@tengrinews.kz
الماتىدا جوعارى وقۋ ورىندارىنىڭ جاتاقحانالارى تەكسەرٸلدٸ. ولاردىڭ 20-سى ستۋدەنتتەردٸ قابىلداۋعا دايىن ەمەس ەكەنٸ بەلگٸلٸ بولدى, - دەپ حابارلايدى Tengrinews.kz تٸلشٸسٸ "كتك" تەلەارناسىنا سٸلتەمە جاساپ.
جاتاقحانالاردى دەپۋتاتتار, قوعام بەلسەندٸلەرٸ جەنە تٶتەنشە جاعدايلار دەپارتامەنتٸ ٶكٸلدەرٸنەن قۇرالعان بٸرلەسكەن كوميسسييا تەكسەرگەن. تەكسەرۋ بارىسىندا كٶپتەگەن كەمشٸلٸك انىقتالعان. مىسالى, قىزدار پەداگوگيكالىق ۋنيۆەرسيتەتٸ جاتاقحاناسىنداعى اس ٷيدە سۋ جوق. ەكٸمشٸلٸك كٷردەلٸ جٶندەۋگە قارجى جەتپەيدٸ دەپ وتىر. سوندىقتان قولدا باردان جاعداي جاساۋعا تىرىسادى.
"ۇيىمنىڭ قۇقىقتىق مەرتەبەسٸنٸڭ ٶزٸ قارجى تارتۋ ٷشٸن بەلگٸلٸ بٸر مەسەلەلەرمەن اينالىسۋ كەرەك ەكەنٸن مەڭزەپ وتىر. مەملەكەت باس تارتپايدى, بٸراق قىرۋار قارجى تالاپ ەتەتٸن مەسەلەلەر بار. جاتاقحانا سالۋ نەمەسە كٷردەلٸ جٶندەۋ, رەكونسترۋكتسييا جەنە ت.ب." - دەدٸ قازاق ۇلتتىق قىزدار پەداگوگيكالىق ۋنيۆەرسيتەتٸنٸڭ ستراتەگييالىق دامۋ جەنە ەلەۋمەتتٸك جۇمىس جٶنٸندەگٸ پرورەكتورى جانار رىسپەكوۆا.
قازاق سپورت جەنە تۋريزم اكادەميياسى جاتاقحاناسىندا قۇرىلىسشىلار جٶندەۋ جۇمىستارىن اسىعىس اياقتاپ جاتىر. ەۋەلگٸدە ەكٸمشٸلٸك ستۋدەنتتەرگە ارنالعان تازا, جايلى بٶلمەلەردٸ كٶرسەتكەن. بٸراق كەيٸن باسقا بٶلمەلەردٸ دە كٶرسەتۋگە مەجبٷر بولعان. ولاردىڭ ەدەندەرٸ لاس, ەسٸكتەرٸ سىزىلعان جەنە تٶسەك جابدىقتارى ەسكٸ بولىپ شىقتى. جاتاقحانادا تاراقاندار دا تابىلعان.
بۇل عيماراتتا جۋىنۋ ٷشٸن ستۋدەنتتەرگە جەرتٶلەگە تٷسۋٸ كەرەك بولادى. سونداي-اق, كٸر جۋاتىن بٶلمە دە سول جەردە. تەكسەرۋشٸلەر جىل ٶتكەن سايىن بٸردەي زاڭبۇزۋشىلىقتار انىقتالاتىنىن ايتادى. الماتىداعى 95 جاتاقحانانىڭ 20-سى ستۋدەنت قابىلداۋعا دايىن ەمەس, بەسەۋٸنٸڭ جاعدايى مٷشكٸل.
"مونيتورينگ اياقتالعاننان كەيٸن ۇسىنىمدار ەزٸرلەنەدٸ. ەرينە, بٸز بۇل مەسەلەنٸ الماتى قالاسى مەسليحاتىندا قاراستىرامىز. ەرينە, Amanat پارتيياسى جانىنداعى بٸلٸم بەرۋ كەڭەستەرٸندە ەرٸ قاراي ۇسىنىستار بەرۋ ارقىلى قاراستىرامىز. جوعارى وقۋ ورىندارىنىڭ باسشىلىعى اتسالىسادى, ٶيتكەنٸ پروبلەمالار كٶپ جەنە شەشۋدٸ قاجەت ەتەدٸ", - دەدٸ الماتى قالاسى مەسليحاتىنىڭ دەپۋتاتى ەسييا اقانوۆا.
قازٸر شەنەۋنٸكتەر ستۋدەنتتەردٸ قالاي ورنالاستىرۋدى ويلاستىرىپ جاتىر.
