فوتو: الماتى ەكٸمدٸگٸ
قازاقستان حالقىنىڭ بٸرلٸگٸ كٷنٸ الماتى قالاسىنىڭ جەتٸسۋ اۋدانىندا ەرەكشە شارا ٶتتٸ. اينابۇلاق شاعىن اۋدانىنداعى №4 مامانداندىرىلعان بالالار-جاسٶسپٸرٸمدەر سپورت مەكتەبٸندە ەل تاريحىنداعى ەڭ ۇزىن لاعمان – 1704 مەتر ەزٸرلەنٸپ, بۇل كٶرسەتكٸش رەسمي تٷردە قازاقستان رەكوردتار كٸتابىنا تٸركەلدٸ, دەپ حابارلايدى Ult.kz.
بۇل جەتٸستٸك جاي عانا اسپازدىق شارا ەمەس, كٶپۇلتتى قوعامداعى بٸرلٸك پەن تاتۋلىقتىڭ ناعىز سيمۆولىنا اينالدى. دايىنداۋ ٷشٸن 19 كەلٸ ۇن قولدانىلىپ, 50-دەن استام قاتىسۋشى – اسپازدار مەن اۋدان تۇرعىندارىنىڭ بٸرلەسكەن ەڭبەگٸمەن تاعام نەبەرٸ ەكٸ ساعاتتا دايىندالدى. ەرتٷرلٸ ۇلت ٶكٸلدەرٸ بٸر داستارقاننىڭ باسىندا بٸرٸگٸپ, قازاقستاندىقتاردىڭ بٸرلٸگٸن پاش ەتتٸ.
فوتو: الماتى ەكٸمدٸگٸ
قازاقستان رەكوردتار كٸتابىنىڭ رەسمي ٶكٸلٸ باقىتجان سابيتۇلى:
«لاعماننىڭ ۇزىندىعى قانشا مەتر بولعانىنا قاراماستان, رەكورد ورناتىلدى. ٶيتكەنٸ ەلٸمٸزدە مۇنداي شارا العاش رەت ٶتٸپ وتىر. بٸز تەك قامىردىڭ ۇزىندىعىن عانا ەمەس, سونىمەن قاتار ۇلتارالىق بايلانىستاردىڭ بەرٸكتٸگٸن دە تٸركەدٸك», – دەپ اتاپ ٶتتٸ.
بۇل كٷنٸ بٸر داستارقان باسىندا قازاقتار, ۇيعىرلار, ٶزبەكتەر, دٷنگەندەر, كورەيلەر جەنە باسقا دا ۇلت ٶكٸلدەرٸ باس قوستى. بٸرٸ قامىر يلەسە, بٸرٸ ونى جايدى. بۇل قاتىسۋشىلار ٷشٸن ٷلكەن مەرەكەگە اينالىپ, ەركٸم ٶزٸن ٷلكەن تاتۋ وتباسىنىڭ مٷشەسٸ سەزٸندٸ.
جەتٸسۋ اۋدانى انالار كەڭەسٸنٸڭ تٶرايىمى راحيما وماروۆا:
«قاتىسۋشىلارعا قامىردى ٷزبەي دايىنداۋ وڭاي بولعان جوق. بٸراق بٸزدٸڭ اسپازدار بۇل تاپسىرمانى كەرەمەت ورىنداپ شىقتى», – دەدٸ.
اسپازدىق شاراعا قاتىسۋشىلاردىڭ بٸرٸ زۋحرا يزماسوۆا ەسەرٸمەن بٶلٸستٸ:
«لاعماننىڭ ۇزىندىعى تىم ۇزىن بولعاندىقتان, جۇمىس بٸرشاما قيىن بولدى. بٸراق كٷردەلٸ مٸندەتتەر ەرقاشان قىزىق ەرٸ ەرەكشە», – دەپ مويىندادى ول.
سونىمەن قاتار, جەتٸسۋ اۋدانى ارداگەرلەر كەڭەسٸنٸڭ تٶرايىمى تامارا شەكٸروۆا شارانىڭ ەڭبەك ماماندىقتارى جىلى اياسىندا ٶتٸپ جاتقانىن اتاپ ٶتتٸ:
«جەتٸسۋ اۋدانىندا قوعامدىق تاماقتانۋ ورىندارى ٶتە كٶپ شوعىرلانعان. بٷگٸن شىعىس اسحاناسىنىڭ اسپازدارى ٶز شەبەرلٸگٸن كٶرسەتتٸ. مۇنداي ەرەكشە تاعام دايىنداۋ – ناعىز ٶنەر. بٸز ەڭبەك ماماندىقتارىن لايىقتى باعالاۋىمىز كەرەك», – دەدٸ ول.
شارانى جەتٸسۋ اۋدانى تۇرعىندارى مەن ەتنومەدەني ورتالىقتارى قازاقستان حالقىنىڭ بٸرلٸگٸ كٷنٸنە وراي ۇيىمداستىردى. اۋدان ەكٸمدٸگٸ اتاپ ٶتكەندەي, لاعمان جاي عانا دەمدٸ تاعام ەمەس, ول ورتاق مەدەني ەستەلٸكتٸڭ, دەستٷردٸڭ, تاريحتىڭ جەنە بولاشاقتىڭ سيمۆولىنا اينالدى.
