الماتىدا ەرلٸ-زايىپتى زاڭسىز ويىن بيزنەسٸن ۇيىمداستىرعانى ٷشٸن سوتتالدى, دەپ حابارلايدى "ۇلت اقپارات" قارجى مونيتورينگٸ كوميتەتٸنٸڭ باسپاسٶز قىزمەتٸنە سٸلتەمە جاساپ.
كوميتەتٸنٸڭ الماتى قالاسى بويىنشا ەكونوميكالىق تەرگەۋ دەپارتامەنتٸ الماتى قالاسىندازاڭسىز ويىن بيزنەسٸن ۇيىمداستىرعان ازاماتتارعا قاتىستى سوتقا دەيٸنگٸ تەرگەۋ امالدارىن اياقتادى.
«الماتى قالاسىنىڭ تۇرعىندارى – ەرلٸ-زايىپتى بٸرلەسە زاڭسىز ويىنحانا قىزمەتٸن اشىپ, جۇمىس ٸستەپ كەلگەن. اتالعان ويىنحانانى زاڭدا كٶرسەتٸلگەن جەردەن تىس جەردە ۇيىمداستىرعانى انىقتالدى.
تەكسەرٸس بارىسىندا زاڭسىز جۇمىس ٸستەپ كەلگەن ەلەكتروندى ويىنحانانىڭ قىزمەتٸ ەشكەرەلەنٸپ, ول جەردە ويىنشىلار مەن جۇمىسشىلار بولعاندىعى انىقتالدى. تٸنتۋ كەزٸندە 18 پروتسەسسور, 19 مونيتور جەنە كاسسادان 170 000 تەڭگەدەن استام قاراجات تەركٸلەندٸ», دەلٸنگەن حابارلامادا.
اتالعان قىلمىستى ۇيىمداستىرۋشىلار قىلمىستىق كودەكستٸڭ 307-بابى 2-بٶلٸگٸ (زاڭسىز ويىن بيزنەسٸن ۇيىمداستىرۋ) بويىنشا جاۋاپكەرشٸلٸككە تارتىلىپ, ولارعا 2 جىلعا دەيٸن مەرزٸمدەگٸ باس بوستاندىعىن شەكتەۋ جازاسى تاعايىندالدى.
