Almatyda taýǵa kóterilgen er adam júrek talmasynan mert boldy, dep habarlaidy "Ult aqparat" qalalyq Tótenshe jaǵdailar departamentine silteme jasap.
«7 tamyz kúni saǵat 11:15-de «109» tótenshe jaǵdai qyzmetiniń qutqarýshylary Medeý aýdanyna («Kókjailaýdan» 200 metr tómen) júrek ustamasy bolǵan 61 jastaǵy týristke kómek kórsetý úshin shaqyrtýǵa shyqty. 1740 metr biikke shyǵýdyń qiyndyǵyna qaramastan, saǵat 12:30-da qutqarýshylar oqiǵa ornyna jetti. Qutqarýshylar 1960 jyly týǵan er adamnyń tynys almai jatqanyn anyqtady. Saǵat 15:52-de qutqarýshylar er kisiniń denesin túsirip, politsiia qyzmetkerlerine tapsyrdy», - delingen habarlamada.
Aqparatta aitylǵandai, araǵa birer saǵat ótken soń taǵy birneshe adamnyń joǵalǵany týraly habar jetken.
«18:35-te TJD pýltine Bostandyq aýdanynda 16-21 jas aralyǵyndaǵy 4 adam, iaǵni qyz-kelinshekterdiń joǵalyp ketkeni týraly habarlama kelip tústi. Quramynda 5 adam jáne 1 tehnika bar qutqarý qyzmeti olardyń mekenin anyqtady. Olar Almaarasan shatqalydaǵy jolda joǵalǵan adamdarmen bailanysqa shyqty. 19:50-de qutqarýshylar joǵalǵandardy qarsy alyp, beketke deiin aman esen ótkizip jiberdi. Joǵalǵan qyz-kelinshekterge meditsinalyq kómek qajet bolmady», - dep habarlaidy TJD.
Osy oraida Almaty qalasynyń TJD týristerden taýly aimaqqa shyqqan kezde qaýipsizdik sharalaryn saqtaýdy suraidy .
Taýdaǵy qarapaiym júris-turys erejeleri:
1. Taýǵa bararda óz kúshińizdi baǵytqa bailanysty durys esepteńiz. Daiyndyq deńgeii boiynsha baǵytty tańdańyz.
2. Taýǵa barar aldynda jaqyndaryńyzǵa naqty baǵytty aityńyz. Týystaryńyz sizdi qaida izdeý kerektigin bilýi kerek.
3. Taýlarda soqpaqtan shyqpańyz. Joldy qysqartýǵa tyryspańyz.
4. Eger baǵyt boiynsha kótirilý qiyndaǵan jaǵdaida, artqa qarai tómen túsińiz. Eń bastysy-oralý.
Qutqarý qyzmetiniń nómiri - 109.
