الماتىدا تۋريستەردٸ جەدەل جەردەم جەنە پوليتسييا قىزمەتٸنە شۇعىل قوساتىن 10 اقپاراتتىق تەرمينال ورناتىلادى. بۇل تۋرالى الماتى ٶڭٸرلٸك كوممۋنيكاتسييالار قىزمەتٸ الاڭىندا ٶتكەن ونلاين-بريفينگ بارىسىندا قالالىق تۋريزم باسقارماسى باسشىسىنىڭ ورىنباسارى مارات اينابەكوۆ ايتتى, دەپ حابارلايدى قازاقپارات.
«10 لوكاتسييادا اقپاراتتىق تەرمينالدار ورنالاستىرىلادى. ولار قالا قوناقتارىنا الماتىنىڭ كٶرٸكتٸ جەرلەرٸ تۋرالى اقپاراتتى ينتەراكتيۆتٸ تٷردە ۇسىناتىن بولادى. ستەندتەر ارقىلى تۋريستەر تٷرلٸ قيىن جاعدايلارعا تاپ بولعان جاعدايدا پوليتسييا قىزمەتكەرلەرٸن, سونداي-اق جەدەل جەردەم قىزمەتكەرلەرٸن شاقىرا الادى», - دەدٸ مارات اينابەكوۆ.
بۇل قۇرىلعىلار «تۋريستٸك اقپارات ورتالىعى» جشس كٶرسەتكەن لوكاتسييادا:
1. بەيٸمبەت مايلين كٶشەسٸندەگٸ الماتى ەۋەجايىندا;
2. جٸبەك جولى داڭعىلىنداعى كٶك بازاردا;
3. كٶكتٶبەدە;
4. 28 پانفيلوۆشىلار پاركٸندە;
5. قر تۇڭعىش پرەزيدەنتٸ پاركٸندە;
6. اباي-بايتۇرسىنوۆ كٶشەلەرٸنٸڭ قيىلىسىندا;
7. «مەدەۋ» كەشەنٸندە;
8. پانفيلوۆ-گوگول كٶشەلەرٸنٸڭ قيىلىسىندا;
9. پانفيلوۆ-جٸبەك جولى كٶشەلەرٸنٸڭ قيىلىسىندا;
10. «Forum Almaty» ساۋدا ورتالىعىندا;
11. «Dostyk Plaza» ساۋدا ورتالىعىندا;
12. الماتى 2 تەمٸرجول ۆوكزالىندا;
13. «Essentai Mall» ساۋدا ورتالىعىندا;
14. «شىمبۇلاق» تشك;
15. الماتى ورتالىق ستاديونىندا;
16. استانا الاڭىندا;
17. اباي اتىنداعى ۇلتتىق وپەرا جەنە بالەت تەاترىندا;
18. مەملەكەتتٸك مۋزەيدە;
19. «مەگا Park», «Mega Alma-Ata» ساۋدا, ويىن-ساۋىق ورتالىعىندا;
20. «تسۋم» ساۋدا ورتالىعىندا ورنالاسادى.
بۇل تەرمينالدار ارقىلى ينتەراكتيۆتٸ كارتامەن تٷرلٸ نىسانداردى ٸزدەپ تابۋعا, تۋريستٸك مارشرۋت سىزۋعا, بارلىق ەلەم تٸلدەرٸندە اقپارات الۋعا, قالادا بولىپ جاتقان شارالار تۋرالى بٸلۋگە بولادى.
سونداي-اق, جەدەل نٷكتەلەر بويىنشا ەجەتحانا, مەديتسينالىق كٶمەك نٷكتەلەرٸن تابۋعا مٷمكٸندٸك بار.
«سونىمەن قاتار, تاۋعا شىعاتىن تۋريستەرگە اپتا سايىن تۋريستٸك حاب بازاسىندا (بالۋان شولاق اتىنداعى سپورت سارايى اۋماعىندا) تەگٸن بٸلٸم سۇحباتتارى ٶتكٸزٸلەدٸ», - دەپ تٷسٸندٸردٸ مارات اينابەكوۆ.
