الماتىدا كٶپقاباتتى تۇرعىن ٷيلەردٸ باسقارۋ جەنە كٷتٸپ-ۇستاۋ قىزمەتتەرٸنە ارنالعان ەڭ تٶمەنگٸ تاريف ۇلعايتىلادى. جاڭا شەشٸم 2026 جىلعى 28 ماۋسىمنان باستاپ كٷشٸنە ەنەدٸ. تۇرعىندار ٶزگەرٸستٸ كەلەسٸ ايدا كەلەتٸن كوممۋنالدىق تٶلەم تٷبٸرتەكتەرٸنەن بايقاي الادى, دەپ حابارلايدى ult.kz.
جاڭا ەرەجەگە سەيكەس, تۇرعىن ٷيدٸ كٷتٸپ-ۇستاۋعا ارنالعان ەڭ تٶمەنگٸ تٶلەم ەر شارشى مەتر ٷشٸن 70 تەڭگە بولىپ بەلگٸلەندٸ. بۇل كٶرسەتكٸش تۇرعىن ٷي يەلەرٸ كووپەراتيۆتەرٸ (پيك) مەن مٷلٸك يەلەرٸ بٸرلەستٸكتەرٸ (ميب) قىزمەتتەرٸ ٷشٸن مٸندەتتٸ ەڭ تٶمەنگٸ مٶلشەر سانالادى. مۇنداي تاريفتٸ ەنگٸزۋ ٷشٸن تۇرعىنداردىڭ كەلٸسٸمٸ تالاپ ەتٸلمەيدٸ.
سونىمەن قاتار, تۇرعىندار جالپى جينالىس ٶتكٸزٸپ, قاجەت بولعان جاعدايدا بۇل سومانى ودان دا جوعارى دەڭگەيدە بەكٸتە الادى.
ايتا كەتەيٸك, 2025 جىلى الماتى مەسليحاتى تۇرعىن ٷيدٸ كٷتٸپ-ۇستاۋدىڭ ەڭ تٶمەنگٸ تاريفٸن بٸر شارشى مەتر ٷشٸن 40 تەڭگە كٶلەمٸندە بەكٸتكەن بولاتىن. وسىعان بايلانىستى اۋدانى 60 شارشى مەتر بولاتىن پەتەر يەسٸنٸڭ اي سايىنعى تٶلەمٸ 2400 تەڭگەدەن 4200 تەڭگەگە دەيٸن ٶسەدٸ.
جينالعان قاراجات تۇرعىن ٷيلەردٸڭ ورتاق مٷلكٸن كٷتٸپ-ۇستاۋعا باعىتتالادى. اتاپ ايتقاندا, كٸرەبەرٸستەر مەن اۋلالاردى تازالاۋ, ورتاق مٷلٸكتٸ جٶندەۋ, جارىقتاندىرۋ جٷيەلەرٸن قامتاماسىز ەتۋ, جىلىتۋ ماۋسىمىنا دايىندىق, ٶرت قاۋٸپسٸزدٸگٸن ساقتاۋ جەنە ينجەنەرلٸك جەلٸلەردٸ كٷتٸپ-ۇستاۋ جۇمىستارىنا جۇمسالادى.
تٷبٸرتەكتەردە بۇل تٶلەم «تۇرعىن ٷيدٸ كٷتٸپ-ۇستاۋ», «ٷيدٸ كٷتٸپ-ۇستاۋعا كەتەتٸن شىعىن» نەمەسە سوعان ۇقساس اتاۋلارمەن كٶرسەتٸلۋٸ مٷمكٸن.
قولدانىستاعى زاڭناماعا سەيكەس, اتالعان جارنانى پەتەرلەر مەن تۇرعىن ەمەس ٷي-جايلاردىڭ بارلىق مەنشٸك يەلەرٸ تٶلەۋگە مٸندەتتٸ. ٶز كەزەگٸندە ٷيدٸ باسقارۋشى ۇيىم تۇرعىندارعا اي سايىنعى جەنە جىلدىق قارجىلىق ەسەپ بەرٸپ وتىرۋى تيٸس.
بۇدان بٶلەك, الماتىدا تۇرمىستىق قاتتى قالدىقتاردى شىعارۋ قىزمەتٸنٸڭ تاريفٸ دە ٶزگەرەدٸ. جاڭا مٶلشەرلەمە بويىنشا بٸر ادامعا شاققانداعى تٶلەم 718,5 تەڭگەدەن 745 تەڭگەگە دەيٸن ٶسەدٸ.
