فوتو: الماتى ەكٸمدٸگٸ
الماتىنىڭ 35 جوعارى وقۋ ورنىندا 236,1 مىڭ ستۋدەنت وقيدى. ستۋدەنتتەردٸڭ ەلەۋلٸ بٶلٸگٸ ەلٸمٸزدٸڭ باسقا ٶڭٸرلەرٸنەن كەلگەندەر جەنە شەتەلدٸك ازاماتتار. بۇل تۋرالى الماتى قالاسى جاستار ساياساتى باسقارماسىنىڭ ٶكٸلدەرٸ ايتتى, دەپ حابارلايدى Ult.kz.
قالا ٶڭٸردەگٸ ەڭ ٸرٸ بٸلٸم بەرۋ ورتالىقتارىنىڭ بٸرٸ. كٶپۇلتتى ستۋدەنتتٸك ورتا الماتىلىق جوعارى وقۋ ورىندارىنا دەگەن تۇراقتى قىزىعۋشىلىقتى ارتتىرىپ, قالانىڭ بٸلٸم بەرۋ ەكوجٷيەسٸنٸڭ حالىقارالىق سيپاتىن كٷشەيتٸپ وتىر.
ايتا كەتەيٸك, 2023 جىلى قازاقستاندا 82 ەلدەن كەلگەن 26 مىڭ شەتەلدٸك ستۋدەنت بٸلٸم العان. بۇل ەلدەگٸ ستۋدەنتتەردٸڭ جالپى سانىنىڭ 4,4% - ى (606 مىڭ ادام).
شەتەلدٸك ستۋدەنتتەردٸڭ ەلەۋلٸ بٶلٸگٸ ەلٸمٸزدٸڭ ەڭ ٸرٸ ستۋدەنتتٸك ورتالىعى سانالاتىن الماتىعا تيەسٸلٸ.
شەتەلدٸك ستۋدەنتتەردٸڭ باسىم كٶپشٸلٸگٸ ەل-فارابي اتىنداعى قازاق ۇلتتىق ۋنيۆەرسيتەتٸندە وقيدى - 4,5 مىڭ ادام. ەكٸنشٸ ورىندا س. اسفەنديياروۆ اتىنداعى قازاق ۇلتتىق مەديتسينا ۋنيۆەرسيتەتٸ. مۇندا 1,9 مىڭ شەتەلدٸك ستۋدەنت بٸلٸم الىپ جٷر, ونىڭ ٸشٸندە 1,2 مىڭ ادام (63,2%) ٷندٸ ەتنوسىنىڭ ٶكٸلدەرٸ.
ٷزدٸك ٷشتٸك قاتارىندا ق. سەتباەۆ اتىنداعى قازاق ۇلتتىق تەحنيكالىق زەرتتەۋ ۋنيۆەرسيتەتٸ بار. اتالعان وقۋ ورنىندا تٷركٸمەنستاننان كەلگەن 1,9 مىڭ شەتەلدٸك ستۋدەنت بٸلٸم الىپ جٷر. اباي اتىنداعى قازاق ۇلتتىق پەداگوگيكالىق ۋنيۆەرسيتەتٸندە 1,8 مىڭ شەتەلدٸك ستۋدەنت وقيدى.
«سوڭعى بٸر جىلدىڭ ٸشٸندە شەتەلدٸك ستۋدەنتتەر سانى 45%-دان استامعا ٶستٸ (17,1 مىڭنان 22,6 مىڭعا دەيٸن, ياعني 5,5 مىڭعا ارتتى). بٸزدٸڭ جوعارى وقۋ ورىندارىنىڭ ەلەمدٸك رەيتينگتەردەگٸ ورنىن نىعايتىپ, حالىقارالىق باعدارلامالاردى دامىتىپ, جوعارى ساپالى زاماناۋي بٸلٸم بەرۋ ورتاسىن قالىپتاستىرىپ جاتقانى بٸز ٷشٸن ٷلكەن ماقتانىش. بۇل ەلەمنٸڭ تٷكپٸر-تٷكپٸرٸنەن كەلەتٸن ستۋدەنتتەردٸڭ قىزىعۋشىلىعىن وياتادى», — دەدٸ الماتى قالاسى جاستار ساياساتى باسقارماسىنىڭ باسشىسى ازيز كاجدەنبەك.
