فوتو: pexels
"يمامداردى جولاتپاي, جۇما ناماز جابىق تٷردە وقىلدى". الماتىداعى پانسيوناتتاردىڭ بٸرٸندە تۇرعان جاسٶسپٸرٸم مەكەمە ٸشٸندەگٸ استىرتىن ەرەكەتتەردٸ ايتىپ بەردٸ, دەپ حابارلايدى Almaty.tv.
ونىڭ سٶزٸنشە, قايىرىمدىلىق قورىنا قارايتىن جاتاقحانادا تٸپتٸ شەتەل ازاماتتارى دٸني تاقىرىپتا ەمتيحان تاپسىرتقان.
ەسكە سالايىق, بۇعان دەيٸن اقپارات كٶزدەرٸندە قۇزىرلى ورگانداردىڭ دەل وسىنداي بالالار پانسيوناتىنا قاتىستى قىلمىستىق ٸس تەرگەپ جاتقانى ايتىلعان ەدٸ.
"ول جاققا بارعالى يمامداردى كٶرگەن جوقپىن", – دەيدٸ جاسٶسپٸرٸم.
ەسٸمٸن جارييا ەتۋ تۇرماق, تٷرٸن كٶرسەتۋگە قورىققان جاسٶسپٸرٸم داۋسىن دا ٶزگەرتۋدٸ سۇراعان. الايدا ول پانسيونات قىزمەتكەرلەرٸنٸڭ جاسىرىن ەرەكەتٸن جاسىرماي ايتىپ بەردٸ. سٶزٸنە سەنسەك, پانسيونات ۇستازدارى جابىق ەرٸ جٷيەلٸ تٷردە دٸني جورالعىلار ٶتكٸزگەن. تٸپتٸ, ٶزگە تٸلدە دەرٸس بەرگەن كەزدەرٸ دە بولعان.
"جۇما كٷنٸ تەكسەرٸس كەلدٸ. ول كٷنٸ جۇما نامازى وقىلمادى. بٸزگە تەكسەرٸس جايلى الدىن الا ەسكەرتتٸ. كٸتاپتارىمىزدى سٶرەگە سالىپ, تىعىپ قويدىق", – دەيدٸ جاسٶسپٸرٸم.
جاسٶسپٸرٸم "جاعدايدى بٸردەن اتا-اناما ايتۋعا و باستا باتىلىم بارمادى" دەيدٸ. الايدا كەيٸن شىندىقتى جاسىرماي, ٸس ناسىرعا شاپپاي تۇرعاندا مەكەمەدەن بٸرجولا كەتۋدٸ جٶن ساناپتى.
"باسىندا بالامدى "ەڭ مىقتى ۋنيۆەرسيتەتكە وقۋعا تٷسٸرەمٸز" دەپ سەندٸرگەن. وعان ەش ارام ويىمسىز, قۋاندىق. كەيٸن ۇلىم دا, بٸرگە كەتكەن 70 بالا دا ۋنيۆەرسيتەتتە ەمەس, مەدرەسە اتىن جامىلعان مەكەمەدە تۇراتىنى بەلگٸلٸ بولدى. وندا باسكٶز بولعان "ۇستازسىماقتار" ولارعا كٷش قولدانعان", – دەيدٸ اتا-انالاردىڭ بٸرٸ.
قۇزىرلى ورگاندار دەرەگٸنشە, مۇنداي پانسيوناتتار الماتىدا عانا ەمەس, ەلدٸڭ ٶزگە ٶڭٸرٸندە دە بار. جالپى سانى 90-نان اسادى. جەنە بارلىعى بٸر قايىرىمدىلىق قورىنا قارايدى. بۇعان دەيٸن ولار مٷفتيياتپەن مەموراندۋم جاساسۋ ارقىلى جۇمىس ٸستەگەن.
"دٸن جەنە زاڭ بويىنشا زاڭسىزدىقتار تابىلىپ جاتقاننان كەيٸن قمدب "جٸبەك جولى" قايىرىمدىلىق مەكەمەسٸمەن جاساسقان مەموراندۋمدى توقتاتتى", – دەيدٸ قمدب الماتى قالاسى بويىنشا پەتۋا باعىتىنا جاۋاپتى مامان ەلبەك تاسبولاتۇلى.
دٸنتانۋشىنىڭ ايتۋىنشا, مەدرەسە اتىن جامىلعاندار يمامدى جولاتپاي, "ٷي ٸشٸنەن ٷي تٸگٸپ" ٶز ەرەجەسٸمەن جٷرۋٸنٸڭ ٶزٸ قوعامعا تٶنگەن قاۋٸپ.
"دەر كەزٸندە مىنا دەرتتٸ ەمدەمەسە, "سٷلەيمەنشٸلەردٸ" قولعا الماعان جاعدايدا, ولار دا كٷش جيناعان كەزدە شىنايى بەتپەردەسٸن كٶرسەتەدٸ. بٸرٸنشٸدەن, دٸني باسقارماعا باعىنباعانى ٷلكەن قاۋٸپ تٶندٸرەدٸ. ەكٸنشٸدەن, ٶزدەرٸنٸڭ جاسىرىن قۇلشىلىعى شاريعاتقا قايشى بولعاندىقتان, ول دا بٸر قاۋٸپ", – دەدٸ تەولوگ رۋسلان قايىرگەلدٸ.
قاڭتار ايىندا ەلەۋمەتتٸك جەلٸدە تاراعان بەينەجازباعا تەرتٸپ ساقشىلارىنىڭ پانسيوناتتار ماڭىندا جٷرگەنٸ تاسپالانعان. پوليتسييا دەپارتامەنتٸنٸڭ ٶكٸلدەرٸ سول كەزدە تەكسەرۋ جٷرگٸزٸلٸپ, وقيعا ورنىنان "قازاقستاندا ەكسترەميستٸك دەپ تانىلعان جەنە تاراتۋعا تىيىم سالىنعان ماتەريالدار تابىلعانىن" حابارلادى.
"پانسيوناتتىڭ ٸشٸندە جاسٶسپٸرٸمدەر زاڭسىز دٸني جورالعىلار جەنە ۇجىمدىق دۇعالارعا قاتىسقان. ال كەلٸسپەگەن كٸشكەنتاي بالالارعا قىسىم كٶرسەتكەن. تاماق, سۋ بەرمەي, كەي كەزدە قول كٶتەرگەن. وسى دەرەكتەر بەلگٸلٸ بولعاننان كەيٸن پوليتسييا تاراپىنان ٸس-ەرەكەت جاسالدى. قازٸرگٸ تاڭدا قىلمىستىق ٸس تەرگەۋ باسقارماسىندا", – دەدٸ پوليتسييا دەپارتامەنتٸنٸڭ رەسمي ٶكٸلٸ سالتانات ەزٸربەك.
پوليتسييا ٶزگە اقپار تەرگەۋ مٷددەسٸنە ساي جارييا ەتۋگە جاتپايتىنىن مەلٸمدەدٸ. بٷگٸندە ەگجەي-تەگجەيلٸ تەكسەرۋ جۇمىستارى جٷرگٸزٸلٸپ جاتقانىن عانا ايتتى.
