Almatyda kóshedegi janjaldan keiin politsiia alty kúdiktini jedel túrde qolǵa túsirdi, dep habarlaidy ult.kz.
Qalalyq politsiia departamentiniń baspasóz qyzmetiniń málimetinshe, oqiǵa Aqsai yqshamaýdanynda tún ortasynda bolǵan. «102» arnasyna kóshede qolynda pyshaǵy bar bir top jigittiń júrgeni týraly habarlama túskennen keiin oqiǵa ornyna politsiia jasaqtary jiberilgen.
Politseiler kelgen kezde janjal saldarynan bir jigittiń pyshaq jaraqatyn alǵany anyqtaldy. Jedel izdestirý sharalarynyń nátijesinde oqiǵaǵa qatysy bolýy múmkin degen kúdikpen alty jas jigit ustaldy.
Tergeý barysynda kúdiktilerdiń keibiriniń kiiminen qanǵa uqsas izder anyqtalyp, is úshin mańyzdy bolýy múmkin birqatar zattai aiǵaq tárkilendi.
Ustalǵandardyń barlyǵy tergeý áreketterin júrgizý úshin Áýezov aýdandyq politsiia basqarmasyna jetkizildi.
Qazir tártip saqshylary janjaldyń shyǵý sebepterin, oqiǵanyń tolyq mán-jaiyn, árbir qatysýshynyń áreketin jáne pyshaq jaraqatyn salǵan adamdy anyqtap jatyr. Atalǵan derek boiynsha sotqa deiingi tergeý jalǵasýda.
