الماتىدا تاۋعا كٶتەرٸلگەن ەر ادام جٷرەك تالماسىنان مەرت بولدى, دەپ حابارلايدى "ۇلت اقپارات" قالالىق تٶتەنشە جاعدايلار دەپارتامەنتٸنە سٸلتەمە جاساپ.
«7 تامىز كٷنٸ ساعات 11:15-دە «109» تٶتەنشە جاعداي قىزمەتٸنٸڭ قۇتقارۋشىلارى مەدەۋ اۋدانىنا («كٶكجايلاۋدان» 200 مەتر تٶمەن) جٷرەك ۇستاماسى بولعان 61 جاستاعى تۋريستكە كٶمەك كٶرسەتۋ ٷشٸن شاقىرتۋعا شىقتى. 1740 مەتر بيٸككە شىعۋدىڭ قيىندىعىنا قاراماستان, ساعات 12:30-دا قۇتقارۋشىلار وقيعا ورنىنا جەتتٸ. قۇتقارۋشىلار 1960 جىلى تۋعان ەر ادامنىڭ تىنىس الماي جاتقانىن انىقتادى. ساعات 15:52-دە قۇتقارۋشىلار ەر كٸسٸنٸڭ دەنەسٸن تٷسٸرٸپ, پوليتسييا قىزمەتكەرلەرٸنە تاپسىردى», - دەلٸنگەن حابارلامادا.
اقپاراتتا ايتىلعانداي, اراعا بٸرەر ساعات ٶتكەن سوڭ تاعى بٸرنەشە ادامنىڭ جوعالعانى تۋرالى حابار جەتكەن.
«18:35-تە تجد پۋلتٸنە بوستاندىق اۋدانىندا 16-21 جاس ارالىعىنداعى 4 ادام, ياعني قىز-كەلٸنشەكتەردٸڭ جوعالىپ كەتكەنٸ تۋرالى حابارلاما كەلٸپ تٷستٸ. قۇرامىندا 5 ادام جەنە 1 تەحنيكا بار قۇتقارۋ قىزمەتٸ ولاردىڭ مەكەنٸن انىقتادى. ولار المااراسان شاتقالىداعى جولدا جوعالعان ادامدارمەن بايلانىسقا شىقتى. 19:50-دە قۇتقارۋشىلار جوعالعانداردى قارسى الىپ, بەكەتكە دەيٸن امان ەسەن ٶتكٸزٸپ جٸبەردٸ. جوعالعان قىز-كەلٸنشەكتەرگە مەديتسينالىق كٶمەك قاجەت بولمادى», - دەپ حابارلايدى تجد.
وسى ورايدا الماتى قالاسىنىڭ تجد تۋريستەردەن تاۋلى ايماققا شىققان كەزدە قاۋٸپسٸزدٸك شارالارىن ساقتاۋدى سۇرايدى .
تاۋداعى قاراپايىم جٷرٸس-تۇرىس ەرەجەلەرٸ:
1. تاۋعا باراردا ٶز كٷشٸڭٸزدٸ باعىتقا بايلانىستى دۇرىس ەسەپتەڭٸز. دايىندىق دەڭگەيٸ بويىنشا باعىتتى تاڭداڭىز.
2. تاۋعا بارار الدىندا جاقىندارىڭىزعا ناقتى باعىتتى ايتىڭىز. تۋىستارىڭىز سٸزدٸ قايدا ٸزدەۋ كەرەكتٸگٸن بٸلۋٸ كەرەك.
3. تاۋلاردا سوقپاقتان شىقپاڭىز. جولدى قىسقارتۋعا تىرىسپاڭىز.
4. ەگەر باعىت بويىنشا كٶتٸرٸلۋ قيىنداعان جاعدايدا, ارتقا قاراي تٶمەن تٷسٸڭٸز. ەڭ باستىسى-ورالۋ.
قۇتقارۋ قىزمەتٸنٸڭ نٶمٸرٸ - 109.
