سۋرەت اشىق دەرەككٶزدەن الىندى
الماتىدا ٶرتتەن كەيٸن دالادا قالعان كٶپقاباتتى ٷيدٸڭ تۇرعىندارى نارازىلىق بٸلدٸردٸ. ولار ەكٸمدٸكتٸڭ مەكتەپتە ۇيىمداستىرعان ۋاقىتشا ورتالىعىنا جاتقىسى كەلمەيدٸ. ال قوناقٷي نەمەسە اياقاستى پەتەر جالداۋ قۇنى تىم قىمبات. "جەرگٸلٸكتٸ بيلٸك ۇسىنعان قارجى ونىڭ بٸرٸنە دە جەتپەيدٸ" دەپ نازىن ايتتى تۇرعىندار. بۇل تۋرالى كتك تەلەارناسى حابارلادى.
"بٸز مىناداي پروبلەمامەن كەزدەسٸپ تۇرمىز. ولار "رەسمي جالعا بەرٸلەتٸن پەتەر تابىڭدار" دەيدٸ. بٷگٸن ونداي بولماسا دەپ تالاپ قويدىق. سەبەبٸ, ٶزدەرٸڭٸز بٸلەتٸندەي, رەسمي تٷردە جالعا بەرەتٸندەر از. مەكتەپتە ساباق باستالايىن دەپ جاتىر. بەرٸ ونى بٸلٸپ تۇر. سودان كەيٸن باعانى دا جوعارى سۇراپ وتىر. ەكٸ-ٷش ايعا ەشكٸم بەرگٸسٸ كەلمەيدٸ. سول جاعى بٸزگە پروبلەما" - دەيدٸ ٶرت شىققان ٷيدٸڭ تۇرعىنى ميراس يگٸباەۆ.
قىزىل جالىننىڭ قۇرساۋىندا قالعان 16 قاباتتى ٷيدە 96 وتباسى تۇرعان. جارتىسىنان كٶبٸ - مەملەكەتتٸك باعدارلامامەن جالعا الىنعان باسپانا.
بٷگٸن وقيعا ورنىنا كەلگەن اۋدان ەكٸمٸ جاڭا ۇسىنىس جاسادى: پەتەردٸ ەر وتباسى ٶزٸ تابۋعا تيٸس. تەك بٸر بٶلمەلٸ باسپانا – 200 مىڭ, ەكٸ بٶلمەلٸ – 300 مىڭ, ٷش بٶلمەلٸ پەتەر – 400 مىڭ تەڭگەدەن اسپاۋى قاجەت جەنە بەرٸ رەسمي بولۋى مٸندەتتەلگەن. ياعني ەر تۇرعىن ٶزٸ جالداپ تۇراتىن ٷي يەسٸمەن جاساسقان كەلٸسٸم قۇجاتى مەن باسپانانىڭ مەكەنجايىن كٶرسەتۋٸ كەرەك.
كٶمەك ەكٸ ايعا قاراستىرىلعان. ٶيتكەنٸ ٶرت شىققان ٷيدەگٸ قايتا قالپىنا كەلتٸرۋ جۇمىسى سول ارالىقتا اياقتالماق. بٸرٸنشٸ قاباتتان توعىزىنشى قاباتقا دەيٸن ەلەكتر جەلٸسٸ تٷگەل اۋىستىرىلىپ, پەتەرلەر تازارتىلادى. ال تۇرعىندار ٶز ٷيٸنە قىركٷيەكتٸڭ سوڭىنا قاراي ورالا الادى. وعان دەيٸن دٷنيە-مٷلٸكتٸڭ ساقتىعى دا باقىلاۋدا بولادى دەپ وتىر اۋدان ەكٸمٸ.
"دەپوزيت - ول ەركٸمنٸڭ ٶزٸنٸڭ مٷلٸككە دەگەن جاۋاپكەرشٸلٸگٸ. سوندىقتان دەپوزيتتٸ ٶزٸ تٶلەۋگە مٸندەتتٸ. ٶيتكەنٸ مەملەكەت دەپوزيتتٸ تٶلەي المايدى. بۇل - بٸرٸنشٸ سۇراق. الاڭداتىپ تۇرعان ەكٸنشٸ سۇراق, "باسقا ىقشاماۋدانعا كەتٸپ جاتساق, بالالاردىڭ مەكتەپكە ورنالاسۋى, بالالاردىڭ بالاباقشاعا ورنالاسۋى" دەگەن سۇراقتار تۋىنداپ وتىر. ول سۇراقتارعا بٸز ەكٸمشٸلٸك رەتٸندە كٶمەك بەرەمٸز", - دەيدٸ الاتاۋ اۋدانىنىڭ ەكٸمٸ ازامات قالدىبەكوۆ.
ۆيدەو: جاڭالىقتار - نوۆوستي // كتك, Youtube
