستاپ جۇمىسقا كٸرٸسكەن كەسٸپورىندار سانيتارلىق-ەپيدەميولوگييالىق تالاپتاردى قاتاڭ ساقتاۋى تيٸس, دەپ حابارلايدى "ۇلت اقپارات".
بٷگٸننەن باستاپ الماتىدا ٶنەركەسٸپ كەسٸپورىندارى مەن قۇرىلىس نىساندارى, زاڭدى تۇلعالارعا ارنالعان حقكو-نىڭ قىزمەتٸ قايتا ٸسكە قوسىلدى.
«بۇل كەسٸپورىندارعا سانيتارلىق-ەپيدەميولوگييالىق قاۋٸپسٸزدٸكتٸ قامتاماسىز ەتۋ تالاپتارى بويىنشا اۋديت جٷرگٸزٸلدٸ. تەكسەرۋدٸ الماتى قالاسىنىڭ كەسٸپكەرلٸك جەنە ينۆەستيتسييالار باسقارماسى, تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸ جەنە «اتامەكەن» ۇكپ قىزمەتكەرلەرٸنەن قۇرىلعان جۇمىس توبى جٷرگٸزەدٸ», - دەپ حابارلادى ەكٸمدٸكتٸڭ باسپاسٶز قىزمەتٸ.
جۇمىسى جاندانعان مەكەمەلەر جٸتٸ باقىلاۋعا الىنادى. ٷنەمٸ مونيتورينگ جٷرگٸزٸلەدٸ. ەگەر بۇزۋشىلىقتار ورىن السا, كەسٸپورىنىڭ جۇمىسىن توقتاتۋ تۋرالى شەشٸم قابىلدانادى.
قالاداعى بارلىق ٶنەركەسٸپ جەنە قۇرىلىس نىساندارىنداعى جۇمىسشىلاردى COVID-19 قورعاۋ بويىنشا ٸس-شارانىڭ تولىق تٸزٸمٸ جاسالدى. جۇمىس بەرۋشٸلەر قاتاڭ سانيتارلىق نورمالاردى ساقتاۋعا مٸندەتتٸ.
«جۇمىسقا كٸرٸسپەس بۇرىن قىزمەتكەرلەر مەديتسينالىق تەكسەرۋدەن ٶتەدٸ. سونىمەن قاتار, ولاردىڭ دەنە قىزۋى تەپلوۆيزور ارقىلى تەكسەرٸلٸپ, جۋرنالعا تٸركەۋ قاجەت. بارلىق قىزمەتكەرلەر مەديتسينالىق ماسكا, قولعاپ, دەزينفەكتسييالىق مايلىقتار نەمەسە انتيسەپتيكپەن,سانيتايزەرمەن قامتاماسىز ەتٸلۋٸ تيٸس. جينالىستاردى قىسقارتىپ, ادامداردىڭ كٶپ شوعىرلانۋىنا جول بەرٸلمەۋٸ كەرەك. سونىمەن قاتار, جۇمىسشىلار قاشىقتىق نورمالارىن ساقتاۋى قاجەت. عيمارات ٸشٸ ٷنەمٸ دەزينفەكتسييالانىپ تۇرۋى شارت», - دەپ اتاپ ٶتتٸ ەكٸمدٸك.
ايتا كەتۋ كەرەك, جەدەل رەسپيراتورلىق ينفەكتسييالار (دەنە قىزۋى, جٶتەل, مۇرىننىڭ بٸتەلۋٸ) جەنە باسقا دا جۇقپالى اۋرۋلاردىڭ بەلگٸسٸ بار قىزمەتكەرگە جۇمىس ٸستەۋگە رۇقسات ەتٸلمەيدٸ. بۇل جاعدايدا قىزمەتكەردٸ دەرەۋ وقشاۋلاپ, جەدەل جەردەم بريگاداسىن شاقىرۋى كەرەك.
تيٸستٸ اۋديت جٷرگٸزگەننەن كەيٸن كەسٸپورىنداردىڭ كارانتين جاعدايىندا جۇمىس ٸستەۋگە دايىندىعى تۋرالى قورىتىندى شىعادى. سودان سوڭ قىزمەتكەرلەر مەن كٶلٸك قۇرالدارى تۋرالى مەلٸمەتتەر infoalmaty.kz اقپارات بازاسىنا ەنگٸزٸلەدٸ. ال, قالادا جۇمىسى جاندانعان كەسٸپورىنداردىڭ تٸزٸمٸن ەكٸمدٸك سايتىنان قاراۋعا بولادى.
