sýret ashyq derekkózden alyndy
Almatyda órtten keiin dalada qalǵan kópqabatty úidiń turǵyndary narazylyq bildirdi. Olar ákimdiktiń mektepte uiymdastyrǵan ýaqytsha ortalyǵyna jatqysy kelmeidi. Al qonaqúi nemese aiaqasty páter jaldaý quny tym qymbat. "Jergilikti bilik usynǵan qarjy onyń birine de jetpeidi" dep nazyn aitty turǵyndar. Bul týraly KTK telearnasy habarlady.
"Biz mynadai problemamen kezdesip turmyz. Olar "resmi jalǵa beriletin páter tabyńdar" deidi. Búgin ondai bolmasa dep talap qoidyq. Sebebi, ózderińiz biletindei, resmi túrde jalǵa beretinder az. Mektepte sabaq bastalaiyn dep jatyr. Bári ony bilip tur. Sodan keiin baǵany da joǵary surap otyr. Eki-úsh aiǵa eshkim bergisi kelmeidi. Sol jaǵy bizge problema" - deidi órt shyqqan úidiń turǵyny Miras Igibaev.
Qyzyl jalynnyń qursaýynda qalǵan 16 qabatty úide 96 otbasy turǵan. Jartysynan kóbi - memlekettik baǵdarlamamen jalǵa alynǵan baspana.
Búgin oqiǵa ornyna kelgen aýdan ákimi jańa usynys jasady: páterdi ár otbasy ózi tabýǵa tiis. Tek bir bólmeli baspana – 200 myń, eki bólmeli – 300 myń, úsh bólmeli páter – 400 myń teńgeden aspaýy qajet jáne bári resmi bolýy mindettelgen. Iaǵni ár turǵyn ózi jaldap turatyn úi iesimen jasasqan kelisim qujaty men baspananyń mekenjaiyn kórsetýi kerek.
Kómek eki aiǵa qarastyrylǵan. Óitkeni órt shyqqan úidegi qaita qalpyna keltirý jumysy sol aralyqta aiaqtalmaq. Birinshi qabattan toǵyzynshy qabatqa deiin elektr jelisi túgel aýystyrylyp, páterler tazartylady. Al turǵyndar óz úiine qyrkúiektiń sońyna qarai orala alady. Oǵan deiin dúnie-múliktiń saqtyǵy da baqylaýda bolady dep otyr aýdan ákimi.
"Depozit - ol árkimniń óziniń múlikke degen jaýapkershiligi. Sondyqtan depozitti ózi tóleýge mindetti. Óitkeni memleket depozitti tólei almaidy. Bul - birinshi suraq. Alańdatyp turǵan ekinshi suraq, "basqa yqshamaýdanǵa ketip jatsaq, balalardyń mektepke ornalasýy, balalardyń balabaqshaǵa ornalasýy" degen suraqtar týyndap otyr. Ol suraqtarǵa biz ákimshilik retinde kómek beremiz", - deidi Alataý aýdanynyń ákimi Azamat Qaldybekov.
video: Jańalyqtar - Novosti // KTK, Youtube
