الماتى قالالىق پوليتسييا دەپارتامەنتٸ باستىعىنىڭ ورىنباسارى رۋستام ەبدٸراحمانوۆ تۇرعىنداردى ينتەرنەت-الاياقتاردان ساق بولۋعا شاقىردى, دەپ حابارلايدى قازاقپارات.
«قىلمىسكەرلەر مىنانداي سحەمامەن ەرەكەت ەتەدٸ: ولار ۇيالى تەلەفونعا قوڭىراۋ شالىپ, ٶزٸن پوليتسييا قىزمەتكەرٸمٸن دەپ تانىستىرادى. سونىڭ ٸشٸندە مەنٸڭ دە اتىمدى اتاۋى مٷمكٸن. سودان كەيٸن سٸزدٸڭ اتىڭىزعا نەسيە الماق بولعان الاياقتاردى ۇستاۋ ٷشٸن قازٸر ارنايى وپەراتسييا جٷرگٸزٸلٸپ جاتقانىن ەسكەرتەدٸ»,- دەپ جازدى رۋستام ەبدٸراحمانوۆ ٶزٸنٸڭ تەلەگرام-كانالىندا.
رۋستام ەبدٸراحمانوۆتىڭ ايتۋىنشا, «جالعان پوليتسييا قىزمەتكەرلەرٸ» قازٸر قر ۇلتتىق بانكٸمەن بٸرلەسٸپ جۇمىس ٸستەيتٸنٸن حابارلاپ, دەل سول كەزدە ولارمەن بايلانىساتىنىن ايتىپ, جەلٸدە قالۋدى سۇرايدى. بۇل – الاياقتاردىڭ تاعى بٸر ەرەكەتٸ.
«ودان كەيٸن تەلەفوننىڭ ارعى جاعىنداعى ادام سٸزدٸڭ كارتاڭىزعا رۇقساتسىز اقشا اۋدارۋ ەرەكەتتەرٸ جٷرٸپ جاتقانىن جەنە اقشاڭىزدى ساقتاۋ ٷشٸن بانك شوتىنا نەمەسە ٷشٸنشٸ تۇلعالاردىڭ شوتىنا بەلگٸلٸ بٸر سومانى سالۋ كەرەك ەكەنٸن ايتىپ, ٷگٸتتەيدٸ»,- دەپ اتاپ ٶتتٸ پوليتسييا ٶكٸلٸ.
الماتى قالالىق پوليتسييا دەپارتامەنتٸ باستىعىنىڭ ورىنباسارى پوليتسييا قىزمەتكەرلەرٸ ەشقاشان تەلەفون ارقىلى ارنايى وپەراتسييالار مەن تەرگەۋ ەرەكەتتەرٸن جٷرگٸزبەيتٸنٸن ەسكەرتتٸ.
«مۇنداي جاعدايلاردا تەلەفونمەن سٶيلەسۋدٸ توقتاتىپ, بانك كارتاسىندا نەمەسە بانك سايتىندا كٶرسەتٸلگەن سەنٸمدٸ نٶمٸرگە قايتا قوڭىراۋ شالۋ كەرەك. قانداي جاعداي بولماسىن بانك كارتاڭىزدىڭ دەرەكتەرٸن, سونىمەن قاتار جەكە باسىڭىزعا قاتىستى مەلٸمەتتەرٸڭٸزدٸ ەشكٸمگە ايتپاڭىز, جٸبەرمەڭٸز», – دەدٸ رۋستام ەبدٸراحمانوۆ.
