الماتى ەكٸمشٸلٸك قۇقىق بۇزۋشىلىقتار بويىنشا مامانداندىرىلعان اۋدانارالىق سوتى بەلسەندٸ سالتانات تەشٸموۆانى رۇقسات ەتٸلمەگەن ميتينگكە قاتىسقانى ٷشٸن 15 تەۋلٸككە قاماۋ تۋرالى شەشٸم شىعاردى, دەپ حابارلايدى قازاقپارات.
6 ماۋسىم كٷنٸ الماتى قالاسىنىڭ ەكٸمشٸلٸك سوتىنا ميتينگكە زاڭسىز قاتىسۋ فاكتٸسٸ بويىنشا سالتانات تەشٸموۆاعا قاتىستى ماتەريال تٷستٸ (ەقبتك-نٸڭ 488-بابىنىڭ 6-بٶلٸگٸ).
سالتانات تەشٸموۆاعا بوستاندىق اۋدانىنداعى «مينينا» سكۆەرٸندە بٸرقاتار تۇرعىن ٷي كەشەنٸنٸڭ تۇرعىندارىمەن بٸرگە 9 سەۋٸردە بيلٸكپەن كەلٸسٸلمەگەن ميتينگٸگە قاتىستى دەگەن ايىپ تاعىلدى.
ميتينگ كەزٸندە تۇرعىندار ساياباق ماڭىندا 12 قاباتتى تۇرعىن ٷيدٸڭ سالىنباۋىن تالاپ ەتكەن.
پروكۋرور سوتتان سالتانات تەشٸموۆانى ەقبتك-نٸڭ 488-بابىنىڭ 6-بٶلٸگٸندە كٶزدەلگەن ەكٸمشٸلٸك قۇقىق بۇزۋشىلىقتى جاساعانى ٷشٸن كٸنەلٸ دەپ تانىپ, 15 تەۋلٸككە ەكٸمشٸلٸك قاماققا الۋ تٷرٸندەگٸ ەكٸمشٸلٸك جازا قولدانۋدى سۇرادى.
«15 تەۋلٸككە ەكٸمشٸلٸك قاماققا الۋدى تاعايىنداۋ بٶلٸگٸندە, ەكٸمشٸلٸك جازانىڭ تٷرٸ مەن مٶلشەرٸن انىقتاۋ كەزٸندە سوت قۇقىق بۇزۋشىلىقتىڭ سيپاتىن, قۇقىق بۇزۋشىلىقتى قاساقانا جاساۋ فاكتٸسٸن ەسكەرگەنٸن اتاپ ٶتكەن جٶن. قۇقىق قورعاۋ ورگاندارى, جەرگٸلٸكتٸ اتقارۋشى ورگان ٶكٸلدەرٸنٸڭ قۇقىق بۇزۋشىلىقتى توقتاتۋ تۋرالى تالاپپەن زاڭدى تٷسٸندٸرۋلەرٸنە قاراماستان, قۇقىققا قايشى مٸنەز-قۇلىقتىڭ جالعاسۋى انىقتالدى», - دەپ حابارلادى الماتى قالاسىنىڭ ەكٸمشٸلٸك قۇقىق بۇزۋشىلىق ٸستەرٸ جٶنٸندەگٸ مامانداندىرىلعان اۋدانارالىق سوتىنان.
ايتا كەتەيٸك, سوت وتىرىسىندا ەكوبەلسەندٸ سالتانات تەشٸموۆا ٶز كٸنەسٸن مويىنداعان جوق.
«قازٸرگٸ ۋاقىتتا سوت اكتٸسٸ زاڭدى كٷشٸنە ەنگەن جوق. سوت شەشٸمٸنە قاتىستى اپەللياتسييالىق سوتقا شاعىم تٷسٸرۋگە قۇقىلى», - دەپ اتاپ ٶتتٸ ۆەدومستۆادان.
