الماتىدا زارداپ شەككەن شاعىن جەنە ورتا بيزنەس ٶكٸلدەرٸنە العاشقى ٶتەماقى تٶلەۋ باستالدى, دەپ حابارلايدى قازاقپارات.
الماتى ەكٸمٸ باقىتجان ساعىنتاەۆتىڭ تاپسىرماسى بويىنشا ٶڭٸرلٸك كوميسسييا شاعىن جەنە ورتا بيزنەس سۋبەكتٸلەرٸنە كەلتٸرٸلگەن زالال سوماسىن انىقتاۋ بويىنشا جۇمىستى جالعاستىرىپ جاتىر.
بٷگٸن العاشقى ەكٸ كەسٸپكەرگە تەرتٸپسٸزدٸك كەزٸندە كەلتٸرٸلگەن زالال ٷشٸن ٶتەماقى تٶلەندٸ.
الەكساندر تكاچەنكو «موبيلكا» ساۋدا ٷيٸندە ۇيالى تەلەفوندار ساتاتىن. ونىڭ بۋتيگٸ جاپپاي تەرتٸپسٸزدٸك كەزٸندە تونالدى. نەتيجەسٸندە كەسٸپكەر 3,2 ملن تەڭگە شىعىنعا ۇشىرادى. جەكە كەسٸپكەر بارلىق قاجەتتٸ قۇجاتتاردى رەسٸمدەگەننەن كەيٸن, وعان تولىق كٶلەمدە قاراجات اۋدارىلدى.
ەكٸنشٸ كەسٸپكەر, ەركەنجان مىرزاباەۆ «ازييا پارك» سوسو جەنە «ماكسيما» سوسو 2 بۋتيكتٸ جالعا الىپ, بالالار كيٸمٸن ساتۋمەن اينالىسقان. تەرتٸپسٸزدٸكتٸڭ سالدارىنان ونىڭ بيزنەسٸنە 1,8 ملن تەڭگە زالال كەلتٸرٸلدٸ. ونىڭ دا ەسەپ شوتىنا تيٸستٸ قاراجات اۋدارىلدى.
الدىن الا مەلٸمەتتەر بويىنشا, الماتىدا تەرتٸپسٸزدٸك پەن توناۋ سالدارىنان 1581 كەسٸپكەرلٸك سۋبەكتٸسٸ زارداپ شەككەن. شىعىن سوماسى 45,6 ملرد تەڭگە. زالال سوماسىن ايقىنداۋ جٶنٸندەگٸ ٶڭٸرلٸك كوميسسييا زارداپ شەككەن وبەكتٸلەر بويىنشا, ونىڭ ٸشٸندە جەرگٸلٸكتٸ جەرلەرگە شىعا وتىرىپ, دەرەكتەردٸ جيناۋدى جالعاستىرادى.
قالا ەكٸمٸ باقىتجان ساعىنتاەۆتىڭ تاپسىرماسىنا سەيكەس قالا شوب-كە بٸرنەشە باعىت بويىنشا قارجىلىق جەنە قارجىلىق ەمەس قولداۋ كٶرسەتەدٸ. وسىلايشا, زارداپ شەككەن بيزنەس سۋبەكتٸلەرٸ جىلۋ, گاز, سۋمەن جابدىقتاۋ جەنە كەرٸز بويىنشا 3 ايعا كوممۋنالدىق شىعىنداردان بوساتىلادى.
سونىمەن قاتار, قالا مەنشٸگٸندەگٸ ٷي-جايلاردى جالعا الاتىن كەسٸپكەرلەر 6 ايعا جالگەرلٸك تٶلەمنەن بوساتىلادى.
قوسىمشا Almaty Business-2025 قالالىق باعدارلاماسى بويىنشا كەسٸپكەرلەرگە اينالىم قارجىسىن تولىقتىرۋعا 10 ملن تەڭگەگە دەيٸن جىلدىق 2%-بەن 12 ايعا كەپٸلمەن نەمەسە «الماتى» ەكك ٸشٸنارا كەپٸلدٸگٸمەن تٶمەندەتٸلگەن نەسيە بەرٸلەدٸ.
سونىمەن قاتار, زارداپ شەككەن كەسٸپكەرلەرگە نەگٸزگٸ قارىزدى ٶتەۋ مەرزٸمٸن كەيٸنگە شەگەرٸپ, «الماتى فينانس» جشس مەن ميكروقارجى ۇيىمدارىندا 180 كٷنگە دەيٸنگٸ مەرزٸمگە ايىپپۇلدار مەن ٶسٸمپۇلداردان بوساتادى. نەسيەلەۋدٸڭ ەڭ ۇزاق مەرزٸمٸ جارتى جىلعا, قولدانىستاعى 7 جىلدان 7,5 جىلعا دەيٸن ۇلعايتىلدى, كەپٸلسٸز نەسيەلەۋ بويىنشا مٶلشەرلەمەلەر جىلدىق 12%-دان 9%-عا دەيٸن تٶمەندەتٸلدٸ.
