الماتىدا كٶشەدەگٸ جانجالدان كەيٸن پوليتسييا التى كٷدٸكتٸنٸ جەدەل تٷردە قولعا تٷسٸردٸ, دەپ حابارلايدى ult.kz.
قالالىق پوليتسييا دەپارتامەنتٸنٸڭ باسپاسٶز قىزمەتٸنٸڭ مەلٸمەتٸنشە, وقيعا اقساي ىقشاماۋدانىندا تٷن ورتاسىندا بولعان. «102» ارناسىنا كٶشەدە قولىندا پىشاعى بار بٸر توپ جٸگٸتتٸڭ جٷرگەنٸ تۋرالى حابارلاما تٷسكەننەن كەيٸن وقيعا ورنىنا پوليتسييا جاساقتارى جٸبەرٸلگەن.
پوليتسەيلەر كەلگەن كەزدە جانجال سالدارىنان بٸر جٸگٸتتٸڭ پىشاق جاراقاتىن العانى انىقتالدى. جەدەل ٸزدەستٸرۋ شارالارىنىڭ نەتيجەسٸندە وقيعاعا قاتىسى بولۋى مٷمكٸن دەگەن كٷدٸكپەن التى جاس جٸگٸت ۇستالدى.
تەرگەۋ بارىسىندا كٷدٸكتٸلەردٸڭ كەيبٸرٸنٸڭ كيٸمٸنەن قانعا ۇقساس ٸزدەر انىقتالىپ, ٸس ٷشٸن ماڭىزدى بولۋى مٷمكٸن بٸرقاتار زاتتاي ايعاق تەركٸلەندٸ.
ۇستالعانداردىڭ بارلىعى تەرگەۋ ەرەكەتتەرٸن جٷرگٸزۋ ٷشٸن ەۋەزوۆ اۋداندىق پوليتسييا باسقارماسىنا جەتكٸزٸلدٸ.
قازٸر تەرتٸپ ساقشىلارى جانجالدىڭ شىعۋ سەبەپتەرٸن, وقيعانىڭ تولىق مەن-جايىن, ەربٸر قاتىسۋشىنىڭ ەرەكەتٸن جەنە پىشاق جاراقاتىن سالعان ادامدى انىقتاپ جاتىر. اتالعان دەرەك بويىنشا سوتقا دەيٸنگٸ تەرگەۋ جالعاسۋدا.
