الماتىدا قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا ارنايى وپەراتسييا بارىسىندا ۇستالعان قىرعىزستان جوگوركۋ كەنەشٸنٸڭ بۇرىنعى دەپۋتاتى داميربەك اسىلبەكۇلىنا قاتىستى باستى سوت وتىرىسى ٶتتٸ, بۇل تۋرالى «قازاقپارات» تٸلشٸسٸ حابارلايدى.
داميربەك اسىلبەكۇلىمەن بٸرگە سوت الدىندا تاعى 11 ادام جاۋاپ بەرۋدە. باستى سوت قاراۋى بارىسىندا 37 جاستاعى داميربەك اسىلبەكۇلى انكەتالىق مەلٸمەتتەرٸندە ٶزٸنٸڭ قىرعىزستان ازاماتى ەكەنٸن, ٷيلەنگەنٸن جەنە ۇستالعان ۋاقىتقا دەيٸن بٸشكەكتە تۇرعانىن باياندادى.
مەملەكەتتٸك ايىپتاۋ نۇسقاسى بويىنشا, 2016 جىلدىڭ قاراشا ايىندا اسىلبەكۇلى قىرعىزستان پارلامەنتٸنٸڭ دەپۋتاتى بولا تۇرا, قىزمەت بابىن اسىرا پايدالانىپ, ماتەريالدىق پايدا كٶرۋ, زاڭسىز اقشا تابۋ ماقساتىمەن ترانسۇلتتىق ۇيىمداسقان قىلمىستىق توپ قۇرىپ, ونى باسقارعان. توپ قىرعىزستاننان قازاقستانعا جەنە رەسەيگە اسا ٸرٸ كٶلەمدە جەتكٸزٸلٸپ تۇرعان تۇرمىستىق تۇتىنۋ زاتتارىنىڭ ەكونوميكالىق كونترابانداسىمەن اينالىسقان.
ٶز پيعىلىن كەدەن ارقىلى كٶرٸنەۋ جالعان مەلٸمەتتەر جازىلعان قۇجاتتار ارقىلى جٷزەگە اسىرعان. مەملەكەتتٸك ايىپتاۋدىڭ مەلٸمەتٸنشە, ەكس-دەپۋتات قازاقستانداعى دوستارىنا كونتراباندامەن بٸرگە اينالىسۋدى ۇسىنعان. ۇيىمداسقان قىلمىستىق توپتى ٶزٸ باسقارىپ, قاراماعىنداعى ادامدارعا تاپسىرمالار بەرٸپ وتىردى.
مەملەكەتتٸك ايىپتاۋشىلاردىڭ ايتۋىنشا, كونتراباندالىق تاۋاردى الماتى قالاسى بويىنشا كەدەرگٸسٸز ٶتكٸزۋ ٷشٸن قىلمىستىق توپ ٷلكەن كٶلەمدە پارا بەرٸپ كەلگەن.
ايتا كەتەيٸك, سوت پروتسەسٸنە قىرعىزستان پارلامەنتٸنٸڭ مٷشەلەرٸ تىڭداۋشى رەتٸندە قاتىستى.
ەسكە سالايىق, اعىمداعى جىلدىڭ اقپان ايىندا قر باس پروكۋراتۋراسى, قر ۇلتتىق قاۋٸپسٸزدٸك كوميتەتٸ جەنە سىبايلاس جەمقورلىققا قارسى ٸس-قيمىل ۇلتتىق بيۋروسى الماتى, جامبىل, وڭتٷستٸك قازاقستان وبلىستارى مەن الماتى قالاسىندا ارنايى وپەراتسييا جٷرگٸزٸپ, 30-عا جۋىق ادام ۇستالدى. ولاردىڭ اراسىندا كەدەن ورگانىنىڭ, شەكارا قىزمەتٸنٸڭ لاۋازىمدى تۇلعالارى, بروكەرلەر, دەلدالدار, سونداي-اق ۇيىمداسقان قىلمىستىق توپ مٷشەلەرٸ بار. اراسىنداعى ٷشەۋٸ قىرعىزستان ازاماتى. ونىڭ بٸرٸ - قىرعىزستان جوگوركۋ كەنەشٸنٸڭ دەپۋتاتى داميربەك اسىلبەكۇلى.
كەيٸن انىقتالعانداي, داميربەك اسىلبەكۇلىنىڭ قازاقستان ازاماتتىعى بار. بۇل رەتتە, سوتتالۋشىنىڭ ٶزٸ قىرعىزستان ازاماتى ەكەنٸن اتاپ ٶتۋدە.
الماتى سوتى تەرگەۋ كەزٸندە داميربەك اسىلبەكۇلىن قاماۋدا ۇستاۋ مەرزٸمٸن بٸرنەشە رەت ۇزارتقان بولاتىن.
