بالالارى وقۋ گرانتىنا ٸلٸنە الماعان اتا-انالار مەن جاتتىقتىرۋشىلار نارازىلىق تانىتتى. ايتۋلارىنشا, كٸشكەنتايىنان سپورتپەن اينالىسىپ, ەل نامىسىن قورعاپ كەلگەن وقۋشىلار بٸلٸم جەنە عىلىم مينيسترلٸگٸ ٶزگەرتكەن باپتىڭ كەسٸرٸنەن وقۋعا تٷسە الماعان, دەپ حابارلايدى almaty.tv.
تىعىرىققا تٸرەلگەن تالاپكەرلەر وسى ۋاقىتقا دەيٸن ەڭبەكتەنٸپ جەتكەن اتاق-دەرەجەلەرٸنٸڭ ەسكەرۋسٸز قالعانىنا قاپالى. ال مىقتى مامانداردى دايىندايتىن اكادەمييانىڭ باسشىلارى گرانتقا تٷسكەندەردٸڭ كٶبٸ سپورتقا قاتىسى جوق جاندار دەپ وتىر.
توبىمەن بٸرگە تىعىرىققا تٸرەلٸپ تۇرعان جاستاردىڭ بٸر بٶلٸگٸ – رەسپۋبليكالىق سپورت مەكتەبٸنٸڭ تٷلەكتەرٸ. ەۋپٸرٸمدەپ دامىپ كەلە جاتقان بەسسايىس تٷرٸن ەركٸن مەڭگەرگەن قىز-جٸگٸتتەر وسى ۋاقىتقا دەيٸن ٶزبەكستان, تايلاند, رەسەي سىندى كٶپتەگەن ەلدەردە ٶتكەن حالىقارالىق جارىستاردان تالاي مەرتە توپ جارعان. «ساناتى جوعارى بەسەكەدەن جٷلدە الىپ, ەل نامىسىن قورعاساق, وقۋعا دا جول اشىلادى دەگەن ٷمٸتٸمٸزدٸڭ ٷزٸلگەنٸنە ٶكپەلٸمٸز» دەيدٸ سپورتشىلار.
«مەن بەسسايىستان جاستار اراسىندا قازاقستان چەمپيونى, ازييا ويىندارىندا جەڭٸمپاز اتاندىم. قازان ايىندا جاسٶسپٸرٸمدەر اراسىندا ٶتەتٸن وليمپياداعا قاتىسامىن. 114 بالل جيناسام دا, گرانتقا ٸلٸكپەدٸم», – دەيدٸ ەدٸل يبراگيموۆ.
«بٸز بەسسايىستان ازييا چەمپيونى بولدىق. وسى ۋاقىتقا دەيٸنگٸ ەڭبەگٸمٸز ٷشٸن وسى وقۋ ورنىندا وقيتىن شىعارمىز دەگەن ەدٸك. گرانتتى قىسقارتقاندىقتان, ەشقايسىمىز تٷسە المادىق. بٸز دە بٸلٸمٸمٸزدٸ ارى قاراي جالعاستىرعىمىز كەلەدٸ», – دەدٸ ليۋدميلا يانوۆيەۆا.
بالالارى گرانتقا ٸلٸنبەي قالعان اتا-انالار تۋريزم جەنە سپورت اكادەميياسىنىڭ الدىندا تاڭنان جينالىپ, تاعاتتارىنىڭ تاۋسىلعاندىعىن, تىعىرىققا تٸرەلگەن بالالارىنا بيلٸكتٸڭ كٶمەك كٶرسەتۋٸن سۇرادى. شەكٸرت تەربيەلەپ كەلە جاتقان جاتتىقتىرۋشىلار دا جاعدايدىڭ قيىن ەكەنٸن جەتكٸزدٸ.
«مەنٸڭ بالام سپورتتىڭ ۆولەيبول تٷرٸمەن اينالىسقان. قازاقستان بويىنشا بەس دٷركٸن چەمپيون اتانعان. حالىقارالىق جارىستاردىڭ چەمپيونى. كمس قورعاپ الدى. مەنٸڭ جوعارى جاقتان سۇرايتىنىم, سپورت سالاسىندا جٷرگەن جاسٶسپٸرٸمدەرگە كٶڭٸل بٶلٸنسە ەكەن دەيمٸن. ٶيتكەنٸ, ولار قازاقستانىمىزدىڭ بولاشاعى», – دەيدٸ اتا-انا قاناعات ەبدٸراسىلۇلى.
تۋريزم اكادەميياسىنا جينالعان تالاپكەرلەردٸڭ كٶبٸ بەرگٸسٸ – اۋدان, ارعىسى – جاسٶسپٸرٸمدەر اراسىندا ٶتكەن حالىقارالىق بەسەكەلەردەن جەڭٸمپاز اتانعاندار. بٸراق شٸلدە ايىندا بٸلٸم تۋرالى زاڭعا ەنگەن ٶزگەرٸس ولاردىڭ كٶپ جىلعى ەڭبەكتەرٸن جوققا شىعاردى دەيدٸ اكادەمييا باسشىلىعى. بٸر اي بۇرىن عانا تاراعان تالاپ بويىنشا, 26-باپتىڭ 5-تارماعىنا سەيكەس, جالپى بٸلٸم بەرەتٸن مەكتەپتەردەگٸ تٷلەكتەردەن كٸم جوعارى بالل جيناسا سول گرانتقا ٸلٸنەدٸ.
«1122 تالاپكەر-سپورتشى تٸركەلگەن بولاتىن. 1 مىڭ 122 ادامنىڭ, جوعارعى جەتٸستٸكتەگٸ سپورتشىلاردىڭ 107-سٸ عانا وسى 450 گرانتتان الىپ وتىر. ياعني, 343 تالاپكەردٸڭ دايىندىق دەڭگەيٸ تٶمەن نەمەسە كەيبٸرەۋٸنٸڭ سپورتقا قاتىسى جوق دەپ ايتۋعا بولادى. ياعني, ولار بالىنىڭ جوعارى بولۋىنا بايلانىستى وسى بٸلٸم گرانتتارىن يەمدەنٸپ وتىر. ەرينە, بۇل كەرٸ ەسەرٸن تيگٸزەتٸنٸ سٶزسٸز. سەبەبٸ, تٷسپەي قالعانداردىڭ كٶپشٸلٸگٸ – كٸشكەنتاي كەزٸنەن باستاپ سپورتتىڭ قىر-سىرىن مەڭگەرگەن بالالار», – دەدٸ قازاقتىڭ سپورت جەنە تۋريزم اكادەميياسىنىڭ پرورەكتورى مۇحتار ەسقاليەۆ.
اكادەمييا باسشىلارى مەن جاتتىقتىرۋشىلارىنىڭ ايتۋىنشا, بيىلعى جىلعا دەيٸن حالىقارالىق جەنە رەسپۋبليكالىق جارىستاردىڭ جەڭٸمپازدارى اتانعان جوعارعى دەرەجەدەگٸ سپورتشىلار وقۋعا تٷسكٸسٸ كەلسە, ولاردىڭ جەتٸستٸگٸنە باسىمدىق بەرٸلٸپ كەلگەن. الداعى ٶمٸرلەرٸن تەك سپورت اكادەميياسىندا جالعاستىرعىسى كەلگەن تالاپكەرلەر تىم بولماعاندا, اقىلى وقۋعا جەڭٸلدٸك جاسالسا دەيدٸ.
