الماتىدا سەكس-قۇلدىقتا بولعان قازاق قىزى جانتٷرشٸگەرلٸك جايتتى باياندادى (ۆيدەو)

تٸلٸنٸڭ كەمٸستٸگٸ بار بويجەتكەن تٸپتٸ دۇرىس سٶيلەي المايدى. سٶزٸنشە  مەكتەپتٸ ارنايى ينتەرناتتا بٸتٸرگەن. 2014 جىلى ۇزىناعاشتان الماتىعا قاراي تاكسيگە وتىرعان وعان كٶلٸك جٷرگٸزۋشٸسٸ ٷي قىزمەتشٸسٸ بولۋدى ۇسىنعان. وعان سەنٸپ قالعان قىز بٸر كٷننەن-اق سورلاپ قالعانىن ايتادى. بٸر كٷن ٷي تازالاعان ونى ەرتەسٸندە قوناقٷيگە ارىن ساتۋعا جٸبەرگەن. قارسىلاسسا تاياقتىڭ استىنا العان.

"پىشاقپەن دە ۇراتىن باسىمدى قاناتىپ. جۇمىس ٸستەي الماي, ون مىڭ تەڭگە اپارعان كەزدە قىلعىندىرىپ, باۋىزدايمىن, ٷنٸڭدٸ شىعارماي دەيتٸن. ەشكٸم سەنٸ قۇتقارىپ المايدى دەپ قورقىتتى", - دەيدٸ راۋشان نٷسٸپوۆا.

جەڭگەتايلار ونى ون ەركەككە قىزمەت كٶرسەتۋگە مەجبٷرلەپ, كٷنٸنە جيىرما مىڭ تەڭگە سۇراعان.

ونىڭ ايتۋىنشا, ٶزٸ سيياقتى قۇلدىقتا جٷرگەن تاعى ون بەس قىز بار.

"قازاعى دا, قىرعىزى دا, ٶزبەگٸ دە بار. قاراقالپاق تا بار. ون بەس شاقتى قىز. 94-97 جىلعىلار دا بار. كٷنٸنە پلان قوياتىن. جيىرمادان جوعارى. جيىرمادان تٶمەن ٸستەمە دەيتٸن. ٸستەمەسەڭ, وقتاۋمەن تاياق جەيسٸڭ", - دەپ مۇڭىن ايتتى ول.

راۋشان قۇلدىقتان 20 سەۋٸر كٷنٸ قاشىپ شىققان ەكەن. ون كٷن دالادا تٷنەگەن ونى "ساياحات" بازارىنىڭ ماڭىنان جەڭگەتايلاردىڭ بٸرٸ كٶرٸپ قويعان ەكەن. قورلىققا قايتا بارعانشا, كٶلٸك استىنا تٷسكەن ارتىق دەگەن بويجەتكەن بازارعا قاراي جٷگٸرگەن. دەل وسى جەردە ونى جەڭگەتايدان جەلتوقسانشى گٷلباحرام جٷنٸس اراشالاپ قالىپتى.

"بيلٸك بٸلمەيدٸ دەگەنگە مەن سەنبەيمٸن. مٷمكٸن جوعارى بيلٸككە بۇل جەتپەيتٸن شىعار. تٶمەنگٸ بيلٸك, تٷركسٸب اۋدانىنىڭ جەرگٸلٸكتٸ ەكٸمشٸلٸگٸنٸڭ, قۇقىقتىق ورگانداردىڭ مۇنى بٸلمەۋٸ مٷمكٸن ەمەس", - دەيدٸ جەلتوقسانشى.

مىناۋ دۋلاتوۆ, 17 كٶشەسٸندەگٸ قوناق ٷي. راۋشان كٷندە كەشكٸ التىدان تاڭعى التىعا دەيٸن وننان استام ادامعا دەل وسى عيماراتتىڭ ەكٸنشٸ قاباتىندا قىزمەت كٶرسەتكەنٸن ايتادى.

عيماراتتىڭ بٸرٸنشٸ قاباتى كٶلٸك جٶندەۋشٸلەردٸڭ ەنشٸسٸندە بولسا, ەكٸنشٸ جەنە ٷشٸنشٸ قاباتى قوناق ٷي ەكەن.

"كٷندە ەكەلٸپ, الىپ كەتەدٸ. اتاۋى جوق (رەد. - قىزداردى)", - دەيدٸ جەرگٸلٸكتٸ تۇرعىندار.

قازٸرگٸ تاڭدا قىزدى ٶز قاراماعىنا العان ەرٸكتٸلەر اۋرۋحانا تابالدىرىعىن توزدىرىپ جٷر.

ەسكە سالساق, ٸٸد كٷنٸ كەشە بۇل جايتقا قاتىستى رەسمي پٸكٸر بٸلدٸرگەن ەدٸ.

«ن. ەسٸمدٸ ازاماتتىڭ ارىزى قر قك 308-بابى بويىنشا سوتقا دەيٸنگٸ تەرگەۋدٸڭ بٸرىڭعاي رەەسترٸندە تٸركەلدٸ. كٷدٸكتٸلەر قاماۋعا الىنىپ, ٸٸد-نە جەتكٸزٸلدٸ. جەدەل جەنە تەرگەۋ ٸس-شارالارى ٶتكٸزٸلٸپ جاتىر", - دەدٸ پوليتسيياداعىلار.